لظروف خاصه طلعت بنتي من مدرستها اللي درست فيها kg1 العام….بعد ايام من الدوام الدراسي اليديد ..
والحين ادور على مدرسه تكون ممتازه من ناحيه التعليم والتربيه وطبعا وايد مدارس ما عندهم تسجيل الحين ..
حصلت مدرسه اسمها اقرأ للابداع العلمي ..قريبه من مدرسة الابداع العلمي لصلاح بوخاطر ..
والمدرسه الثانيه اسمهاالمروج..
طبعاماعندي اي معلومات عن المدرستين ..فابغي مساعدتكم فيهالموضوع ..
وشكرا ..
ام عبدالله ..تسلمين ..بس شو عن مدرسه الويس جرين ..
ممكن تخبريني عن ميزات المدرسه ..وبكون شاكره لج..
هذا ملخص عن المدارس الثلاثه اللي سألتي عنهم و ان شاءالله اكون افدتج.
– مدرسة ويس جرين
تأسيسهم قوي, لأني شفت ولد عم اعيالي فيها ماشاءالله بلبل انجليزي.
راي ثاني: الصراااحه انا ما كنت اعرف شي عن مدرسه وس غرين.. كان ولدي يدرس في الواحهkg1والسنه kg2في ويس غرين لانهم غيروا مدرسه الواحه وخلوها ويس غرين مش اني نقلته لا تم في نفس المدرسه بس ويس غرين اشترت الواحه وغيرت المنهج والدراسه..
والحين واااايد ممتاز في الدراسه واللغه ..واسلوبهم ودراستهم وااايد اوكي ويحببون اليهال للدراااسه والصفوف وااايد مرتبه وحتى المدرسات تعاملهن حلو ونظامهن للدراسه اوكي..بس انا ادور مدرسه يهتمون في الدين وااايد مثل الابداع العلمي.
راي ثالث؛ وايد زينه انا مرتاحه منهم عيالي فيها صدق يهتمون في اليهال
ام اخرى قالت؛ اقدر اعتبر نفسي استويت خبيرة بمدرسة ويس جرين
اولا قبل ما ابدأ حبيت اصحح بعض المعلومات الخطأ اللي ذكروها بعض الخوات
ليش تقولون ان مدرسة ويس جرين ما فيها اهتمام بالتربية الاسلاميه؟ هذا خطأ لأن بالعكس تأسيس العربي جدا ممتاز عندهم و التربية الاسلاميه منهج الحكومه و العيال ما شاء الله عليهم و هم الكي جي 1 حافظين وايد سور و احاديث.
ثانيا بالنسبه لدراستهم وايد قويه و المنهج متنوع و اللغه الانجليزيه وايد قويه.
المدرسين متنوعه جنسياتهم بس الغالب بريطانيين او اللي عندهم جنسيه بريطانيه.
مثل كل مدرسه .. ويس جرين لها مميزات و بعد مساوىء لأن ما بتحصلون مدرسه كامله
وحدة من الأمهات اضافت: انا سجلت ولدي في هالمدرسه. لاني من تجربة بنات خالي كل عيالهم فيها 6 ماشاءالله عليهم يدرسون في الويس جرين من الـ كي جي الى الصف الـ 11 .
دراستهم قويه قويه جداااا و القى عند الاولاد كمية معلومات وافره قليل ما القاها عند طلاب في مستوياتهم من مدارس ثانيه .. و تأسيسهم للطالب رووووعه ..لان المدرسين و المدرسات أجانب .. بس مدرسات العربي و الدين اللي هم اصلهم عربي طبعا ..و يهتمون بالمعلومات العامه للطالب مب بس حشو كتب و خلاص ..
والله انصح كل أم تفكر بتسجيل طفلها بهالمدرسه ..لانها فعلا اقوى مدرسه في الشارجه حاليا ..
وتصحيح لمعلومه …: ادارتهم مب هنديه.. المدير اصله اصله امريكي مستر كلفاتو .بس مسلم
– مدرسة المروج الانجليزية الخاصه
وايد ارتحت للمدرسة … ومستحيل تكون مدرسة نصرانيه لانه ما شفت عندهم ولا راهبه .. وبعدين يدرسون العربي والتربية الاسلامية كحصة عربيه 100% وحصص مستقله ومدرسات هالمادتين عربيات .. وبالنسبة للأنجليزي و الرياضيات والعلوم يدرسنهن مدرسات باكستانيات الاصل وباللغه الانجليزيه و باين عليهم طيبوبات … بس انا متأكده 100% ان المدرسة مش نصرانية ؟؟
مدرسة اقرا
اقرأ نظامها امريكي ملتزمة ونشاطات حلوة ورياضة وسباحة والمعلمين بعضهم اجانب عندهم للصف التاسع والأقساط أعتقد متل اي مدرسة اجنبية وفي رحلات ترفيهية
يزاج الله خير ..
بس خبريني كيف طريقة البحث لاني ادور عن طريق قوقل وما احصل هالمعلومات كلها ..
يا ريت لو تعلميني ..وثاني شي خبريني انتي وين مدخله عيالج ..اذا عندج حد في الروضه ….
اتريا ردج ..
المشاركة الأصلية كتبت بواسطة طبشوره 
يزاج الله خير ..
بس خبريني كيف طريقة البحث لاني ادور عن طريق قوقل وما احصل هالمعلومات كلها ..
يا ريت لو تعلميني ..وثاني شي خبريني انتي وين مدخله عيالج ..اذا عندج حد في الروضه ….
اتريا ردج ..
هلا والله فيج اختي طبشوره
شوفي اختي بصراحه انا ما اسوي بحث في الجوجل عن المدارس لأنه ماشاءالله المنتدى عندنا متروس عن المدارس و كل وحده كاتبه رايها فيهم. قمت و جمعت المعلومات هذي و رتبتها في موضوع واحد. يعني كل امارة من الامارات السبعه بروح مو اكثر. و حافظه البيانات هذي في الجهاز عندي و كل ما وحده كتبت شي عن مدرسه اعدل البيانات عندي. و كا ما وحده من الخوات اطلبت شي هم احطهم لها.
اعيالي الأثنين في الروضه. كي جي 1 و كي جي 2 في شويفات الشارقه.
