عندي موضوع و حابه أناقشكم فيه و أعرف وجهات نظركم
اخواتي اول شي مانبي زعل هي وجهات نظر فقط
ورجاااااااااااااااااء لحد يغلط عندج شي زين قوليه ماعندج استغفري وتوكلي على ربك وياليت الي ماتبي ترد ترفع الموضوع بدعوة وجزاكم الله خير جميعا
?
اخواتي فيه حكمة كنت دايم اسمعها بس اطنشها لكن الان صدقتها واقتنعت فيها
يقولج المثل او الحكمة مدري وش الي انسب
{ خذ البنت المدلعة ولاتاخذ البنت الي مادلعت }
يعني الي بيتزوج ياخذ بنت ناس مدلعينها اهلها غالبا هي الي تصبر على الزوج وتتحمله سواء من قله مصروف او معاملة وهذا الشي مجرب فعلا وشفته على بنااااااااااااااات كثيرماشاء الله كانو مدلعات عند اهلهم مايخلون مكان مايرووحون له ويشترون الي خاطرهم فيه وملابسهم كلها ماركات
وبعد ماتزوجو معاد يشترون الا رخيص واشياء كثير تنازلو عنها
اما البنت الي كانت عادية عند اهلها او مهمشه بالمعنى الاصح ومايعطونها الا على عينها اذا خذت الرجال تعالي شوفي النصب والدلع انا اهلي مايشترون لي الا ماركات تبي تسافر للخارج تبي تروح احسن المطاعم ماتراعي زوجها ابد ماعندها الا جب جب كانها ماقد شافت خير وهذا والله حقيقة وشفته بام عيني بنات اعرفهم ماكلين هوا عند اهاليهم ويوم تزوجت اشغلت زوجها ?
وكله نصب مع انه زوجها على قد حاله لكن تجبره احيانا يسوي المستحيل حتى لو يتسلف ?
وش رايكم خواتي وبصراحه
العكس هو الصحيح !
بس احس ان الي من تعرس تتفشخر وتراوي عمرهآ وماركات وترهق ريلها بالطلبات . . يبين عليهآ حديثة نعمه
يعني باختصاااار تبين مستواها وانها ماكانت جايفه خير خخخخ
بس بخصوص المقولهـ ..
ترا في بنات ع قولتج مدلعات لكن ما يتحملون العيشهـ لو الريال اقل عن مستواها وممكن تطلب الطلاق لانها تعودت على نمط معين من الحياه وبعده عقلها مرتبط بماضيها وحياتها قبل الزواج .. 
وحلو الانسان يكون قنوع بنصيبهـ … يعني مايندرى باجر ريلي بيكون واحد عنده خير ولا لا .. ف كلا الحالتين بقدر ظروفهـ .. والحمدلله على كل حال ..
ويمكن يكون العكس .. في بنات وايد أهلهم مدلعينهم ..وطلعوا عيون رياييلهم من الطلبات
لأنها تعودت على مستوى معيشي ما تقدر تتنازل عنه
وفي بنات عند أهاليهم كانوا مضغوطين لكثرة افراد الأسرة أو لقلة حيلة الاب
ومن تتزوج يكفيها انها تزوجت واستقلت وتكون طلباتها على قدها..بالعكس تستانس بالقليل من الاهتمام من الزوج
أو لتلبية طلباتها
وجهة نظر
ونحن مب مدلعآت في بيوت أهلنآ ~> نقصد دلع الماركات والبطره
بس محصلين حب واحترام وتقدير وانه نحن مب مقصرين فيهم
وماركتنا هالشي وفلوسنا رضاهم
ومانبا اكثر من جيـه
ويوم بنعرسً بالعكسً ما بنكون مثل ما تقولين
بس يمكن هالانسسسانه محرومه من كل شي ~ حتى الحب والحنان
وقالت يالله ~
وبعدين لو شفتي حد ماعيبج لا تحكمين ع المجتمع كله وتحطين لج نظريه من استنتاجج !!
وتعممين ع الكل
صبوع يديج مب كلهن نفس شي
ربي يوفقج يالغلا ويسعدج
كنت هنآ
