الغاليات حبيت أسـأل :
شو هي شروط الالتحاق بكلية الهندسة المعمارية بـ جامعة الشارقة ؟
أنـا بقولكم قصـتي عالسـريع :
أدرس في مدرسة خـاصة ( منهج امريكي ) ، الفرع : تجـاري يعني لا أدبي و لا علمي ،
موادي هي ( ادارة اعمال – محاسبة – اقصـاد ) + ( عربي – ريـاضيات – انجليزي – دين )
و بتخرج ان شاء الله ، و حابة اني اقدم على كلية الهندسة المعمارية في جامعة الشارقة
لكن المعروف ان عشـان انقبل في هالتخصص لازم اكون دارسة مادة الفيـزياء ،
و انا هالمادة ما درستـها الا مرة في الصـف العاشر ، بخـصوص هالمادة و التخصص
سألت اكثر من شخص و كل حد عـطاني رد مختلف
منهم قـال : ما بيقبلونج اصلا لانج مب علمي
و منهم : يسـتوي ، لكن اذا خذتي كورسات فيزيا في الجامعة و نجحتي فيهم
و منهم : حاولي بالواسطـة
و منهم : هاتي شـهادة سات ( مثل توفل بس رياضيات )
وغيره . . .
اتصلت اكثر من الفين مرة في الجامعة قسـم القبول و التسجـيل ،
محد يرد و اتم وايد على الخط و عقب اسكـر ، اكثر من يومين على هالـحال
اللي عندها خلفية في هالمجال يا ريت تفيدني ، و اللي ما تعرف اتمنى تدعيلي ان الله ييسر اموري
و انقبل و اتوفق في حيـاتي .. والله يسـهل علي و عليكم ان شاء الله
و السلام عليكم و رحمة الله و بركاته
*¤*~ لا إله إلا الله وحده لا شريك له ، له الملك وله الحمد وهو على كل شئ قدير".*¤
.
.
{يا مقلب القلوب ثبت قلبي على دينك}
واتوقع لازم تكونين دارسه فيزيا ولا كيف بتمتحنين امتحان القبول ؟؟ لان شي امتحان فيزيا و ماث ,,
والفيزيا اساسي الهندسه معتمده ع الـ2 ,,
بس اتمنى من كل قلبي ان امورج تتيسر وتلقين لج مخرج وتنقبلين ف الكلية
بالتوفيج ياعمريه
اختج ف الله
