تقول المدام هالصيف لازم اسافر
********** ما همني عن المرض شو يقولون
يرد عليها الزوج ترى في مخاطر
************ منه يا بنت الناس وايد يحذرون
قالت ادري انت تحاتي المخاسر
************** وانا بسافر والذي كاين يكون
يصرخ يقول والله ماني بقادر
************* يا حرمه رحميني غرقان بديون
ردت وقالت ليتني خذت تاجر
*********** شيبه ورصيده فوق عشرين مليون
احسن منك انت يا بو حظ قاصر
************** اهلك بالبلاد كل صيف يصيفون
قال اسمعي مابي كلام ومعاير
************** والا نسيتي بكم كلمه يطلقون
قالت طلقني اليوم ليت قبل باجر
************** باخذ غني يلف بي كل هالكون
لجل السفر انهد بيت كان عامر
*********** هل كيف العشره على البعض تهون
وين المحبه وين احلى المشاعر
************** راحت مع الريح في لحظة جنون
وسلامتكم مجرد كلمات عن بعض مواقف اللي تحصل في ايام الاجازات والسفر
والسموحه على اي خلل بالوزن