الوسم: المراهقه

بنات .. انا تعبانه و وايد افكر وايد ..

احس تعبت من التفكير |..

بنات بدخل لكم بالموضوع سيده .. انا على نهاية سن المراهقة .. قربت ادخل سن الرشد . و هالفتره تعرفون انها اكثر فتره للزواج مابين الـ 18 الى 25

وانا عمري 19 .. بس بنات مشكلتي اني مب وايد ويا امي احس شي حواجز ..

قولولي كيف اكسرها ؟ وانا من النوع لي يستحي استحي حتى من امي !!

الي خلاني اتكلم بهالموضوع اني وايد افكر فيه . باجر اذا الله راد و انخطبت كيف بكون قريبه من امي عشان تكلمني بالموضوع او انا اشرحلها الموضوع و غيره .

؟؟

ساعدوني الله يخليكم ..

و ادعولي اني اكون قريبه لامي

و ان الله يجمعني بلي في بالي و يكون بينا نصيب وتتسهل كل امورنا يارب ..

اللهم

"

الله ينوووولج مراادج حبيبتي ويهون عليج ..

تسلمين الغاليه على هالدعاء

هلا اختي

حاولي تتقربين منها
ممممممممممممممم
ارمسي وياها بأي موضوع
حاولي تكونين قريبه اضحكي سولفي
وياها

وان شاء الله الامور تتعدل بينكم
وودري عنج المستحى وهاي امج ترا

وربي يوفقج ويحقق لج مرادج الغلا

ربي يوفقج ويحقق لج مرادج الغلا

تسلمين ياقوته وتسلمين دلوعة حماده

الله ينوووولج مراادج حبيبتي ويهون عليج ..

حبيبتي اول شي اقعدي وياها وااااايد

دشي وياها المطبخ ساعديها باي حتى لو كان سلطه مثلا لو ما تعرفيين تطبخيين

دشي النت طلعي اشيا و طبقيها وبتستانس منج و هييه بروحها بتتقرب منج

بتحس انج حرمه و تقدر تعتمد علييج

اقضي اطول وقت ممكن وياها بس مب تلصقيين فيها خخخخخخخخخ

اذا شفتيها قاعده بروحها لا تخلينها روحي المطبخ سوي كوبين عصيير لج و لها

اقعدي وياها و تابعي وياها اي شي ع التلفزوون و تناقشي وياها

شاوريها بالاشيا العاديه يعني مثلا يوم تشترين شي راويها اخذي رايها

يعني حسسيها نج كبرتي يمكن انت ما تقعدين وياها يمكن في نظرها

انتي بعدج ياهل واحنا مهما كبرنا في عيونهم صغار

شوي شوي حاولي تكسريين هالحاجز

السلام عليكم ورحمة الله وبركاته

والله يا خواتي مو عارفه من وين ابدأ

أنا عندي بنتي الكبيره بلغت وهي عندها احد عشر سنه وعادي

بس بعد فتره بدت تسألني اسأله غريبه واني استحي وووووووووايد

وما اعرف اجاوبها مثل اول مره جات وقلت امي انا ما ابى اتزوج قلتلها ليش سكتت وانا رحت

وراها وقلتلي امي سج الي يتزوجون يسوون عيب انا ابهرت وتميت اسأل مين الي خبرج ومتى

وما عرفت اجاوبها وبعد فتره تقول درسنا اليوم عن الغسل والطهاره وابله قالت غسل الحيض

والجنابه شو هو غسل الجنابه وانا قلتلها حاجه بين المتزوجن عادي وحاولت ابصت الموضوع

ولما تكبرين بتعرفين اكثر وبعد تسألني عن كيف النظف المنطقه الحساسه ما عرفت اجاوبها

لاني صج معرف في هسن كيف ينظفووون ارجوووكم خبروووني ومره كنا جالسين نتكلم عن المدرسه

وانا اسألها ونسولف عن البنات ومدري شو و البويا وانا جلست انصح وهي قالت انا احب ربيعتي وايد

انا قلت لها عادي إذا هي طيوبه ومؤدبه قالت الابله تقول الحب مو زين بين البنات قلت شو الحب

قالت ايوه انا احبها وايد …يعني وهسوالف وحوالت اتكلم بس فهمت ولا والحين ما اعرف

شواسوي وياها المشكله ان بنات عمها كلهم اكبر عنها في الثنويه والكليه ولما ايووون عندنا او

انروح بيتهم اشوفها معاهم وينادونها ويتكلمون معاها كأنها قدهم وما اعرف شو اسوي

ارجوووووكم ساااااعدوني بتجاربكم ولكم جزيل الشكر والله يحفظكم

حبيبتي يلسي وياها كوني انتي صديقتها

فديتج اذا انتي كل مره ماجاوبتي على اسألتها تراها بتدور على اجابتهن من عند حد ثاني
ادخلي مواقع مختصه في الانترنت وبتعرفين كيف ممكن تجاوبينها بطريقه مبسطه وطبعا مب بشرح تفصيلي
وبخصوص تنظيف المنطقة الحساسه للمراهقات علمي بنتج ظروره ازالة الشعر قبل الدوره عشان ماتطلع روايح مب زينه وقت الدوره
ولازم تغير الملابس الداخليه اكثر من مره…تابعيها انتي لانهن ينسن في هالعمر
خليها تشل وياها فوط صحيه واندروير واحد احتياط يوم بتسير المدرسه عشان تبدل
خليها تبتعد عن المشروبات الغازيه وشربيها اشياء دافيه مثل النعناع…الينسون…الزعتر

ممكن تغسل المنطقة الحساسه بجل سايتيل مخفف بالماي.
وتلبس دلاغات عشان ماتلحقها البروده في ريولها.

حبيبتي حالولي تثقفين نفسج عن كيفية التعامل مع المراهقين والإجابه عن أسألتهم
وحاولي أنج اتسولفين معاها دايما عشان تقولج اللي في خاطرها
ولا تعصبين عليها إذا سألتج عن شي محرج عشان ما تخسرينها وبعدين ما بتقولج أي شي بخاطرها
وبعدين بتروح وبدور الإجابه بروحها ويمكن تحصل على معلومات غلط

حياتي نصيحه من اخت خبري بنتج وثقفيها

دام بدأت تسأل نصيحه من اخت نصيحه

انا في يوم من الايام كنت في عمرها وكنت غشيمه ما اعرف فلدنيا شئ

وشكثر سويت اخطاء بسبب هل شئ .. امي كانت تستحي اتقولي هل اشياء

وانا ما كنت اعرف كنت اسمع وما استوعب لدرجه ان صارتلي اشياء وما عرفت

ان هل شئ غلط الا بعد سنوات

بنتج دام اتي اتكلمج يعني هل شئ لصالحج خذيها لطرف وكلميها

قوليلها بطريقه مبسطه وفهميها ان هل شئ مب غلط بس لازم ايي في وقته

في ناس يتمون يفكرون في هل اشياء لين يكرهونها فما بتحب تتزوج

البنات يرمسون انج انتي اتقولينلها احسن بمليون مره من ان بنت اتقولها كلام يمكن غلط

خليني اكون صريحه معاج في هل عمر مب ياهل لان في وايد في عمرها وقولون هل بلاوي

تعرف واتفكر في هل اشياء احسن من بنت تايهه وما تعرف

وطلبتج اي تطور يصير وياج خبريني انا صح عمري 21 بس عشت هل تجربه واعرف شو معنى

ان محد يخبرج وتطرين تكتشفين بروحج وتنصدمين بروحج

السلام عليكم ورحمة الله وبركاته

افتتحت يومياتي يوم :

8 – 2 – 2024

بدأت الرجيم يوم :

31 – 1 – 2024

اول يوم وزني 100.6
واليوم وزني 94.6

ملاحظة : طولي 169 & عمري : 15 سنة
هدفي الاول : 85
هدفي الثاني : 70

تـــابعوووووووني و شجعـــوني
دمتــــم ســــــــــالمين

الحمدالله رب العالمين ، ،
ربي اعطاني نعمه الصبر و الاستحمال ، واني اكره شي اسمه شبسات والحلويات والكل الاكلات الدسمه

تابعوني ب يومياتي
و بحاول اقوى شي انزل الصور لانه الفون مسحوب من قبل اهلي ،
و افكر اسوي فري دااي يوم الجمعه لانه رجيمي قاسي بنسبه لسني ، ،

عطوني رايكم اسوي فري داي او لا ؟؟

ريوقي : توست اسمر فيه جبن ها الي برع احمر اظني جبن هولندي ههه نسيت + جبن عادي قليل الدسم

الغدا : بيض مقلي وتوست

العشا : روب خالي من الدسم

الرياضه : مشي سريييع لمده ساعه كامله

حلو انه عندج اراده بس اهم شي انج تكثرين الماي وتاخذين يوم فري
بالتوفيق عزيزتي وان شاء الله تضعفين بصحه وعافيه

موووووفقه
شدي حيلج

بآلتوفييج غنآتي ..

عندج وقت كآفي للنزول ومعروف هالشي الصغير نزوله اكثر من الكبيرر

لازم الفري عسب جسمج ما يتعود على هالنظام

استمري …

اختي الصغيره ودلوعة امي دخلت سن المراهقه ومن فتره مب يالسه تحترم حد كل اسلوبها صراخ في صراخ اي حد بيكلمها بترد بعصبيه وقلة ادب سوا كانت امي واخواني او خواتي امس من كثر ما قهرتني ضربتها لانها كانت اتعلي صوتها عليه وتبا تضربني وانا اكبر عنها ب15 سنه تقريبا ما اعرف كيف اتعامل وياها تعبت من اسلوبها مب راحمه حد حتى الشغالات اتسبهم و لو ضربناها ماشي فايده اعطوني الحل والمشكله انها ما اتصلي بعد رغم انها بلغت ولا تتحجب انا دوم انصحها بس ماشي فايده يوم بتصلي وايام لا والشيله ما اتحطها على راسها يالله عالكتف ويوم اقول حق امي قوليلها عالاقل اتحط الشيله على راسها اتقول بعدها صغيره وفهمت امي انه هالشي في ذمتكم وانتوا بتتحاسبون عليه فالاخره وسكتت عني مع اني انا يوم كنت كبرها لبسوني عباه

انا اباكم اتساعدوني وتعطوني حل ونصايح اسويها لان حتى بنات خالاتي يلاحضون عصبيه اختي وانها ما تسمع الكلام وعنيده ويسألونا ليش اختكم جيه غير عنكم

اسمحولي كلامي يمكن يكون مب امرتب بس من كثر ما انا مقهوره من اسلوبها ما اعرف شو اقول

الغاليه عمره الضرب مايفيد قد ماتقدرين انصيحها واذا صرخت عليج لاتردين عليها موول وهي بتتلوم بشوف عمرها تصرخ ع الفاضي هالسن مايباله تشدين عليه بالعكس انصحيها وخلج جريبه منها واايد حسسيها انج ربيعتها عسب اتأمن عليج وترتاحلج

اختي انا وايد قريبه من خواتي ومرحه وياهم واسولف وياهم بس هاي اختي حتى لو بنسولف وياها اتم اتصارخ ولو على شي بسيط ما يستاهل

سبحان الله وبحمده