الوسم: المريئ

الغاليات انا من فتره طويله اعاني من الارتجاع المريئ والادويه صارت ما تنفعني دورت في النت
وحصلت اسم طبيب بحريني يعرف ل حالتي كلمته وسرت له شهر ديسمبر وعقب المنظار قال
عندي فتق في الحجاب الحاجز وارتخاء في المرئ وتقرحات على المريئ وواقنعني اسوي العمليه
الدكتور بصراحه زين ما عليه كلام وشهم عاملنا جنه من اهله انا وريلي وصليت استخاره
وتوكلت على الله وسويت العمليه في نهاية شهر ديسمبر اللي طاف ورجعت لبلاد وكنت بخير بس
عقب اسبوعين يتني كحه وحسيت بحراره بصدري وسرت انف واذن وحنجره وقال العصاره صاعده
!! والحمد لله على كل حال .. اتصلت بالبحرين بدكتوري قال تعالي بسرعه يمكن الكحه اثرت
قلت له حاليا ما اقدر اسير ولدي في المدرسه انا يوم سرت المدارس في اجازه يعني لين شهر 3
ما بروم اسير المشكله متعبتني لحموضه مره ثانيه سرت عند دكتور باطنيه سوى لي فحوصات قال
الهيموجلوبين والحديد درجاتهم نازله وقال يمكن مسببن لج حموضه وكتب لي ابر حديد بالوريد 10 مرات
بديت من اسبوع خذت جرعتين وبعد عطاني دواء عن لحموضه وحالتي ما تحسنت والحمد لله على كل حال

سؤالي

اذا فيه عضوه او حد من اهلها سوت هالعمليه وين سوتها في اي دوله
واذا عدنا اطباء في الامارات يسون هالعمليه ياريت تفيدوني حالتي تعبانه والله
واللي اعرفه انه اطباء التكميم او السمنه يسون هالعمليات اللي مسويه عمليه تكميم
للمعده تسأل دكتورها
سبحان الله يمكن احصل حل ل مشكلتي

وسمعت انه دكتور احمد الجزيري اللي في مستشفى راشد يسوي هالعمليات منوه عندها فكره
والله الشافي المعافي

واللي ما عندها رد ترفع الموضوع اكون ممتنه

ودايما قولو الحمد لله الذي عافانا مما ابتلى به غيرنا من الناس وفضلنا تفضيلا

احبكم في الله خواتي