الوسم: المنطاد

حبيت اخبركم عن رحلتي تاريخ 30 مايو 2024 يوم الجمعه الساعه 3:30 الفجر

اول ما سمعت عن المنطاد في دبي ينيييت قلت لازم اروح وطبعا رتبت مع شركة الرحلات واسمها بلو بنانا ( الموزه الزرقاء) كلمت وحده هناك وسألتها جان تقولي ان اخر يوم للمنطاد يطير فيه كان يوم الجمعه 30 مايو وبيباشر مره ثانيه في شهر 10 طبعا انا كنت حابه اروح بعد امتحانات العيال علشان نبدى في عطلة الصيف نرتب بس يوم قالولي ان الرحله اخر يوم لها يوم الجمعة 30 مايو انصدمت جان اخبر بو العيال ورتب معاهم الدفع وكل شي .

انطلق الباص بضبط الساعه 3:40 دقيقه متجه الى الشارجه صوب منطقة المليحه يوم وصلنا شفنا 3 مناطيد اللوانهم روعه يالسين ينفخونهم كان الصبح بادي ينور شوي شوي ركبنا المنطاد وانا طول الوقت اصور فيديو.
الكابتن طول الوقت يشرح عن الهبوط وعن الرحله وعن ارتفاعنا والمناظر من فوق حلوه نحن كنا فوق صحراء الشارجه وكان فيه كمن جبل بس الجو كان روعه ومنظر الشمس وهيه باديه تشرق كان اروع ويوم رديت البيت شغلت الكيمره وااااااااااااااااااااايد كان حلو التصوير والصراحه انا والعيال وابو العيال وااااااايد استانسنا الحمدلله.

اولا ما تنفع الرحله للاطفال اقل من سبع سنوات لانه مابيشوف شي السله مالت المنطاد مرتفعه واااااايد يعني لو انتي قصيره بتوصل لين صدرج او اقل شوي وبعدين وقت الهبوط اذا كان بيبي بيتصفع في السله مالت المنطاد لين بسه اما اذا كبير شوي بيقدر يتمسك .

ثانيا الاسعار غاليه شوي اللي من سن 12 سنه وفوق يدفع 880 درهم واللي اصغر من 12 سنه 750 درهم.

وانشالله اكون افدتكم على العموم لي مغامره ثانيه بخبركم عنها يوم برجع انشالله.