الوسم: الملل

بسم الله الرحمن الرحيم

انا احب اشكر اختي وجارتي بغربتنا الاخت سعاده انها سمحت لي اكتب وافضفض بهالمنتدى باسمها

انا عمري 22 سنة من دولة خليجية لكن انولدت وعشت حياتي بالامارات (فديت ترابها) وتغربت من 4 سنوات وقربت اتخرج باذن الله عما قريب. انا البنت الوحيده في العايلة وابوي عنده حرمة ثانية بس ابد مابينا تواصل عندي اخ من الام هم عايش ويانا في الامارات الي صار يابنات اني انا مشتاقة ارجع لبلادي بهالصيفيه ابي اروح اغير جو اشوف الاهل هناك (للاسف المشاكل والبعد منعتنا من بعض) كانت خطتي ان هالصيف وانا راده للامارات اتم اول شهر عند الاهل وعقب انتقل لبلادي بحجة الشغل الصيفي او مثل ماتسمونه التطوع امي ليومكم رافضه الفكرة تقولي اشتغلي هني (قصدها في الامارات) قلت لها حاضر ياامي حاسه انج مشتاقتلي وتبين اتم وياج بس يابنات امي صارت تهتم اكثر لاخوي بهالفترة هو اكبر عني بس هو كل شي صاير بالبيت امي وابوي مايحاتون ومايفكرون الا فيه وبمشاكله الي ماتخلص وانا صمنديقا بالبيت محد مهتم اكلت نمت مرضت لو الخ الاهتمام وايد قل وانا طبيعي اغار واتحسس كل هالاشهر انا مغتربة وكل ماكلم هلي احس انهم جد مشتاقيلي بس من ارد احس ان هالكلام كله (خرطي)
البارحه كلمت امي قلت لها انا ابي اروح البلاد طقت جبدي من يلسة البيت لا شغل ولا مشغله وبروح هناك وبيلس ويا هلي ويا خوالي انا محتاجه ابدل جو ترد علي امي الرد الدايم (اصبري) طيب لين متى انا عقب رمضان مسافرة مرة 2 ليش ماروح مشاكلج وياهلي وهل ابوي انا متقبلتها انتي ماتبين تشوفيهم انا ابي اشوفهم مالي ذنب انا بالي صار!!!! حياتي هني صايرة خمس ايام بالبيت مجابلة التلفزيون واليومين اطلع ويا رفيجاتي بعد قمت امل واحس ان مالي منفعة ايلس بالبيت اسولف ويا امي وابوي احس سوالفنا ابد مالها طعم نسولف شوي والباجي كله تلفون وياربيعاتها ومشاغلها (والدتي دوامها تقريبا من 8 لين 6)

انا تعبت واحسب الايام عساس ارد لهولندا مو لشي بس لاني مليت وانصدمت بواقع الروتين القاتل الي غازي البيت صارلي شهرين وكله بالبيت او ويارفيجاتي وباجيلي شهر وانا بخاطري اروح لبلادي لو اسبوع لو اسبوعين بس ابي ابدل جو

انا الي عندي قلته بس عساس افضفض واحد يطبطب علي لان تعبت كل شي اكتمه بقلبي ادعولي يابنات اخلص دراستي على خير واتخرج

اشوف طلبك بسيط وكونك تدرسي برا بروحك شو المشكلة تسافري بروحك لبلدك تكلمي مع أمك وأبوك أكثر من مرة وان شاء الله توافق

المسئلة تحتاج منك وقت مناسب ودبلوماسية بالطرح وشوية تحنن ودلع وجربي تدخلي أخوك وسطة عند أمك —

الله يكتب لك الخير

الله يوفقج

سبحان الله …. أستغرب من اللي يقول ويشكي من الملل …. وتفكبره بقتل أوقات الفراغ مع انه الوقت يمر من بين أيدينا بدون مانحس ….

نقول ملل….لأنا هاجرنا القرآن ….وقاطعنا الارحام…جعلنا نهارنا ليل وليلنا نهار ….

بنقول ملل كلما زاد بعدنا عن الله …وسنزداد مللا وتمللا كلما جعلنا الشيطان لنا قرينا
يا اخوتي الأيام تمضي والعمر ينقضي ….ولن يبقى لنا سوى العمل الصالح والدكر الحسن … فلنسارع باغتنام أوقاتنا التي نحن عنها مسؤلين…
لنحيي أوقاتنا بالطاعات … وهي كثيرة لا تعد ولا تحصى ولا نفتلها بالمعاصي والترهات

جعلنا الله واياكم وجميع امة محمد من الداكرين الله كثيرا والداكرات

اللهم امين يارب

عندك حق اختي

الملل عرف طريقه لحياتنا بعد ابتعادنا عن تعاليم ديننا وسنة نبينا عليه افضل الصلاةوالسلام

والا لكان وقتنامشغول بالذكر والعلم لكن شغلتناالدنيا

الله يصلح حالنا ويهدينا ويجعل خير اعمالنا خواتمها يارب

جزاكي الله خيرا اختي

يزاج الله خير وان شالله كله في ميزان حسناتج واتمنى اشوفج بالجنه ..

فعلااااااااااا قمة المنطق ياللي ابتحكيه

يزاج الله خير اختي
كنت اشتكي من الملل والفرااااااااااااااغ بعدين ضبطت وقتي وقمت اقري كل يوم جزء من القران الكريم ،واتسلى بقراية كتاب والا بالقعده شوي ع الكمبيوتر يعني شغلات بسيطه بس احسن عن القعده بدون شغل ولا مشغله ^_^

مراحب..
صدقج والله لو الواحد فينا مسك المصحف ولا راح يزور حد من اهله جان ماحس بالفراغ الي هو عايش فيه احين بس المشكله لو ماسوينا الشي الي فبالنا مابنروم نسوي اي شي…
كلامج صح وان شا الله الكل يستفيد منه..

يزاج الله خير
وكلامج صحيح
اللهم اعنا ع ذكرك وشكرك وحسن عبادتك
رحماك ياربي رحماك

مرحبا المليون
بدش فالموضوع أنا معرسة من ثمان أشهر تقريبن وريلي أحسه دوم يتعذر عسب يسير برع عند ربعه
شو لازمن أسوي عسب أجذبه عندي ومايخليني بروحي كل هالوقت
بليز يالمتزوجات أبا أفكااااااااااااااااااااااار بليز محتاية مساعدتكم

اختي اكشخي له وعطيه الكلام الزين وقترحي عليه كل يوم تخرجون مرة قولي له مطعم ومرة مول ومرة بحر

مرااحب غلاي / افكار اختي الغاليه الروح الوافيه جداا جميله

تقدرين تغيرين روتين حياتج مثلا من يروح الدوام او يطلع مع ربعه ترتبين البيت من شموع و ورود وعشا رومانسي
اهم شي اللبس والدلع و الكشخه كل زوج يحب يشوف زوجته باحلي طله / اقترحي عليه يعزم ربعه في البيت وانتي اطبخي من ايدج ودلعيه جدام ربعه بيفتخر فيج ويعزج اكثر

والله يوفقكم لما يحبه ويرضااه

موفقة الغالية

الغلاا اقري في النت كتب عن اول حياه زويجه مهم تعرفييييييين عنها مهم مهمهمهر بتقولين ليش ..؟

اول 3 شهور عسل زواج ع كلا من زوجيين بس اخر شهريييييين مايقارب سنه تتتغير سبحان الله من الله
الهرمونات ريلج يعود لطبيعته لشغله لحياته المعتاااده وسهر وعادي وانتى هينيه لغز ليش يسهر ليش تغير هذا طبيعي
وانصحج بكتبا الرجال من مريخ ونساااااء من زهررررره وايد حلو عن فهم الريال وطريقته وطريقتج انتي لتفسير الامووور
وتعدلي ماقول لا سوي اجوووااءج الخاصه وانتي ادرري موفقه

❤الله يوفقج

ربي يهنييج

كيفكن بنات؟؟
ان شاء الله تكونوا بالف خير

كوني داايما جالسة في البيت
ما احكيلكم كيف ملانة
اووووووف
بس اختكم
ما تنقهر ههههههههههه
:1 (55): :1 (55): :1 (55):
:1 (34): :1 (34): :1 (34):

اليوم جاتني فكرة رهيييبة :1 (34): :1 (34):

ريلوكين للميني جيب
ههههههههههه
minijupe relooking

و صورت لكم كل المراحل عشان تقولوا لي رايكم

يالله على بركة الله

هده التنورة قبل عملية التجميل ههههههههه

المرحلة 1
خيطة الريبون عند الجيب بشكل متموج

المرحلة2
رسمت رسمة و ابتديت اطرزها

و هنا خلصت التطريز و حطيت فصة كريستال في كل طرف



المرحلة3
هنا حطيت فصوص كريستال على محيط الجيب الثاني

المرحلة 4
هنا حطيت كريستال على المحيط
منه اغطي الخياطة
و منه زينة

المرحلة 5
نثرت شوية كريستال على التنورة كلها

و هدا الشكل النهائي

هااا شوو رايكم؟؟؟؟

البنات الي ما ظهرن عندهن الصور تشوف الصفحة 2

عمل رائع
صار الملل نعمة
تسلم ايدج يا الغالية
انتي مثلي كل ما مليت طلعت حرتي في شي

واهتم اكثر بالديكور
وانتي دخلتي ابداعج في الملابس
شغلج حلو
استمري لتصلي الى التصميم

مشكووووووورة اختي أم الكندي
و الله ردك مشجع جداااا
خصوصا اني مهتمة جدااا بالتصميم و اتمنى ادرسه و احترف فيه
شكراااااا

حلو وايد تسلم ايدج

ياااا خطير انت..خلاااص تعالي عندي دنتي حتلائي عندي حقااات متلتله لووووووووووووول..

حتلقيلك افكاار فضيييعه..

حلو تسلمي مش بيقولو الفاضي يعمل قاضي و الله الملل بيخليكي تبدعي و أنا و الله من الملل بعمل كل اشي تطريز خياطة رسم ووووووووووو

مــــــشكووووووورة حبيبتي …… وتسلمـ ايدج

بسم الله الرحمن الرحيم..السلام عليكم أولا: بنات أنا خلصت دراستي من 3 سنوات وكله قاعده في البيت ما أطلع خواتي كلهم يروحون المدرسه وأنا أقعد في البيت ما أطلع مووول وأحس بضييج ووحده وماعندي شيء أسويه حياتي صارت متلخبطه يوم أسهر أهلي يلوموني ويوم أنام أمل من نشة الصبح ويوم إيون خواتي من المدرسه أفرح عسب أحصل من يواسيني بس من يكونون بالمدرسه أحس بفرااااااااغ كبير وأنا أكبر وحده فيهم وأهلي مايخلوني أدرس جامعه ولا أشتغل ..بنات ساعدوني..وعطوني حـــل وادعو لي.. الله يجزيكم ألف خير وأشكر كل من قرء موضوعي ..الله لايراويكم الحالـه إللي أنا أمر فيهاا ..والسموحه..~!

الله المستعاان .. حبيبتي اشغلي نفسج فترة الصبح

نمي هوااياتج .. احفظي اياات وسور قرأنيه .. اقري وتثقفي

او خذي دوراات وسجلي بمعااهد

عزيزتي الفرااغ له سلبيااته فلااا تقعدين وتكونين فريسه له

الله ايسر امورج حبوبة

الله يعينج حبيبتي

لازم تشغلين عمرج بشيء ينفعج الوقت تضيعينه بالملل والنوم والسهر

احفظي قران ادخلي دورات كمبيوتر انجليزي تعلمي خياطة

هذا الي عندي ربي يوفقج

السلام عليكم حبيبتي الله يفك ديقتج شوفيلك رفيقه تييك البيت تسولفي معاها و شغلي وقتك بدكر الله و ينشآء الله ترتاحى

صدقيني مب بس انتي كلنا نفس الحال ملاااااانين
الله المستعان بس

مشكورين خواتي ماقصرتو..كل إللي قلتو أنا أسويه بس الحمدلله ع كل حال

مرحبا إختي الحال من بعضه بس أكيد في عندج هوايه مثلا الطبخ وإلا تعلمي تسوين مكياج وعقب اقنعي أهلج انج تشتغلين في هالمجال من البيت يعني مب لازم تفتحين صالون أو تتصلين على صديقاتج المقربات وتخلينهم يزورونج في البيت وتتسلين وياهن

هلا حبيباتي
حبيت أسأل عن ترتيب جدول يومكن؟
يعني من تقومين شو تسويين؟
وإذا وفي وحدعندها نشاط معين مفيد نقدر أنسوييه فالبيت ياليت تفيدنا؟؟

مثل الحاله ..
قاعدييين فالبيت
ملل
ملل ملل ملل ملل ملل ملل ..
شو بنسوي بـــعد …

ذكر الله + الاستغفار
دوري اي هوايه تحبينها
مثلا :
الخياطة
الرسم (بدون ذوات الارواح)
الاعمال اليدوية (شباصات,, تيجان)
تعلمي الكوروشية
تزين سلات الزبالة وعلب الكلينكس
تزين الاكواب بالرسم والكرستال

اخواتي انا صار لي متزووجه ما شاء الله من سبع سنوات وعندي ولله الحمد 3 بنات ما شاء الله الكبيرة صف اول والثانيه كجي ون والصغيرة عمرها سنه بتقولون عندج عيال وحاسه بملل هيه نعم حاسه بملل وفراغ وروتين يومي ساكنه عند اهل ريلي يعني لا مطبخ ولا بيت احاتيه ريلي يداوم بعيد وانا عللا وتيره وحده حتى غديت اسهر طول الليل وانام الفجر عشان اخطف الوقت فشو الحل حتى نفسيتي تعبانه لانه ريلي يداوم بعيد عنا وانا عندي فراغ في حياتي كبير اخواتي ابا نصيحتكم ريلي وكيف ارتب حياتي

امممممممم والله انا مستغربة ماشاءالله عندج 3 واتحسين بملل الله يخليهم لج

الغالية حاولي تشغلين وقتج مثلا إذا إنتي من النوع لي يحب يقرا إشتري كتب وحاولي تشغلين وقتج فيهم …..و ترى مثل مانقال نفسك إن لم تشغلها بالحق شغلتك بالباطل ……..حولي تنوعين عبادتج مثلا قومي الليل أو صومي أثنين و خميس وفيهم إدخلي المطبخ و سويلج فطور من إيدج تعلمي أكلات يديدة ….حاولي بين فترة وفترة تتزاورين وياربيعاتج مب لازم يكون في مناسبة للزيارة ……..دشي دورات إنتي تحبيها مثل دورة مكياج ,دورة كمبيوتر,دورة تزين الطعام ……..الغالية دوري حواليج أكيد بتحصلين شيء تكسريبه روتين حياتج

اقنعي زوجج انج تشتغلين يالغلا

ياقلبي…

هالحاله مرت علي واكيد مرت على غيرنا…

لاتستسلمين لها..

بيدج تقتلين الفراغ وتقضين على الملل

دوريلج على شي تستفيدين منه وتقضين وقتج به

انا كان عندي الوقت يمر علي وانا نفسيتي دمار والسبب الروتين اللي كنت اعيشه

اكسري الروتين وجددي شي بحياتج

فكري اي شي تسوينه يكسر روتينج ويقضي على الفراغ

عمل يدوي تتعلمينه

العصر دشي المطبخ وسوي حلويات

كتاب تقرينه ويفيدج

شي بغرفتج ركن زاويه اي شي فكري تستغليه بعمل يدوي منج

فكري ودوري اكيد هناك اشيا وايد تستحق نلتفت لها

أنا كنت مثلج عزيزتي،، سبع سنوات بالضبط و أنا على هالحال بصراحة كنت دايما ع الشات و المسنجر ويا خواتي و ربعي و مليت من هالحال.. طبعا حاولت اشتغل لكن ما كان يرضى اني اشتغل و حاولت ادخل اطبخ و عمتي ما تحب حد يساعدها فكنت دايما اتكلم في التيلفون ويا ربعي و اخواتي و امي و مليت مليت مليت.. لكن بعد ما تحولنا صار ظرف جبره يوافق اتعلم السواقة و الحمدلله قنعته احضر دورات.. و الحين محطيه جدول الحمدلله العب رياضة ساعة و اقرا قرآن و حضرت فوق العشر دورات في المهرجان و في مدارس العيال و عندي يمكن فوق ال 10 او 15 شهادة و صارت عندي خبرة اكبر في تربية الابناء و معاملة الزوج و الحين الحمدلله خلصت ال ICDL و درست دبلوم ارشاد أسري عن طريق مجلة الفرحة و تخرجت الحمدلله بتقدير حلو.. و الحين متعاقدة ويا أختي نراجع جزء عم مع التجويد و ختمناه و لله الحمد.. و الحين بنبدأ سورة النور أو البقرة.. و ناويه إن شالله التحق بدورة في المسجد اللي في الفريج احفظ سورة البقرة.. انتهزي الفرصة حبيبتي و لا تضيعين وقتج عزيزتي و إذا حابه اساعدج أنا في الخدمة..

أنا عندي عيال اكثر عنج واكبر عن عيالج .. واحس بالملل .. واستنجت الملل نابع من عدم تمكني من القيام بالأشياء اللي احبها،، فكل الأعمال اللي اقوم بها مجرد واجب اقوم به .. واعتقد هذا هو سبب الملل عندج..

المهم بعد مااكتشفت سر الملل في حياتي توصلت ان لازم اسوي شي انا احبه وأبغيه ومايكون واجب علي..

شوفي انت شو الأشياء اللي خاطرك تنجزينها في حياتك وشو الأشياء اللي وايد تحبين تسوينها وخصصي اوقات لهذي الأمور.. وان شاء الله بيطير الملل عنج.

مـــرحــبا خواتي….

اشحــالكم…؟؟

كنت ملانه جآن اقول بروح المطبخ محد بيسليني غير الفرن خخخخخخخ

براويكم شو سوييت…>>

سويت كيكة كويكر فـ ما حبيتها تكون جيه ساده…>> ما كان عندي كريمة الخفق { مكتوب }

احترق شوي من فوق بس عآدي { حصل خير }

فتت الكيك و جآن اسويه دوائر و نص الكيكه قصيتها شرايح…>>

النهـــــــــــــايه…>>

للتزيين :: توفي & جلكسي سائل & حلويات ملونه & هيرشي & جوز الهند مطحون :::

من الارشيــــف

و بــــــــــث…>> ابي دعوه حلوه منكم فـ ظهر الغيب

اللهم إني أسألك في صلاتي ودعائي . بركة تطهر بها قلبي، وتكشف بها كربي ، وتغفر بها ذنبي ، وتصلح بها أمري ، وتغني بها فقري ، وتذهب بها شري ، وتكشف بها همي وغمي، وتشفي بها سقمي ،
وتقضي بها ديني، وتجلو بها حزني ، وتجمع بها شملي ، وتبيض بها وجهي

ماشاء الله شكله يشهي

يسلمووووووووووووووووو

سواره…>> آميـــــــــــن..

فراشة امل …>> تسلمين حبوبه ^^

نورتوا الصفحه

يوم إن الملل يظهر كل هالابداعات ملـــي كل يوم ^_^

ماشاء الله عليج ^^

تسلم يمناااج حبوووبه على الأكــــله اللذيذه ,.

ههههههههههههههههههههه…>> يحليلي كل ما اكون ملانه اسير اطبخ بس موووول ما يضبط وياي…

تخصصي حلويات فـ احب اسوي ^^

مشكوره اختي عـ المرور & الكومنت

وااااايد حلو تسلم يمناج الغاليه

السلام عليكم اخواتي العزيزات…
انا متزوجة من سنتين و صراحة سويت المستحيل عشان اتغلب على الوحده و الملل و عجزت…
زوجي على طول مشغول….هو انسان طيب بس مش كثير رومانسي ..شغله و اصحابه ماخذين كل وقته<<<لا و يقول انه يحبني كثير !!!!!!!!!!!!!!!!!!و هو ما يجلس معنا الا بالليل شوية…
سويتله كل شي كل شي ممكن تتخيلونه بس النتيجه واحده!!!الملل …..بس الي مصبرني على حالتي هو ولدي الله يحفظه هو نور دنيتي
مين حالتها مثل حالتي و تعاني من الوحده خصوصا ان اهلي بعاد عني ….
احتاج صديقات بغربتي يكونن لي مثل الاخوات و نتعاهد على الخير و الصدق…..
مين وضعها مثل وضعي؟؟

استنى ردودكن

مادري والله

الله يهديه و يوفقكم

حبيبتي لا تكون حياتج مرتبطة بزوجج .. خل يكون عندج إنتي مشاريعج الخاصة .. سواء دراسة .. دورات تدريبية .. مشروع صغير من البيت .. تطوع .. قراءة .. تنمية هواية أو أي شيء تحبين تسوينه ..
لازم يكون عندج هدددددددددف كبير في الحياة .. وما بتحسين بالملل مول .. صدقيني ..
موفقة

انا مع الاخت رائده اعمال

الحرمه تكون فالبيت دوم عشان جي تحس بالملل ولكن الريال عنده اشغاله واعماله فما يكون نفس الحرمه
الله يوفقج ^^

ما فكرتي انه وجودج على طول في البيت بدون اي اهتمامات ممكن يكون سبب ابتعاد زوجك عنك ؟

يمكن لانه ما عندج جديد تتكلمين فيه مع زوجك ..

فكري فيها : لما تشغلين نفسك بهواية او اشتراك في نادي أو عمل من المنزل
وتتعرفين على صديقات جداد وتطلعين وياهم ..بتكون حياتك متجددة

وبالتالي لما تجلسين مع زوجك بيكون عندك اخبار وأشياء كثيرة جديدة تخبرينه عنها كل يوم
وشوي شوي بيستمتع بجلسة البيت وبيطّول فيه !!

شي ثاني : بما انه شغله واصحابه ماخذين كل وقته خلج ذكية !
وابدي اهتمامج بشغله واصحابه واسئليه دايما عنهم
عشان يحس انج مشاركتنه اهتماماته

والله يسخركم لبعض دايما

السلام عليكم

كيف الوحدة تقضي ع الملل في حياتها الزوجية خاصة لو كملت شهور و سنيين من الزواج
غير الفنادق و اليخوت لان فيها مبالغ مادية و نبغي شي نسويه ف بيوتنا

يعني شو تسوون بنات ف بيوتكم ؟
يعني عندكم طرف معينة او افكار حلوة و رومنسية ؟
مثلا كيف تستقبلون رياييلكم ؟
شو اللي تجددونه ف حياتكم ؟
فيني ملللللل و ابغي اغير ها الشي و اظني الكل يمر بها الفترة الرتيبة الروتينية

و حياكم جميعا
شاركونا بالافكار و الفناتك عسب الكل يستفيد

هي والله صدقج

نتريا الافكااار

هممممممممممم
مافي شي معين
لكن انا من النوع اللي اخلي ريلي على راحته
اذا حاب يسير مطعم ويا ربعه اقوله سير او يشترك بنادي اشجعه
او يسير مسرحية اقوله الله وياك او دبي او جمعه
ما احب احكره وبالمثل هو ما يحب يحكرني
عسب ما يدخل الملل بينا

بيفيدونج البنات

هيه والله خواتي اللي عندها أفكار
اتخبرنا نبى انغير في حياتنا

و الله يأختي الملل متمكن مني عدل
و ان شاء الله الحريم ما بيقصرون
لان نبا نغير روتينا اليومي

متابعه الظاهر الكل يبي يغير الروتين