الوسم: المقعدي

السلام عليكم

كروشات منو جربت تدوير الجنين ف مستشفى لطيفة لانه راسه بعده فوق

خبروني تجاربكن انا معطيني موعد عقب العيد ادعولي

وعليكم السلام

الله يسهل عليج والله يعدلها من عنده إن شاءالله

الله يسهل عليج و البيبي يغير وضيعته بروحه

الله أكبر الله أكبر الله أكبر لا إله إلا الله ، الله أكبر الله أكبر ولله الحمد
الله أكبر كبيرا والحمد لله كثيرا وسبحان الله بكرة وأصيلا

الله يسهل عليج والله يعدلها من عنده إن شاءالله
اللهم امييييييييييييييييييييييييييين

ـ انا ماجربت لانه ظروفي الصحيه و قلة الماي مارمت

تقومين بالسلامه ان شاء الله

إشحالكم خواتي اللي مرت بنفس موضوعي ياريت اتساعدني حامل بالشهر الثامن والجنين مقعدي يعني رأسه فوق والدكتورة قالت لي أسبوعين من الثامن إذا مانزل رأسه للأسفل راح يقرروا ولاده قيصرية وآنا ما أبغي لأنه أول ولاده لي كانت قيصرية وها ثاني حمل لي وقمت أطول بالسجود واحبي سرات آلياهل لأنه الكل عطاني هالحل وانتو شورأيكم والسموحه منكم

اختي تمت تقريبا كامل التاسع والبيبي كان راسه عرض يعني صوب خصرها
وتمت جي لين قبل اسبوع من الولادة ونزل الراس على وضعية ولادة
طبعا كان يسويها

أختي تقدري تروحي للدكتورة زينب الشنار هي تعرف لهالمواضيع لأنها تحرك الجنين ربي يسهل أمرج أنا كنت مثلج و ولدت قيصري

لا اله الا الله

انا في حملى الثالث كان ولدى راسه فوق

وكنت اراجع في الكورنيش وقالو لى فيه دكتوره بتقلبه لج بتلفه داخل بطنج

بس طبعا وقعت على عمليه قبل ما تقلبه قالت احتمال يصير اى شي

المهم ربي سهل امري وما اخذ الموضوع خمس دقايق لاولفت راسه

تحت وتميت اسبوعين لما جات الولاده بس الصراحه تعبت واايد

لان الراس نزل فجاة تحت وكنت في معاناة شديده خصوصن الحمام

ما اصبر عنه الله يكرمج

والحمدلله على كل حال

وهذى هى القصه كلهااا

اختي تمت تقريبا كامل التاسع والبيبي كان راسه عرض يعني صوب خصرها
وتمت جي لين قبل اسبوع من الولادة ونزل الراس على وضعية ولادة
طبعا كان يسويها

عسى الله يكتب لج ولاده طبيعيه
كثري من الاستغفار
وان شاء الله تفرحين بشوفته

السلام عليكم ورحمة الله وبركاته
بنات حبايبي لو تعرفون دكتوره شاطره فراك تعدل وضع الجنين تعطوني اسمها و مكان عيادتها
لاني فالشهر التاسع الاسبوع 36 و ابا حد يعدل لي الجنين
بليز الي تعرف لا تقصر

اختي انا ما انصحج تروحين تعدلين لانه فيه خطوره وان شاء الله بروحه بيتعدل وضعه ورب العالمين بيسر الي فيه خيره حقج والله يسهل عليج ويقر عينج بشوفة ضناج – لانه وحده اختي تعرفها فنهايه الثامن الدكتوره قالت حقها الوضع المقعدي وراحت لفت الياهل ويوم يات الموعد الثاني الدكتوره قالتلها البيبي ميت فلا تخاطرين كلها تساهيل من رب العالمين

على فكره انا بنتي الثانيه كنت الوضع المقعدي والماي زياده وسبحان الله قبل الولاده باسبوع رحت المستشفى كانت فالوضع المناسب للولاده ونفس يوم الولاده رحت كانت لافه مره ثانيه لانه الماي زياده عندي

الله يسهل عليج وإن شاء الله ينزل البيبي راسه تحت تربين طبيعي

ربي يبعد عنج الشر و توكلي علي الله و ان شاءالله يعتدل البيبي

نفس مشكلتي
والماي ناقص عندي
ماعرف في راك بس بالعادة الدكتورة زينب الشنار ف جميرا خبره اكثر في هالشيء

اظن فالتاسع مايستوي يغيرون وضعيه البيبي!
عالاقل نهايه الثامن احيد!

الله يسهل عليج يارب