الوسم: المشورة

ارجوكم اريد المشورة

بنات انا الحين فى الشهر التاسع وماجهزت للحين وميزانيتى ما تتعدى 600درهم انا والبيبى ارجوكم ساعدونى بالمكان اللى اقدر اشترى منه اشياء البيبى وشو الاشياء المهمة وتكون كم قطعه يعنى ابى ارخص الاماكن والاشياء اللى اشتريها المهمة خاااااااااااااالص وضرورية واشكركم مقدما والله حاسة انى بربى فى ها الاسبوع ارجوكم ساعدونى بالمعلومات

اممممممممم

ادوات لاستحمام …. كنادير شربت مع القماط .. الواحد على 25 درهم يبالج 7 تقريبا … فوانيل 6 …فوطه …

منز صغير .. واللحااف …مادري والله .. ان شاء الله البنات بيفدنج

ما عندي فكرة عن الأماكن بس خذي الأشياء الضرورية المعروفة يعني ..الله يوفقج

بيبي شوب معقول شوي

الغاليه يعتمد على حسب امارتج .. ارخص الاماكن ممكن تحصلين اللي تبينه
السوق الشعبي واللولو هيبر ماركت .. والله يوفقج الغاليه لأن جد صعب الوحده
تكون ميزانيتها بهالسعر ولا البيبي بعد مشارك فيه =( ..

الموناليزا ارخص شوي عن بيبي شوب وباقي المحلات

انا ميزانتي بحدود 500 وناويه اكفي اغراضي من الموناليزا وبيها ملابس حلوه وزينه

من الجمعيه اخذي ادوات الأستحمام والبامبرز ومنظف الأذن والبودر

مشكورين وماقصرتوا انزين انا بروح اللولو وبشوف يمكن الاقى شى يعجبنى سعره انا من دبى الموناليزا مافيها تخفيضات الحين؟؟؟؟؟؟؟؟؟؟؟؟؟

لدراسة الماجستير المشورة**

عنديكمهندس ولد خريج المعهد البترولي وانا حالة يكمل الماجستير بس كل الجامعات طالبة معدل 3 وهو معدلة 2.2 وين ممكن أسجلة حتي ولو ماجستير في إدارة الاعمال المهم تكون عندة شهادة الماجستير أفيدوني xxxxxxx

( دَعٌأَء أَلَأًسّتٌغِفِأُرً )

( أُلَلًهًمِ أِنِتّ رّبّيً لًأِ أِلِهَ أَلُأِ أَنًتُ ، خٌلُقُتًنُيّ وّأِنّأِ عّبّدّڳَ ، وِأُنًأٌ عًلِى عّهًدُڳِ وَوّعًدًڳً مِأَ أِسٌتُطٌعُتِ، أِعُوٌذُ بُڳَ مٌنّ شَرٌ مُأًصِنّعّتٌ ، أًبٌوّء لّڳّ بٌنًعِمُتُڳّ عُلًيّ وًأُبُوِء لًڳَ بًذِنٌبَيً فَأِغٌفَرٌ لُيَ ، فَأَنِهّلِأِيّغِفِرِ أُلّذَنٌوَبٌ أُلِأُ أٌنُتً )

جامعة ولونغ غونغ اللي في دبي يقبلون ، و الجامعة ممتازة بحسب ما سمعت

و بالتوفيق إن شاء الله خليجية

ربي يوفقج أختي خليجية


قال تعالى:*{"وَالَّذِينَ يُمَسَّكُونَ بِالْكِتَابِ وَأَقَامُواْ الصَّلاَةَ إِنَّا لاَ نُضِيعُ أَجْرَ الْمُصْلِحِينَ*"* }

*[سورة الأعراف ]

جزا اللة كل من رد علي رسالتي خير الجزاء وجعلة في ميزان حسناتكم

اختى بعض الجامعات تقبل بس بمواد اضافيه ياخذها في الجامعه نفسها ويشد حيله ويب فيها المعدل المطلب وعقب يقدر يكمل معاهم..لازم تستفسرون من الجامعه نفسها الى حاب يدرس فيها…
واسال الله التوفيق لكم.

اختي الغالية مشكورة علي الإيضاح ولدي حاب يشتغل ويدرس أصدقاءك يشتغلون ويدرسون في الجامعة الكندية بس يومين الجمعة والسبت

فزعتكن خواتية حدرن عطني المشورة

سلام عليكم ورحمة اللة وبركاتة
وشحالكن خواتية عساكن الابخير

عندي ربيعتية بالباجر بتسجل فالجامعة جامعة الشارقة
قالتلية ماتعرف شالتخصص اللي تحدرة انا بمايني دقة عتيجة ماعرف لهالسوالف
قلتلها شالتخصصات اللي عندهم خبرينية وبرد عليج (واثقة ينكن مابتردني
فقلت باخذ برايكن انتن ادرى مني شالتخصصات المطلوبة واللي بتنفعها
هي تخصصها ادبي
كلية الشريعة(اصول الدين،الفقة واصولة)
كليةالاداب والعلوم الانسانية والاجتماعية(اللغة العربية وادابها،اللغة الانجليزية وادابها
التاريخ والحضارة الاسلامية،علم الاجتماع،الدبلوم العام في التربية)

كلية ادارة الاعمال(المحاسبة،ادارة الاعمال،نظم المعلومات الادارية،الادارة العامة،التمويل)

كلية القانون

كلية الاتصال(الصحافة الاذاعية والتلفزيزنيو،الصحافة المطبوعة،العلاقات العامة،الاعلام المرئي)

كلية الفنون الجميلة والتصميم(الفنون الجميلة،العمارة والتصميم الداخلي،تصميم الازياء،النسيج
،تصميم المجوهرات،التصميم الجرافيكي والسئط المتعددة

دخيلكن لاتردني لنها محتارة ماعندها حد تشاورة غيري انا اللي مافهم بهالامور هع

فديتج الموضوع نزليه بقسم ساعدوني مب المساعدات خليجية

عروس تبغي المشورة شاكرة لكن مقدماً خواتي

السلام عليكم و رحمة الله و بركآته ..

خواتي حبيباتي ابغي المشورة في أكثر من شغلة و واثقة انكم ما راح تقصرون بإذن الله ..

عرسي إن شاء الله بداية شهر 8 .. الله يتمم لي و لكل العرايس ياا رب و يرزق العزابيات عاجلاً غير آجل .. اللهم آميــن

[1]

أنا من النوع المشعر و وآآآآآآآآآيد أعااني من هالشي بصراحة بشكل مب طبيعي ..
حتى ويهي و منطقة الذقن و الشنب ..
فكرت أسوي ليزر بس بيكلفني وآيد ، قلت عالأقل ويهي والذقن والابط والمنطقة الحسآسة بس بعد أحس الميزانية ما بتكفيني ..

أبغي عيادة أسعارهم معقولة في دبي ، وما أفضل جميرا لأنه بعيد عليه وانا ما أسوق وصعبة روحتي لجميرا أبغي مكان أقرب ..

وبالنسبة لليزر المنزلي هل تنصحوني فيه ؟ و حد مجربنه ؟ وأي ماركة تنصحوني بها ؟ وكم سعره ؟
بغيت أتخبر عن جهاز ( نو نو هير ) .. اذا عندكم فكرة

و اعاني من الشعر اللي تحت الجلد خليجيةخليجية

و خبروني عن الترمس المر اني انقعه في الماي واستخدمه عقب كل ازالة للشعر ، بس بعضهم ما استفادوا ومابي يروح عليه الوقت في التجارب .. انتوا شو رايكم ؟

[2]

عنايتي بجسمي و ايديني .. أنا مسوية حمام مغربي بالاعشاب مرة وحدة في جراند فلورا – أسواق المزهر
ماعرف ما حسيت بفرق كبير ..
باجر ان شاء الله برد اسوي حمام مغربي و فيشل عندهم وهاي اول رة اسوي فيها فيشل ..

وانا اعاني من تصبغات في ويهي ، ماعرف جذي بقع داكنة .. بشوف اذا شي فرق عقب الفيشل

اما الابط سآآآآلفة ثانية .. المنطقة غامجة خليجية وحتى المناطق الحساسة والركب والمفاصل يعني كوع اليدين والرقبة بعد ملاحظة انها اغمج

وايديني احس يبالهم عنآآآآآآآآآآآآية فائقة والله ايدين عيايز وانا عمري 24 سنة .. ومفاصل الاصابع اغمج عن الايد خليجيةخليجية

خواتي عندي مشاكل ثانية منها جفاف شعري و و و بس كل هالامور احس ما بلحق عليها .. ابغي بعض المنتجات او الخلطات المضمونة والمجربة اللي ممكن انها تفيدني ..

انا عندي امتحانات فاينل وعسى الله يسهل امر السفر لعلاج ابويه الغالي خليجية دعواتكم له يا بنات ادعوا الله يطول بعمره ويعافيه ويفرج همه ..
وان شاء الله بسافر معاه واحتمال ارد في رمضان .. والعرس باذن الله تعالي بعد العيد بأيام .. عسب جيه احس ما عندي وقت لشي ..

همســـة ؛
أنا وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآيد ضعيفة وهالشي مضايقني ومضايق ريلي خليجية ..
رحت نيوترشن عطاني نظام غذائي و بودرة بروتينات تنخلط مع الحليب وعسل بالمكسرات وحبوب الحلبة لفتح الشهية بس وقفت الحبوب عقب ما بدت ريحة الحلبة تظهر ..
دفعت دم قلبي و زدت بس 900 جرام خليجية ..
ابا شي نتايجه اسسرع ..

ابا زنود لان ايديني ضضضضضضضضضعيفة وكنت مضايقة في حفلة الملجة و صدر و ارداف خليجية هالثلاث و بسسس مابي امتن بعد خليجية

ادري في النت خلطات وتمارين و و و .. بس انا ابغي شي انتوا مجربينه او تعرفون حد مجربنه .. شو سويتوا ومتى تبين النتيجة ؟

شاكرة لكم خواتي ودعواتي من الحين لكم ان الله يفرج همكم ويفرح قلوبكم ويقر عيون اهلكم فيكم و يحفظهم لكم خليجية

إضــــــــآآآآفـــــة ؛

خواتي شو افضل طريقة لحف المنطقة الحساسة ؟
انا بصراحة متعودة على كريم ازالة الشعر ( نير ) ..
ما عندي خبرة في الموس والحلاوة وغيره ..

شو افضل وسيلة و كيف الطريقة الافضل ؟
انا بصراحة حق العرس ان شاء الله ناوية حلاوة بس عقب ؟؟
لان سمعت ان المنطقة تترهل و و و فبستخدم الموس وخصوصا انها سنة ..
بس شو الطريقة الافضل ؟

حبيبتي الله يكونون فعونج ويشفي أبوح وتردوا بالسلامه ياااااارب

ليش كل هاي المخاسير
بالنسبة لليزر المنزلي انا ما جربته ولا جربت الليزر بشكل عام بس أحسن لج تعتمدين ع الأشياء الطبعيه والبنات ان شاء الله بيفيدونج بها الخصوص

العناية بالجسم

حبيبتي ليش ماتشترين لج صابون مغربي او زين العرائس وتسويه روحج فالبيت ما يبيله شي والله وفكره الصابون المغربي أيشل الجلد الميت ومع الأيام يفتح اكييييد من جي انجوف المغربيات بيض ما شاءالله. حتى وانتي مسافره سوييه بروحج مرتين فالأسبوع او مره

وهااااي الخلطه وااااايد حلوه للجسم طبيعية ورخيييييصه أنصحج اتجربينها

بعد ما تسبحين بصابونتج أنصحج بصابونه للتبيييض مثل البابايا

حطي هاي الخلطه بجسمج

يبي كريم فاازلين موحد اللون وشيلي منه شوي بس

وحطيه داخله ربع كوب زيت اللوز المر من العطار
ربع كوب زيت الجلسرين من العطار
ربع توله مسك العرووس تقدرين تستبدلينه فمسكج اللي تحبيبه من القرشي

وعقب سكريها ورجيها وكل ما تخلصين السبوح سويها لازم تستمرين علييييها واااايد حلوه
نعموووومه وريحه جونان ههههه

بالنسبه للإبط أقولج من الحيييين ابتعدي عن المزيلااااااات لان هيه سبب الاسمررراااار وبداخلها تقدرين تسوين لج خلطه طبيعية واللي تتكون من

شبه تببببببيض طبعا وأجدادنا كانوا يستخدمونها
نشاء تقريبا خمس ملاعق كبيره وإذا تبين تكثرين
معلقتين كبيره بيكربونات الصوديوم
وملعقه صغيره من مبشور المسك من القرشي وإذا ما تبين حطي المسك اللي يعجبج
وشي واااااايد خلطات لهاي المنطقه من دون استخدام مزيلاااات العرق اللي تسمممر

وبالنسبة للمنطقه الحساسه طبعا لازم تكون أغمج لان هاي المنطقه مسكره وماتتعرض للهواء وقللي الاحتكاك في مناطق الأكواع والركب ولبسي ملابس قطنييييه

بقولج في مره جفت برنامج دكتور سعودي دارس فالصين وعنده عياده فالسعوديه الزببببده ههههههه يقول كل يوم قطرو عسل فسركم أكيد بتستغربين بس لو جفتي شو الفوايد يقول انه مع الاستمرار بيفتح الجسم والركب والاكواع وهو علاج لواااايد امرااااض مثل القولون والسكري والشقوق اللي تكون فأيد كبار السن تعالجها تخيلي يعني كل يوم قطري لأبوج قطره وكلنا نعرف ان العسل علاج والله يشفيه

الشعر

أنصحج تشترين شامبو للشعر الجاف وتدهنين شعرج على الأقل مره فالأسبوع وبعد ما تسبحين وشعرج فيه ماي سوي له زيت صانصيلك ينباع فالجمعيات منه ألوان بس اشتري الوردي وصبيه نصه فبخاخ والنص الثاني عبيه ماي ورشي رشتين على شعرج وهو رطب وحطي الفوطه ع راسج بتلاحظين بلمعه ونعومة وريحته حلوه

بخصوص الضعف انا ربيعتي قبل لا أتعرس كانت اضعيفه وبعد ما ولدت ما شاء الله متنت وتغير جسمها وحلوت بعد

دعوه منج لا اكثر خليجية

up

up

up

الله يتمم لك و لكل العرايس ياا رب

الله ايسر امرج ويتمم لج على خير ويسعدكم ويبارك لكم
وربي يعافي الوالد وترد له صحته

امممم
عن استفساراتج ما عندي خبره بشي باستثناء جهاز فيلبس خليجية
(ترى هو مب ليزر منزلي) هو عبارة عن ومضات ضوئية مب ليزر

النتيجه تحصلينها من اول استخدام – الحمد لله
وهالشي مكتوب في النت وفـ الكتيب الخاص فيه
وانا ما صدقت الا من جربت – احسب البنات يوم يرمسن عنه يبالغن
لكن صدق يوم شفت بعيني – النتيجه رهيبه تبارك الله خليجية

خذته من وكيل فيليبس فـ بوظبي
هالسالفه اكثر عن سنه ما اذكر من متى بالتحديد
وياه قطعه الويه & الجسم بـ 3000
وضمان سنتين

والسموحه

ربي يوفقج وايسر امرج خليجية

حبيبتي الله يتمم عليك بخير ويسعدك ويشفي والدك
بالنسبة للشعر الزائد أنا جربت زيت النمل الأصلي وشفت فرق كبير من أول استعمال
بالنسبة للمناطق الغامقة اخلطي عصير ليمون مع حبة بطاطا صغيرة و نقطتين زيت سمسم بتشوفي الفرق بإذن الله
للصدر الصغير سوي تمارين تكبير الصدر وشده كانت مفاجأة لي ماصدقت النتيجة
للتسمين عسل مع مكسرات واكثري من أكل الفاكهة وأهم شي النوم الكافي وكلاس حليب قبل النوم
للشعر الجاف والخفيف زيت السمسم مطحون مع بصلة تدهن فروة الرأس والشعر

مبروك يا عروسه
الشعر بعد الحمل والولاده يخف تدريجي
الجلسرين او الفازلين حطيه على الركب وريلج ولبسي زلاغ وايدج لبسي قفاز قطن خليه كم ساعه وبالتلاحظي النتيجه مرطب ويوحد اللون
الشعر جربي تروحين عند دكتوره تغذيه بتخبرج اذا محتاجه فيتامينات او تغير نظام اكلج
الشبه لا تستخدميه ماده قابضه يسكر المسام
المتن بعد الحمل والولاده ببين

أنا حزينة على بشكارتي أبى المشورة

هلا أخواتي وصديقاتي…
حبيت أفضفض لكم والله إني حزينة وايد والسبب إني إخترت بشكارة أندونيسية ومواصفاتها إنها مشتغلة في الكويت سنتين وتتقن اللغة العربية ولها خبرة في أعمال المنزل والأطفال….ولما وصلت طلعت العكس…مااتعرف اسوي شي!!! حتى الفرن مااتعرف اتشغلة..والمكنسة تمسكة بالمجلوب..وجوتي ولدي الله يكرمكم مااتعرف اتلبسه…ومااتعرف عربي غير كلمة تعالي وروحي…أنا حزينة عشانها والله أكثر من الخساير عليها…والله أي حد يشوفها يقول عنها مسكينة…وهي بالفعل فقيرة ومحتاجة….هي اتحاول ترضيني..ولكني لين الحين أفكر أردها المكتب ولا لأ..أخاف إن رديتها بقطع رزقها وهي فقيرة..وأخاف إن خليتها بتعب معاها وايد…شاوروني شوأسوي فيها؟؟؟ والله كل ماأشوفها قلبي يعورني عليها حاسة بفقرها وحاجتها للشغل ولكن؟؟؟….

معقوله مشتغله سنتين وكل ها ما تعرف تسويه
اشهد انها مب صاحيه

بدليها عادي مافيها شي ولا تحطين فبالج انج قاطعه رزقها
اهم شي صحتج ^_^

هذا الصدمة (((إختي أحبه موت))) إنها مشتغلة سنتين…طيب خلي السنتين..في بيتها في أندونيسيا كيف تشتغل وتهتم في اعيالها؟؟؟

نحن كانت عندنا خدااامه مول ماتعرف شي يوم نرويها العيش تقول شوها او البيض او الفوووول…………اونها ماتعرف
واخر شي طفرنا منها وخذناها المكتب وخبرنا راعي المكتب انها مول ماتعرف شي وانتو قصيتو علينا هزبها راعي المكتب وسطرها وردت لها الذاكره احين كلشي تعرف تسوي بدون مانقول حقها شال البيت على راسها
ماعليج وديها المكتب واهناك هم بيتفاهمون وياها

رديها لمكتب لتضيع فلوسكم

والله ضحكتيني (((إختي مريومه)))) عن سالفة الاسطار ورد الذاكرة…ولكن إللي عندي والله إنج بسطرين عمرج وبتقولين لااسطرونها سطروني…..

خليجية المشاركة الأصلية كتبت بواسطة العيون العسليه خليجية
رديها لمكتب لتضيع فلوسكم

مشكورة الغالية على المرور

بسألكم وبغيت المشورة منكم حبايبي انتظركم

مرجبا فديتكم
شو الاخبار؟؟
والله بغيت اسألكم عن اشيا محيرتني ومالقيت غيركم اسأله
اول سؤال هو عن السفيد أب.. شو رايكم فيه؟؟ وكيف يستخدمونه بالضبط؟؟

وثاني شي عن خلطة زيت اللوز مع خل التفاح والجلسرين واذا بنحط فازلين؟؟
شو رايكم بهالخلطة وخاصة للمنطقة الحساسة ..
هل تأثر على هالمنطقة اذا استخدمتها او يسبب اشيا او عقب وغيره.. طبعا انا ماراح احطه داخل بس راح ادهن بس حبيت أطمن
وسلامتكم الغاليات وانتظر ردكم

والله حبيبتي ما عندي فكره ان شاء الله يفيدونج خواتنا ..

بس حبيت أرفعلج الموضوع .. ^^

اول شي السفيد تستخدمينه ممكن كماسك بخلطه ويا مكونات تناسب بشرتج
وممكن تستخدمينه خلال الحمام الاسبوعي ويا الصابون المغربي او الصابون اللي ترتاحين او كريم السكراب له ويفرك به الجسم ويا اضافات مثل الليمون والعسل حسب نوعية بشرة جسمج
السؤال الثاني :نصيحه ابتعدي عن اي خلطه فيها خل للبشره او استبدليه بشي ثاني او الغيه نهائيا من الخلطه لان مدمر للجلد بشكل مخيف

مشكووورين حبايبي وما قصرتوا
وانتظر المزيد من الردود

فووووووووووووووق

والله حبيبتي ما عندي فكره ان شاء الله يفيدونج خواتنا ..

بس حبيت أرفعلج الموضوع .. ^^

تحذري الغلااا اتحطين خل التفاح للبشره او الجسم لانه مضر انا قريت موضوع يؤثر هالشي عقب . .

المشورة ببلاش ولج الأجر

مرحبا خواتي

عندي فستان كنت عارضتنه للبيع والصراحة كلفني وايد.. وحاطه فيه سعر معين واذا ما انشرى أو انطلب بسعر أقل ما ببيعه..
ووايد من البنات اللي راسلوني طلبوا إيأجرونه وأنا الصراحة متردده.. أخاف إذا أجرته ما يرجعلي مثل ما انأخذ..
من خلال تجاربكم خواتي في حد جرب التأجير؟
وهل تنصحوني أأجر؟

مشكورين على وقتكم وفي انتظار رايكم

للرفع..

للرفع

كنت أجر فساتين وكنسلت السالفة

من تجربتي…نصيحة مني أجريه اذا كان السعر أوكي بس بشروط(عشان تضمنين انه يرد لج مثل ماكان)
أولا جواز سفر أو ليسن يكون عندج لين يرجع الفستان
وتاخذين ضمان 1000 درهم اذا رجع الفستان متبهدل او وصخ وايد ما اترجعين الفلوس
والفلوس ما ترجع الا اذا رجع الفستان نظيف ومافيه اي شي وعالموعد ومثل ما هو

بهذي الشروط انا أضمن لج الفستان يرجع لج مثل ما كان

وبالتوفيج اختي

خليجية المشاركة الأصلية كتبت بواسطة رقيقة خليجية
كنت أجر فساتين وكنسلت السالفة

من تجربتي…نصيحة مني أجريه اذا كان السعر أوكي بس بشروط(عشان تضمنين انه يرد لج مثل ماكان)
أولا جواز سفر أو ليسن يكون عندج لين يرجع الفستان
وتاخذين ضمان 1000 درهم اذا رجع الفستان متبهدل او وصخ وايد ما اترجعين الفلوس
والفلوس ما ترجع الا اذا رجع الفستان نظيف ومافيه اي شي وعالموعد ومثل ما هو

بهذي الشروط انا أضمن لج الفستان يرجع لج مثل ما كان

وبالتوفيج اختي

مشكورة الغالية

موفقه

بغيت المشورة من خواتي التربويات

السلام عليكم:

بدخل في الموضوع طوالي

اولا عندي بنت بتروح إن شاء الله السنة الياية الصف الأول امتحنت في مدرسة النجاح الخاصة ونجحت ولله الحمد ولازم وضروري اروح ادفع المقدم ( غير قابل للاسترجاع اول ما ادفع) بس يوم السبت اللي طاف اكلم يارتي في التليفون وخيرتني معلومة عن هالمدرسة وتأكدت منها من مدرس زميل زوجي

المعلومة:
ان هالمدرسة اول شيء مختلطة لين الصف الثاني عشر وإذا يا احد من التربية يشيك عليهم فصلوا الصفوف ( ما ادري كيف؟؟؟)
وانها مدرسة للعلم فقط يعني يركزون على اخراج طلاب دحاحين( رحلات : عدد1 كل تيرم فقط + احتفالات بأي مناسبة( يوم الاتحاد أو الأعياد الدينية+ رمضان أو غيرهم) ملغية.. دراسة يعني دراسة

والحين يلست افكر الف مرة .. هذي ياهل اوديها مدرسة تكرفها وانا ما ادري مستوى بنتي كيف بيكون بالمقارنة مع الطلاب الوافدين ( اللي معروف عنهم الشطارة والدح.. ما شاء الله)

انتوا شو رايكم؟

الخيار الثاني كان مدرسة الشهب الخاصة.. يارتي مدخلة عيالها وهي مستانسة وايد من مستواهم( وانا دوم اسمع بنتها اللغة الانجليزية روعة عندها( وهي من سن بنتي)) سعرها شوي اغلى ونفس الوقت بتروح وبترجع مع بنت الجيران اللي هي صديقتها( بس في نفس الوقت شخصية بنتي تكون شبه ملغية في وجود بنت جيراننا واخاف يصير تنافس ضاري بين الثنتين إذا طلعوا في نفس الصف)

ارشدوني انا وابوها محتارين بالحيل ولازم نقرر بسرعة فقلت الشور ما يضر

اتريا ردودكم

وينكم؟؟؟!!!!!!!!!!!!!!

ختي اذا انتي مرتاحه لمدرسة النجاح توكلي على الله ودخلي بنتج فيها…. اهي فعلن قويه ووايد يكرفون اليهال…وانصحج ما تسمعين كلام ياراتج… لانه كل وحده تمدح مدرسه عيالها….وفيه وايد مدارس قويه غيرها اذا انتي متردده؟؟؟ افضل شي تصلين الاستخاره وتتوكلين على الله … وانشاء الله بترتاحين لوحده من المدارس… والله يوفقج

انا جربت مدرسة الشهب صراحه في الروضه كانوا ممتازين

يعني الحين شو اختار؟؟

الدراسة القوية فقط
أم

الدراسة مع المرح

؟؟؟؟؟؟؟؟؟؟؟؟؟؟؟؟؟؟؟؟؟

الدراسة مع المرح طبعا الطفلة صغيرة بعدها واذا انضغط عليها الحين بعدين كتييييييير راح اتعبك وتكره شئ اسمو دراسة وهذا الشئ ما نباه على العكس في دراسة وتسلية ومرح وتنمية موااااااهب واهتمام بابداع البنت وبتعاونك وياها راح تشوفي الطفلة كيف راح تعشق الدراسة طالما ما في ضغط عليها ترى الدراسة أختي مب كل شئ عنا مواهب وابداعات لازم تنصقل ونطورها عشان نبني جيل قادر على مواجهة العالم والمجتمع اللي احنا فيه وما راح تتطور بس بالدراسة لازم الاهتمام بكل جوانب الابداع والله يسر لك الأمور

همس السحور .. شكرا على ردج وما قصرتي

عروس يديده تبا المشورة منكن .

هلا خواتي اخباركن عساكن مرتاحات
انا ما اعرف احط مقدمات للموضوع بدش بالموضوع على طول…
حبيباتي انا توني معر سه من شهر وشوي وبغيت اشاور حد مافيني صبر لباجر عشان اتصل لوحده من خواتي فقلت ما فيه اغلى من بنات وحريم منتدانا الغالي بيساعدوني هالوقت،، المشكله الله يسلمك تكن في ريلي وهذي اول مره ريلي يزعل بهذي الطريقة من عرفته،، لاني انا شكيت فيه وهو زعل علي
الله يسلمكم ريلي عودني من ايام الملجه انه ما يبخل علي بشي ولا يردني بطلب،، اذكر ايام الملجه طلبت منه يودر البلاك بيري وودره وعطاه لأخوه الصغير وبعدها ياب لي هديه اي فون وهو اخذ بعد واحد وريلي عنده 3 موبايلات تعرفون لزوم البزنس ومن البداية كان صريح معاي لأبعد الحدود منا نتبادل انا وياه الفونات طبعا انا امسح الارقام والمسجات وبعدين يرجعه لي ومن بعدها اخذلي نوكيا مع رقم ثاني والله اني حبيته موووت لانه قلبه ابيض وطيوووووب وهو بادلني الحب ورومانسي واااايد والحمدلله ما حارمني من شي حتى الكلام الحلو يسمعني لي 24 ساعه اللبس احلى اللبس والعطور والماركات عندي مب حارمني من شي الله يحفظه يارب ويبعد عنه الحرام من طريجه والله اني قبل ما ارمس يفهم شو بقول <<< والله جد بنات ما ابالغ برمستي وهاي المواصفات في ريلي واكثر بعد
ودوم يصارحني باي شي او اي موقف يصير له يخبرني او اي احد يتصل على رقمه بالغلط بعد يخبرني
مرتااحه معاه ومع امه وخواته وربي الشاهد اني احبهم واعزهم،، المشكله الله يسلمكن ان من 4 ايام اخبره ان الاي فون يعلق ويفصل يوم ارمس مع اي احد وما ادري شو بلاه قالي مب مشكله بوديه لج اياه المحل بس انتي نزلي اللي تبينه ومسحي الارقام والمسجات وصور وغيره قلتله اوكي وبعدين قلتله انزين عطني الاي فون مالك لين يخلص مالي ما رضى قالي اسفه بعطيج نوكيا انا ما رضيت قلتله عندي نوكيا اريد الاي فون المهم حايلته ما رضى قلت بخاطري ماعليه بعدين برجع ارمسه واليوم الثاني قالي انا بروح الدوام ويوم برجع بودي فونج قلتله انزين عطني فونك واذا ما تريد تمسح منه شي لا تمسح قالي والله ما بعطيج اياه وحلفلي انه ما بيعطيني اياه وبعدين قالي والله يا حبيبتي اني ما ارمس حد ولا اعرف حد غيرج لا تفكري بهذا الشي عشان ما عطيتج فوني انا تضايجت بس بعدها عادي
قلت بعد بحاول يوم يا ياخذ الفون انا ماسحه منه كل شي قلتله عطني فونك لان الاي فون يسهل علي واااايد اشياء بعكس النوكيا قالي اسف ما بعطيج وكلمتي ما بردها وكم مره قايلج لا تحنين لا يعني لا رديت قلتله خلاص عيل ما بعطيك فوني قالي كيفج وبعدها طلع وبعدين رجع وسولفنا وضحكنا وطلعنا تعشينا برع وتمشنا ورجعنا واليوم على الساعه 9:30 المساء نسولف رديت قلتله انا بقولك شي انا اشك فيك ان انت ترمس حد عشان جيه مب راضي تعطيني فونك كان يقولي دام انتي جيه تفكيرج عيل انا والله ما راح اسامحج لين اخر يوم بحياتي ومن بعدها قالي والله العظيم وبغلاة امي واغلى الناس عندج انا ما عندي حد غيرج قلتله انت عودتني ما ترد لي طلب بس ليش الحين مب راضي تعطيني فونك انا بس اريد الجهاز استخدمه ورد حلف قالي انتي تشكين فيني انا بعمري ما شكيت فيج عطيتج روحي وكل ما املك واخر شي تشكين فيني والله اعيدها لج ما راح اسامحج وهذي تلفوناتي وانا طالع خلى تلفوناته وطلع انا اهنيه تضايجت حسيت اني ظلمته وخليته على راحته واتصلت به على الساعه 12 على تلفون السياره ورد علي قلتله ارجع البيت وخلنا نتفاهم قالي والله ماهقيتها منج وطال الحديث من بينا اخر شي قالي تهون عليج دمعتي تنزل انا والله ما عرفت شو اقول واخر شي قالي خليني بروحي وانا اتصل له ما يرد علي ،، والله متضاااايجه ما اعرف شو اسوي والله اني صحت ،،
بس اللي ابغيه اني اراضي ريلي ابغيه يسامحني واريد انسيه اللي صار ساعدوني خواتي شو اسوي ادري اني غلطانه بس والله ما اعرف كيف اتصرف اللي تبا تلومني تلومني بس مب تجرح بالكلام وادري اني غلطااان

بلييييييييييييييييز ساااااااااااااعدوووووني

والله الغلا انا اشوف انج غلطــانه يوم قلتي له الكلام
ان بعض الظن اثــم
ماعليه الغلا اتريي عليه لين يهدى و عقب كلميه واعتذرني منه بأسلوبج

انتي من الاساس ليش اصريتي تاخذين فونه

مفروض ماتميت تنبشين فونه وجي.. هالشي بيحسسه انج تشكين فيه

ثانيا … حطي نفسج مكاانه … يمكن فونه فيه مسجاات مال ربعه وجي.. وكلام بينهم وصور مال ربعه… يعني من النوع اللي مايباج تشوفين اشيائه هذي حاله حالج .. اكيد مابترضين تعطين حد فونج وفيه هالاشياء صح!!

كلميه وقوليله ماكنت اقصد هالشي.. واحلفيله انه هالشي قلته بس جي.. لان الشكك اخطر شي فأي علاقة.. وانتي بنفسج قلتي واثقة فيه…. وتأسفيله .. انتو ببدآيه المشششوآر بعدكم يداد .. مب زين هالحساسيات تستوي!!

اتمنالج الخير.. وان شاء الله يتصلح الموضوع بينكم

ان شاء الله يرجع لج ويرمسج مثل قبل

وانتي لاتخلينه كل دقيقه دقي عليه واتصلي فييه

وو دز لي مسجات ولاتخليني اتصلي لي مايحس

اانج تندمتي وبعدها ان شاء الله خير

سوري حبيبتي بس والله مااعرف شو اقلج
بس الله يهديه
والله يوفقج

طرشيله مسج حسسيه انج غلطانه من راسج لي ساسج وانه من كثر حبه في قلبج وغلاته قمتي تغارين

كتبيله مسج انج ما تقدرين على زعله وهاب اخر مره تسوينها
وقوليله انج من كثر حبج له تغارين عليه حتى من اقرب القرايب
وقوليله ترضى تلعني الملائكة وانت زعلان مني
ومن هالكلام

الله يصلح امبينكم ويبعد عنكم الزعل والشيطان

المشورة يا الاخوات بسوي منظار .

اخواتي السلام عليكم كنت ابي اسئلكن عن المنظار للمعدة .. لاني بسوي لي بس ابي اعرف اذا كان صعب او لا … انا دكتورت الباطني قالت لي بسويلك بس مترددة اسوي وين اسوي افظل عندها او عند مستشفى لانها هي في عيادة فتحي في دبي … حد سوي عندها ارجو ان تنصحوني يا اخواتي وشكرا عادة قلت ما استشير الا اخواتي والمشورة لله …..

ربي يسهل عليج يا اختي

الصراحه ما اعرف عن ها العياده

و ان شاء الله البنات يقدرن يفيدنج بشئ

و اسمحيلي يا اختي

مشكورة اختي على الرد وهي عيادة الدكتور فتحي عمارة معروفة في دبي … بس اهلي قالولي احسن تسوين في الايراني .. الحين احترت

مراحب

انا سويت منظار للمعده من زمان عند دكتور اسعد الدجاني في الشارجه :: خدرني انا طلبت هالشي وما حسييت بشي عقب المنظار حسيت بويع بحلجي بس

لكن بصراحه عيادة دكتور فتحي عماره مب متخصصين مجرد اطباء ( gb ) يعني ممارس عام :: الافضل ادورين على مكان معروف :: وهاي نصيحه لوجه الله

صباح الخيرات وثانيا اجر وعافيه اختيه وما تشوفين شر ثانيا انا مسويه منظار لاني شلت المراره وتصدقين كنت مب عارفه وين اسوي العمليه ورحت الهند وطبعا كنت جبانه لابعد الحدود وما رضيت اسوي العمليه عندهم وعقب ييت البلاد وسويت العمليه في القاسمي والحمدلله رب العالمين الحين بخير بس انتي صلي صلاة الاستخاره وتوكلي على الله وبالاغلب يمدحون المستشفى الايراني

ربي يسهل عليج يا اختي

الصراحه ما اعرف عن ها العياده

و ان شاء الله البنات يقدرن يفيدنج بشئ

و اسمحيلي يا اختي

الصراحه ما اعرف والله