الوسم: المضاده

هلا خواتي شحالكم؟؟
عندي سؤال عن الاجسام المضاده شو هي بالضبط؟
وهي تموت الجنين ولا ؟
وعادي تفتح عنق الرحم وتنزل الجنين ؟؟
بليز اللي عندها معلومه اتخبرني؟؟

اول مرة اسمع هذا الشي ؟؟؟

هيه حبيبتي الاجسام المضاده هاي موجوده طبيعي في جسم كل انسان ….

والحرمه الحامل اول ما تتلقح البويضه على طول تنخفض عندها الاجسام المضاده هاي لانها لو تمت مثل ما هي اتسبب اسقاط للبيبي للانه البويضه لما تتلقح الجسم يعتبر هذا جسم غريب دخل ولو ما انخفضت المضادات بتهاجم البيبي وتطرده برا واللي هو اجهاض ….

امممممممم ان شاء الله اكون وضحت لج صح …. ^_^

مثل ما قالوا الخوات

الاجسام المضاده تمنع وصول الدم من المشيمه الى الجنين عشان يتغذى

بس علاجها سهل اول ما الوحده تحمل تاخذ ابر لمدة 9 شهور عشان الجنين يكتمل نموه وما يطيح

ويفضل اللي فيها الاجسام المضاده تاخذ على طول اسبرين اطفال وفوليك اسيد
وبصراحه انا اخذ لانه اكتشفت مؤخرا انه فيني

ولازم باشراف الدكتور طبعا

للرفع

للرفع

الله يشفيج

هلا
عندي الاجسام المضاده والحل اسوي تلقيح صناعي واطفالل لانابيب وفشلوا قررت اسوي فحصIgm

iga
igg
anti thyroid
anti phosphat
ana
anti sperm anti bodies

ويت فحوصات الدم هاي من الابحاث الي اقراها في النت الدكاتره يرفضون يسونها مافي داعي انطر النتيجه سويت لان لا قدر الله لو توفرت في الدم هي السبب في منع الاجنه من الثبوت مين استوالها نفس الشي

السلام عليكم ورحمه الله وبركاته

خواتى علمى لبعض الاشياء جداً ضعيف
فأتمنى انكن تساعدونى للى عندها علم

سمعت عن تحليل للأجسام المضاده او الانتى فايرس بودى

شو ها التحليل شو فايدته ويظهر كل صغيره وكبيره فى الجسم لو فى مرض معدى لاسمح الله ؟

وين اقدر اسويه فى بوظبي ؟

ومنو سوته وبين معاها

ياليت تساعدونى خواتى لانى محتاجه لكم

والى ما تعرف ترفع لى الموضوع بارك الله فيكن خواتى

^^

للرفع

استغفر الله

محد رد عليه

انا سويته لاتي احمل واجهض
والاجسام المضادة طبيعتها ترفض الحمل وتعتبرة شي غريب ع الجسم فترفضه وتسبب سقوطه
سوي في عياده حكزمي لان الخاص ماتغطي التكاليف لانه غالي
الله يوفقج ودعواتج لي

اختى وين هاى العياده؟
بوظي ولا مكان ثانى ؟

الغاليه سويه في اي مستشفى حكومي

و ممكن الاجسام المضادة ترتفع لمرض سواء معدي او التهابات فيج او وقت الدورة

و الله يكتب لج الخير

مرحبا بنات شخباركم ربي يرزقكم بالذريه الصالحه يااااااااا رب وتقر عيونكم بشوفة عيالكم اللهم امييييين
بغيت اسألكم اي عياده او مستشفى في بوظبي او في الامارات ايسوي فحص الاجسام المضاده لاني من ثمان سنين متزوجه وربي ما رزقني بحمل وتعالجت انابيب بس الله ما كتب والكل قالي سوي فحص الاجسام المضاده بس ما ادري وين
الي تعرف اتخبرني وخلي الكل يستفيد
ولاااااااازم كل وحده ما حملت اتسوي هالفحص والي تجهض بعد تراه فحص ضرووووووري يا بنات بس ما ادري ليش الدكاتره ما يطلبونه ؟؟؟؟؟

وارفعولي الموضوع بدعوه حلوه بظهر الغيب

دكتورتي من اول زياره الها سوتلي ها الفحص مع فحوصات ثانيه

مثل الدم المنجلي والدم المتثخر و الحصبه الالمانيه و الامراض الوراثيه و الثلاسيميا

ووايد امراض وهي الوحيده الي سوتلي ها الفحوصات مع اني رحت لقبلها اكثر من دكتوره ولا وحده سوتلي ها افحوصات والدكتوره قالت وايد ظروريه ها الفحوصات

ف انصحج تسوينهن والله يرزقج يارب ولا يحرمج من الذريه الصالحه  

الله يرزقج امين

لولو مكنون حبيبتي شيكي ع الخاص

في كل مكان يتسوى هالفحص الغلا
ما عرف عن التاخير فالحمل لكن الاجهاض وخاصة المتكرر لااازم يسوونه,, وصدقتي في دكاترة ما يسوونه مع انه مهم وضروري

السلام عليكم بنات ، بصراحه مب عارفه من وين ابدا ، بنات من سنة كنت حاطه موضوع يخصني عن حملي لغاية الشهر الثامن وبعدين الجنين مات في بطني .

المهم خلال الفترة الماضية ما خليت دكتوره وما رحتلها وما كنت اعرف الاسباب . حتى مستشفى الكورنيش ما عطوني السبب الرئيسي ، اخاف احمل ويموت الجنين مرة ثانيه , وبصراحه بسبب تسمم الحمل للحين ما زال الزلال يرتفع ، والضغط مرتفع ، وكليسترول مرتفع ما اقول غير الحمدلله

المهم كان عندي موعد مع دكتور عمرو صلاح ، قلت اخذ كل تحاليلي الاخيره مع كل التحاليل السابقه واستشير الدكتور

تصدقون بنات بمجرد ان نظر للاوراق عرف مشكلتي ، طلع عندي اجسام مضاده تقتل الجنين ، انصدمت ، وقالي لو حملت مره تانية من غير من اعالج نفسي راح يموت الجنين مره ثانيه .

اتصدقون من بعد سنه وشهرين من معاناة اعرف السبب الرئيسي ؟؟؟؟؟ بصراحه صدمه ليش الدكاتره ما يقولون الاسباب ، مب حرام اللي يصير فينا ؟ الله يسامحهم

هذي قصتي بنات واقولكم ان اللي عنده مشكله لازم يراجع اكثر من دكتور ؟؟؟

بنات طلبتكم اللي يعرف دكتور باطني مختص بالاجسام المضاده ( immunology ) يا ليت تخبرني وخاصة بمستشفى خليفه

اشكركم بنات

الحمدلله

الله يعينج ويعوضج عوض خير
الاجسام المضاده معروفه غريبه ماقالولج اصلا لازم يسألونج عن فصيله دمج ودم زوج
انا يوم حملت سألوني في توام وقتلهم وعطوني ابره فالشهر السابع ولازم بعد الولاده مباشره اخذ ابره اذا الولد طلع نفس فصيله ابوه انا فصيلتي o- وريلي o+ فقالولي لازم تاخذين الابره فالشهر السابع لانه اذا ماخذتها ياتسبب وفاه للجنين فجأه ولا تشوه وسمعت اذا الحرمة والريال مختلفه فصيلتهم يعني مثلا الحرمه a+ والريل o- لازم الحرمه تاخذ الابره قبل لاتحمل او قبل لاتعرس .

للرفع

للرفع

للرفع

للرفع

خواتي انا ثلاث سنين ماحملت ولامرة
قريت عن الاجسام المضادة وافتررر راسي

وكل مااروح عند دكتورة تسوي الفحوصات وتقول كلشي تمام

الحين ابا اعرف هم يسوون تحليل الاجسام المضاده مع فحوصات الدم والالتهابات
والا هو شي ثاني

انا رحت توام والنور والشفا والحين عند الدكتورة بشيره ومحد فتح لي سيرة الاجسام المضاده

يعني انا اوكي والا لازم اقولهم سوولي فحص للاجسام المضاده

للرفع

ان شاء الله البنات يفيدونج

للرفع

هلا الغاليه
انا مثلج رحت عيادة سويت مسحة عنق الرحم قالت لي ولا حيوان منوي يتحرك يعني عندج اجسام مضادة عطتني علاج اربع شهور بدون فايدة
بعدين رحت المستشفى سألت الدكتورة قالت مافي اجسام مضادة العلم اطور ما فهمت منها شي وطلعت
تعبت من التفكير قلت لازم اعيد الفحص بالدم رحت عيادة خاصة طلب منهم فحص الاجسام المضادة وسويت الفحص وكلفني بس عشان اتأكد والحمد لله ما في
يعني الغاليه لاتحاتي احنا المراكزالحكوميه مسوين لينا الفحص هو من ضمن هرمونات الغدة توكلي ع الله وانسيه

الله يجبر بخاطرج (الورق الاخضر)
ويرزقج من فضله
طمنتيني الله يطمنج

احيد في مستشفي الكورنيش كانو يسونه تبع فحوصات الدم

مشكورة اختي هذا واجبي
اللهم ارزقنا الذرية الصالحة عاجلا غير اجلا يارب العالمين

فزعتكن يا حوامل…….منو عندها الاجسام المضاده واستمر حملها؟؟؟
يعني كنتوا تعانون من اجهاضات متكررهونفعت معاكم الابر؟؟؟؟؟
وين اي مستشفى واي دكتور؟؟؟؟؟كم ابره باليوم والادويه بالتفصيل….بليييييييييييييييييييييييييز ضروري

اختى مغرمة
انا ما ظهرلى اجسام مضادة بس كنت بجهض كتير
حاليا باخد اسبرين 81 ملغغم يوميا
حقن كلكسان 4000 يوميا والحمدلله استمر حملى بخير وعقبالك

دكتور وليد سيد عيادة هيلث بلاس في ابوظبي
بعد ما تيبين له فحوصاتج او هو بيفحصج بيعطيج ابر كلكسان يومية في الحمل + ابر مثبته اسبوعية + حبوب دوفاستون يومية
تعالي العيادة و اي استفسار تفضلي ع الخاص
انا حااضرة

3هٌٍـ.ــ.ــٍلاٌَ اختي

انــٌٌ~ـا كان عندي الاجسام المضاده تثخر فدم و مرات سقطت بس عقب مَـَْـْـَْآ عرفرا السبب يبت الحمدلله بنتين
ولازم اول مَـَْـْـَْآ احمل اخذا ابر كليكسان لمده شهور كل يوم وحده وعقب الولاده شهر ونص واخذ الاسبرين لين الشهر
وكنت اعالج فــِـيْ مستشفي الواحه
ولا تخافين انــٌٌ~ـا كنت فــِـيْ حملي الاول عقب مَـَْـْـَْآ وصفوا لـًـًي الابر كنت واايد خايفه وفي الثانيه كان گـّ ـ شي عادي واخذ الابر

فقدت حنيني السادس وعندي الاجسام المضاده
وش الحل بل بنات .تعبت من الاجهاض..

الله يعينج .. ويعوضج .. ويثبت لج حملج .. اذا انج حامل الحين ..

الاجسام المضادة مشكلة تصادف اكثر الحوامل اللى يصير عندهن اسقاطات .. انا حرمة عمي صار لها اكثر من 14 سنة وماصار لها حمل والفترة الاخيرة كل ما تحمل يصير عندها اسقاط بسبب الاجسام المضادة .. والحمدلله الحين هي حامل في الشهر الخامس الله يرزقها ان شاء الله وتربي بالسلامة …

اذا بعدج حامل تابعي اول باول والتزمي الادوية وخاصة الفيتامينات علشان تساعدين الحمل ان يثبت …

انا الحين في الشهر التاسع .. وفي نهاية الشهر السابع اكتشفوا نسبة الاجسام المضادة مرتفعة عندي وحاليا كل اسبوع فحص دم وصورة خايفين على البيبي .. لان لو ما سبب له اسقاط يسبب له اشياء ثانية مثل ضعف الدم الشديد و بو صفار و ساعات تجمع ماي في الدماغ

الله يحفظ لنا عيالنا يارب ويبارك لنا فيهم ..

طيب حرمة عمش شو سوت حتى ثبت عندها الحمل؟

الله يعوض عليج الغالية

عندج اجسام مضادة… انزين ما تاخذين العلاج وقت الحمل؟؟
اقصد ابر الكلاكسين يوميا و حبة اسبرين… لااااااااااااااازم تاخذينهم يوميا وقت الحمل
هذا علاج الاجسام المضادة فديتج..لا حبوب تثبيت او غيره…لاازم الابر فديتج..
ربي يعوض علييج عاجل غير اجل يارب

الله يعوضج خير ويصبرج إن شاء الله يكون شفعاء لج يوم القيامه

للأسف ماعندي علم بالموضوع الاجسام المضاده بس اسمع يعطون الحامل أبر هيبارين وبيبي اسبرين وأدويه كورتزون

صح كلامها

لازم الابرة

هذا درسنا عنه فالثانويه !!

العامل الرابوزي و الاجسام المضادة فالحمل

لانه جسمج يرفض الجنين يعتبرة مثل الفايرس او شي دخييل فيهاجمة لين يسقط

غريبه شو من دكتورة رحتيلها !! ما تفهم !!