الوسم: المقروطة

.. حبيت اليوم احطلكن طريقة اصابع بالتمر .. بس صدقوني الكل بيتخبل عليها خصه الحريم الكبار والشياب حتى اليهال بس تعرفون انه الكباريه اكثر الناس اللي يحبون اي شي فيه تمر .. الطريقه سهله صح يبالها شغل بس شغلهااا ممتع

للأمانة الطريقه لمنال العالم ..

بسم الله نبدأ ..

مقادير للعجينة:
2 ك سميد
2 ك طحين
4/1 م ص ملح
1 م ص باكنج باودر
4/3 ك زيت
1 ك ماء

مقادير الحشوة:
تمر معجون مع حبة البركة وقليل من القرفة والهيل<<يعطي طعم روووووووعه..
بس انا استخدمت التمر بس ..

بعد ما عجنا التمر ويا بعضه نشكل عجينة التمر على شكل كوره وبعدين نحط الكيس الشفاف وندهنه بشوية زيت قطره بس عشان مايلصق التمر فيه وبعدين نحط الكوره اللي سويناها ونحط كيس ثاني فوقها .. (انا استخدمت الورق الشفايف مال حفظ الاطعمه)

وبعدين بواسطة الفراده .. نرق فيها عجينة التمر من فوق الكيس الشفايف لين نخليها طبقة تمر رقيقه ما نباها سميكه بس رقيقه .. وبعدين نرفع الكيس اللي فوق ونقطع الطبقه لدوائر بقطاعة دائريه ..
وهني نكون انتهينا من التمر ..

احين نرجع للعجين .. نخلط المقادير الجافة مع بعض ثم نضيف الزيت ونخلط حتى تتكون عجينة مفتته ثم نضيف الماء ونخلط حتى تتكون عجينة قابلة للتشكيل ..
نقسم العجين الى قسمين .. كل قسم نسويه على شكل اسطوانه ونلف كل اسطوانه بروحها في ورق شفاف وندخلهن الثلاجه لنص ساعه عشان ترتاح او ممكن ليوم كامل ..

بعد ماطلعنا العجين من الثلاجه نقص الاسطوانه بالطول من فوق لين تحت وبعدين نقصها بشكل عرضي عشان تكون عندنا قطع صغيره ..

احين كل قطعه نفردها بالفراده .. وانتبهن لازم بعد تكون كل قطعه رقيقة ما نباها سميكه ^^

نضع على العجينة المفرودة قرص التمر (انتبهن عند تقطيع التمر لازم يكون قطر دائرة التمر أصغر من قطر دائرة العجينة) واضغطن بخفه على قطة التمر والعجينه عشان يتماسكن عدل ويا بعض ..

وبعدين لفيها على شكل رول .. وكملي مع كل قطع العجين بنفس الطريقه لين تخلصين كل القطع ..
وبعد ماتخلصين قليهن في زيت غزير وساخن عشان يتحمرن مع التقليب ..

وبعد ماتخلصين خليهن شوي يبردن مب واايد .. يعني يكون دافيات .. وقطعي كل قطعة من النص بشكل مائل .. عشان االشكل .. وشوفن كيف بيكون شكله من الداخل روووعه ويشهي ..

وهذي النتيجه ..

وممكن ترشين عليهن شوية سكر بودره للشكل وبعد يعطي طعم حلو

يمي يمي

تسلم ايدج ع الطبخه الحلووووه

يعطيج العافيه الغلاااا

شكلها شهي

ياليت كنت اشوف الخطوات من الاول

ربي يسلمكن ع المرور ..

.. والله اروحي كنت اتمنى لو اني صورتها بالخطوات ..

ماشاء الله

ما قصرتي يا الغالية ان شاء الله بنجربها ^_^

روووووووووووووعه

انا أول من يرد .. وفية قانون يقول : أول رد لة الاكل كلللللة…

ماشاء الله عليج تسلم الايادى
بالعافية

من صووووبج

هع
بس الطاسة خلصت

يسلموووو ع المرووور

ويسلمو الغلا والنوووري ع مروركم

يم يمي

بس موووووووووووووووووووول ما تضبط العجينة تطلع عندي يابسه

يعني يوم حاره تكون لينه بس من تبرد موووووووووول العجيبة متجمده

تتوقعين ليش تتطلع جيه

شكلي برد اجربها مرة ثانية

.. بالعاااااااااااااافيه علييييييج يالغاليه ..

.. وتسلم ايدج ^^