الوسم: المعرسات

شحالكن؟؟

الغاليات ربيعتي عمرها 26 و وااااايد تقدمولها بس سبحان الله مايصير نصيب اغلب الاحيان هي اللي كانت ترفض ومرات اهلها

المهم الحين تقدملها واحد من براااا ومايخصهم فيهم والخميس الياي بيوون الام وبناتها بيشوفونها
شوو المفرووض تسوي وكيف يكون لبسها ومتى تدخل عليهن ومتى تدخل بالضبط ؟؟؟

واذا الله تمم الامور ع خير متى المفروض تكون النظره الشرعيه وصلاه الاستخاره قبل النظره او بعدهاا ومتى افضل وقت لصلاه الاستخارة؟؟

انا يوم عرست ماكان في نظره شرعيه لانه من اهلنا فما عندي خلفيه عن هالامور وقلت مالج غير خواتي اللي فالمنتدى مابيقصرن

ياليت تفيدونها وتعتبرونها اختكن هي بتدخل عقب وبتقراا الردود اللي ماعندها جواب عالاسئله ياليت ترفع الموضوع بدعوه حلوه ولاتنسون قول الملائكه تقولج ولج بالمثل

ع فكره هي واااايد خايفه من اهلها يعني عمومتها ان يقولون كيف عرفته وكيف وليش ومتى واكييد انا قلتلها سوي طاااااااااااف لهم لانه يمكن نصيبج والواحد مايعرف وين نصيبه صح ولااا لأ وبعدين هوو ياي من طرف حرمه تعرفهم من زمان

ع فكره اقاربها دووم يحاولون يخربون ف مواضيعها هي وخواتها مايبون لها الخير ابدن يبون حق بناتهم ووووووبس بس ربي اقوى من كل شي هو يقول للشي كن فيكون خخخخ هاي جملتها دوووم ع لسانها
ع فكره ربيعتي وااايد محترمه وماعندها هالسوالف ابدن بنت عرب ومصليه وتخاف الله وهي ماتبا من هالدنيا غير وااحد يخاف الله فيها ويكون سندها وظهرها فهالزمن الاغبر خخخ

ف وداعه الله

المشاركة الأصلية كتبت بواسطة wafa123

انا مو اماراتيه ومااعرف عاداتكم اخاف اتكلم ويطلع غلط علي
بس بصراحه ماحبيت اطلع بدون ما ادعيلها
الله يوفقها للخير ويسر امورها ياارب

ولج بالمثل ويزاج الله خير

الله يتمم لها على خير.. ان كان له فيها خير

خليها تستخير من ألحين.. الاستخاره مالها وقت معيّن

و بالنسبه للنظره الشرعيه و غيرها.. انا مالي علم بالضبط متى و كيف..

اخواتي عرّسن و ما كانت شي نظره شرعيه .. ^^"

اظن حسب اتفاق الاهل.. متى يبوها و كيف..

و اذا يو اهل المعرس.. خلها تطلع بابسط شي فما تبالغ بالمكياج . و تكون ع طبيعتها =)

وال18 اللي دشن .. اشكر لكن مروركن

صح كلامج..

محد عينه حمره كثري خخخخخخخ

بس هب عاد اسير عند وحده متضاربه مع ريلها واقولها اتفرعني عليه واقلعيه ومن هالكلام ..!!!!

حياتي وانا حره فيها كل انسان حر في حياته

بضر نفسي كيفي بس ما اضر واهدم حيات الناس..

شو بستفيد من ورى نصيحتي اللي دمرتها !!

اشكرج عالرد الغلا

بس هذا الكلام صح ومن الواقع…

والسمووووووووووحه

وشاكرج عالرد

أنا معرسة من شهرين
ووايد مضايجة من تصرفات ريلي

متهاون وايد فالصلاة وكم مرة إذا نصحته يقولي مب جي الناس تنصح و مادخل اللين في شيء الا زانه

و

يحب ينتقدني وايد ويفهم كل كلمة اقولها. غلط

و
من ناحية المصروف يوم اطلب شيء لازم تحقيق
واذا بروح الصالون تحقيق بعد وفوق هذا يقولي لا تتعودين على الصوالين أنا بس اروح يا حلاوة يا خيط مب كل يوم فالصالون

لازم يطلع كل شيء من خاطري ويكرهني فيه عقب يوافق

و

من ناحية الوزن أنا متينة شوي وجسمي من ربي عريض يقولي لو جسمج صغير بيكون أحلى اقوله خلقة رب العالمين

وعالوزن يقولي امشي واضعفي اقوله أنا بضعف لنفسي ولصحتي يقول وهالانسان ماله أهمية

واذا بنطلع بنزور حد لازم يقول جاوبي على قد السؤال خلي لج هيبة. وشخصية "بصراحة. أنا ثرثارة صح"

خواتي المتزوجات ساعدوني كيف أغيره للاحسن وكيف افرض اسلوبي ونفسي عليه كيف اقوي شخصيتي
ابا اغير اسلوب واخليه ينجذب لي ويهتم فيني مب إذا قلتله تعبانة يقولي انتي من عرفتج وانتي تعبانة

و

كلام حب مايقولي كله انتقاد في انتقاد

ساعدوني وانصحوني

والدليل يوم قلتي لو اضعف بضعف عشان نفسي ؟ الريال ما ينفع معاه هالاسلوب
عيل ليش متزوجين ؟

حاولي تكونين عاطفية وحنونة عليه وسايسيه حتى لو حقق
لأن فالبداية الرياييل جي بس عقب عادي !!
انتي وريلج على ما عودتيه يعني لو عاندتي بيعاند وماشيء من بينكم احترام

عامليه عدل والي يباه سويه لا تاخذين كل المواضيع حساسية حتى لو علق
ابتسمي كوني هادية وساكتة

ومن ناحية الصلاة خذيله سيادة حلوة ودخنيها وقُرآن ومسباح
وهدية عود وغلفيه وحطيه عالشبرية وكتبي في ورقة صغير كلام حلو
ودعاء ودخني الغرفة وخلي الاجواء تكون ريلاكس ودوم اشتري ورود وحطيهن
فالصالة ولا فالغرفة

فاجئيه وسويله حركات هالنوعية من الرياييل يبون حنان فأغلبهم يا
معصبين وكله تعليقات ومتعود يشوف خوانه مسيطرين على حريمهم
أو هو طبيعته جي من هو صغير !!

>>>> لكن بسكوتج والابتسامة <<<<
>>>> والصوت الهادي بيسكته <<<<

لا تكونين وايد حساسة اختي الرياييل يملون بسرعة

تثقفي أكثر والله يكتب لك كل خير واستقرار

أشحـــــالم عسااكم بخير

طبعاا أكيــــــد عرفتوونيــ لوووووووووول

أاناا من أسبوعين تقريبا نزلت موضوع عن زوجة أخوي والليي تسويهـ بالوالدهـ

المهم ما علينا من هذيج السالفهـ

شي سالفه يديه أباكم تقولون رايكم بصراحهـ

طبعاا احنا كنا في زياره لبيتنا العود يعني عند قوه يدووهـ وكانت ويانا زوجةأخويهـ اللي خبرتكم عنها ..^____^

المهــــم كنا يالسين ففجأهـ دخل عمي ( طبعا عميهـ كبير بالسن شوي وعنده حرمه وعياله ما شاء الله الحينه بيتخرجون وبيتوظفون) ,,<<<<<< للعلم فقط خخخخخخخ

المهم يوم دخل عميهـ تدرون شو سوت زوجة أخووي لأول مره تستوي بعايلتنا تغشـــت ( غطت ويهاا من عميهـ )

طبعا احنا افتشلنا لأنه احنا نعرفها اهي من النوع اللي ما تستحي اخواني اللي اهم اكبر عنها وبعدهم هب معرسات ويانا في البيت ما غطت ويها عندهم وكل يوم تظهر وتدخل عندهم في البيت تيي الحينه جدام هالعم الكبير..

الله لا يراويكم كيف استوى ويهـ عمي صدق انحرج ..وحده كبر بنته خخخخخخخخ وتتغشى عنهـ اهو بالنسبه لها عمها بس اهي ما اعرف كيف تفكر

على فكرهـ حتى عماتي ما تقولهم كلمة عمهـ أو خالهـ شراتنا لووول لا هذي تزقرهم بأساميهم>>>>> لا تتحروني مستانسه وربي ميته غيض منها

المهم أبى راايكم اللي سوتهـ صح ولا غلط

بس انتوا صدق ما شفتوا عميهـ كيف زعلـ صدق صدق احرجته وحطتنا احنا بموقف حرج في السالفهـ . حتى زوجة عمي ويدتي وعمتي تمن يطالعون الموقف بتعجب واستغراب ..احنا ما عرفنا شنسوي غير انه ناخذ ولدها اللي هو ولد أخويهـ ونحطه بحضن عميهـ عسب نغطي ع السالفهـ …

شو تشوفوووون؟؟؟؟؟؟؟

خبرووني دخيلكم شسوي انا شوي وبنبط من هالانسانهـ موول ما تحترم أهلنا اوووووووف

والله لوو انا منج لا افتن عليهااا عشاان تتأدب يوم هي ماتحشم انتوا بعد لا تحشمونها

الله يعينكم بس عليهااا

واسمحيليه فديتج جان غلطت ^_^

مدري يمكن استحت من عمج

الله يهدي الجميع

والله يعلم في شو كانت تفكر!!

ليش ما تقول ليها هذا الكلام بنفسج… وتساليها ليش سويت جي؟؟؟ يالغالية هذي حرمت اخوج… مب حلوة بعد ترمسي عنها في المنتدي….يعني انتي تقول انها ما تحترم اهلج؟؟؟ يالغالية انتي بعد ما احترامتيها لانج كتبتي موضوع عنها..
صح ولا غلط؟؟؟ ما يصير جي يالغالية..

لاتزعلي مني بس الصراحة راحة… وهذا رايي

اختي حاولي تتقربي منها وتفهميها… وخليج ذكية… وان شاء الله بتتغير… والله يهدي الجميع..
السموحة

شحالكم أخواتي جميعا

موضوعي بيكون عن المكياج والتسريحه عطونا من تجاربكم وايد تتوهق العروس في سالفه البحث وين تتمكيج !!

كل وحده تعطينا وين تمكيجت ليلة عرسها؟؟؟
في الصالون اسمه؟ + السعر؟
ماكيره واسمها+ السعر؟

هل عجبها الشغل + المعامله ام لا ؟ وليش؟

حبايبي اتمنى ردود تكون فيها اجابه عشان الكل يستفيد ومانتوهق فالبحث بين الردود ^^

ومشكورين مقدما
عساها ايامكم كلها افراح وسعاده يارب

سبحان الله وبحمده سبحان الله العظيم

موفقه

الماكيرة امنه الظاهري …

في الصالون اسمه؟ + السعر؟

(كلاس كلوبترا) البيت .. 4500 او 3500 ماذكر السعر بالظبط

هل عجبها الشغل + المعامله ام لا ؟ وليش؟

الصراحه شغلها وايد روعه .. ومعاملتها وايد حلوة ..

الماكيرة سونيا اللبنانية

في الصالون اسمه؟ + السعر؟

طبعا تيي البيت + والسعر يمكن 4000 او 3500 ماذكر والله

هل عجبها الشغل + المعامله ام لا ؟ وليش؟

بصراحة المكياج طرر نفس اللي اباه وكان خفيف بس خلت طلتي واااااااااااو اما التسريحة كانت عادية جدا

نترقب المزييد

سبحان الله وبحمده سبحان الله العظيم

حبيت استفسر عن القاعات الي في بوظبي بس.؟!!

وابا اعرف عن اسعارهم.. تقريبا الي معرسات في بوظبي يقولون لي السعر يبدا ب وينتهي ب..!!

ومن حيث الخدمات ومن ناحية التاثيرات الي انتي تطلبينها .. وشو التاثيرات هل تطلبينها من القاعه ولا من مكان ثاني ..!!

ولو ابا ايب اجانب في القاعه من وين اطلبهم .؟

سمحولي كثرت اساله بس ترا نحن اول مره يستوي عنا عرس فما نعرف شي.. قلت استفيد من خبراتكن .. ^_^

ماااااااااااااااااعرف

و عندي لكم نصيحه ,,,, الطريقه الي باقولكم عنها لا تستخدمينها كل وقت علشان زوجك مايتعود ع الريحه و بعدين تصير عنده ريحه عاديه حالها حال اي ريحه لأ انتي صيري شطوره وذكيه واستعمليها حق الحركات وبس….
عشان كل مايشمها فيج يفهم عليج ويجي لج على طول…
فترتبط ريحه المسك بالليل في مخه و بس…

فهمتي علي؟؟؟؟ أستعمليها حق الليل بس…. يعني وقت الليل سوي هالطريقه وأدعي لي…. والله ماكتبتها لكم الا لأنها فادتني واااايد وفادت صديقاتي…

أولا: أدخلي اتسبحي وأستخدمي صابونه جرجنز بريحة المسك… هالصابونه عجييييييييييبه تنعم الجسم وتعطيه ريحه حلووووووووه تدوم فتره طويله..
أهم شي اخذي رغوه الصابونه وفركي فيها الاذن والرقبه والصدر عشان تثبت الريحه عليهم…
كان ودي أحط لكم صورتها بس للأسف ماحصلتها..

ثانيا: بعد الاستحمام أستخدمي كريم جرجنز بريحة المسك راح يعطي جسمك طراوه وريحه واااااااااايد حلوه.. وكثري منه بين فخذينج عشان الريحه الحلوه…
وطبعا اتم فتره طويله وهذي صورته اللي بالمسك اختارو

ثالثا: أستخدمي ديودرنت المسك من ال Body Shop عجيب وريحته حلوه والحلو فيه أن اذا عرقتي ولو شوي تفوح منج ريحه المسك خخخخخ والله وايد زين صار لي سنينن استخدمه وماغيرته لاني وايد مرتاحه منه وانصحكم فيه….

رابعا: رشي على جسمج وقميص النوم Body Spray المسك من Body Fantasies ريحته تخليج تحسين انج فررررررش…
وأهم شي رفعي شعرج كله على فوق ورشي تحت الشعر وعلى الرقبه وعلى الصدر
بس حاسبوا تره في منه تقليد ونفش شكله يالضبط بس الاسم شوي غير و ريحته تلووووع الجبد….
وعلى فكره تره حته الي على فراوله ريحته حلوه…

خامسا: استخدمي (مسك العروس) من القرشي.. حطي منه القليل على أطراف اصابعج وفركيه تحت أذنج وتحت الشعر عشان تفوح الريحه… بس لاتكثرين منه لان ريحته قويه..
وممكن تستخدمين بداله المسك المركز من البودي شوب هم بعد ريحته حلوه بس القرشي أحلى…وكنت قبل لما أحطه كل البيت يسألوني شنو ريحتج يقولون لي فايحه في البيت كله..

[IMG]https://m002.maktoob.com/********/up/16578955321950443940.jpg[/IMG]

أو ممكن تستخدمون وايت مسك البودي شوب انواع

* العادي( الاصلي)
* البلاش Blush
* الصيفي White Hot Summer

كلهم تقريبا نفس الريحه بس قوه العطر تختلف.. وانا احب استخدم العادي (الاصلي).
وهذي الصور

وادعو لي خواتي الله يرزقني بالزوج الصالح وسلامتكم

الله يرزقج الزوج الصالح عاجل غير آآآآآآآآآجل ان شاء الله …

خليه ع راحته

يوم اتحسين ما يبغي يرمس لا اتضغطي عليه بعد فتره بروحه بيخبرج كل شيء

إذا تميتي طول الوقت اتقولين شو فيك اش بلاك ارمس فضفض
صدقيني بيتضايق منج وبينفر

الرياييل جيه خلج ثقيله وخليه اهو اللي ينبش ويسعى عشان يسولف معج
لا تمين اتلعلعين طول الوقت

المشاركة الأصلية كتبت بواسطة خوخة555

اذا شئ شاغل باله شي طبيعي ماراح يسولف وايد لنه باله مشغول فالافضل انج تخلينه على راحته واحمدي ربج شي من الرياييل يحبون ينعزلون عن حريمهم بسبة هالشئ فالريال قاعد يراضيج ومايبا يخسرج فخليه على راحته وسولفي وياه وشوفي المواضيع اللي تعجبه نكته مثلا اوعن السياسة المواضيع اللي تجذبه وانتي ابخص فيه والله يهنيج وياه

شكرا حبيبتي ع الرد وصدق استانست على ردج

هاذيلا أصعب فئه " في التعامل"