رفع
الوسم: المنظار
المنظار ولا الاشعه ساااااعدوني
بغيت استفيد من خبرتكم في هالحياه
شو الاحسن لكتشاف الانسداد المنظار ولا اشعه الصبغه
واللي جربت المنظار اتقولي هل فيها مضار ويسبب حمل خارج الرحم
ووين احسن مركز للمنظار والاشعه بدبي او الشارجه
فيدوني
وينكم خواتي
استغفر الله الذي لا إله إلا هو الحي القيوم وأتوب إليه
ازالة التكيس بالمنظار منو جربه يفديني تراني محتاره
بنات عندي سؤال
منو سوت عملية (كي التكيس ) بالمنظاار؟؟؟ اللي سوتها بليز تخبريني عن العمليه بالتفصيل؟؟ وهل رجع التكيس بعد العمليه والا لا؟؟؟
بسررررعه ردوا علييه الله يخليكم
بس حبيت ادعو لج بالشفاء العاجل و ان الله يحقق مرادج ان شاء الله
الله يشفيج و يرزقج الذرية الصالحة عاجلا غير اجلا
الحين صارلي شهرين ونص
ما يخوف بالعكس يعد المنظار من أكثر العلاجات المفيدة في حالة التكيس خصوصاً لو كان شديد
هو عبارة عن 3 فتحات عبارة عن قطبة وحدة بس يعني غرزة ..
2 على المبيضين 1 عند السرة .. مدتها 45 د تحت البنج الكامل ..
تطلعين وتقدين نص يوم لين ما تصحصحين .. " والله إني دوخت النيرسات ألين ما صحصحت ههههههههههه
المهم نرجع للمنظار .. وايد مهم تسوينه عند واحد مختص في التنظير .. تجانباً لأي أعراض جانبية لا سمح الله ..
راح يسوي لج كي على التكيسات وبعدين بشوف بالصبغة مسار الأنبوبين إذا كانوا فاتحين والا لا ..
وبعدين بينفخ لج الأنانبيب …
وبعد المنظار بتحسن بتعب لمدة اسبوعين بس كل يوم تحسين أنج أحسن من اليوم الي قبله ..
خصوصاً الراحة النفسية يوم تحسين نفسج خفيفة بدون تكيسات
شعور لا يوصف
الدكتور يقول ممكن ترجع التكيسات في حالة ما صار حمل لمدة سنة أو أكثر على حسب الجسم ..
بس أنصحج بعد المنظار تسوين حمية غذائية وتمشين .. وتاكلين صح
وبس تعبت وايد قرقرت
أنـــا بعد مقبـــله ع هالعملية..جريييب إن شاء الله
بس أول شي باخذ أشعة الام آر آي في دبي في مركـز ألايد المتخصص
و بعديين بتشووف الدكتوورة بالضبط حجم الكيسس و بسوي العملية ف ولكييير…
و قالت لي بعد العملية باخذ إبر تمنع الدورة..(( ديكاببتيل)) لمدة 3 اشهوور و بعديييين ع قولتها الرحم بيكووون كلييير من أي دم أو اي شي متجمع يعيق الحمل و أحــاول ف الحمــل .. و عســى خييير إن شاء الله.
كان عندي التكييس كبيير عسب جي الدكتوره قالت لي العمليه هو الحل الوحيد لج .. طبعا بعد معاناة الييين ما اقتنعت ( من شهر 4 واهييه تبا تسويها لي .. بس الراس يابس )
حطولي بنج كااامل .. وما حسيت بعمري الا وانا اصيييح .. ريجي كااان ناااااااااشف وكنت اريد ماي ههههه عسب جي كنت اصييح .. وحسيت شوية عوار صوب السره .. بس الحمد الله يوم عن يوم كان يخف الالم طبعا مع المسكنات ..
وقالت لي أول اسبوع لا تتحركين واااااااايد ( هذا اهم شي ) .. بس شويه تحركي .. والاسبوع الثاني بتحسين بعمرج واااااااايد احسن عن الاسبوع الاول ..
انا الحينه قريب بكمل شهر من سويت العمليه ..
وان شاء الله نحمل قرييب ياربي ^^
ربي يسهل علييج ياارب
القولون والمنظار
والله محتاجه ضروري حق عمتي هيمن متى تعاني من بطنها بس دوووم يقولولها ما يبين شي لازمتسوي منظار
شوفى حبيبتى مستشفى الامارات اعرف ناس سووا فيها بس هم مهب معارفى سامعه عنهم
والله يقومها بالسلامه ان شاءالله وخلها تسوى تحليل جرثومه المعده لانها تسوى مشاكل بعد
يمكن عندها الجرثومة
ترا انا بهذلتني ولا عرفوا شو فيني لحد ما سوولي منظار للمعدة والقولون بس سويته بتايلند للأمانه
في مركزالدكتور سليمان الحبيب في مدينة دبي الطبية
واايد ناس يسوون هناك
تجربتي مع عملية المنظار لازالة وكي التكيسات .
اولآ تحمدولي على السلامة
قبل البارحه سويت عملية لكي التكيسات على المبايض بواسطة المنظار…
انا متزوجه من 4 سنوات ونص وكنت ومازلت اعاني من التكيسات الشديدة …اخذت حبوب السكر الجلوكوفاج والميتافورمين و6 شهور حبوب منع الحمل وكلوميد وابر ومنشطات ….ولا نفعوا معاي
زرت كل المستشفيات ان ام سي…الامارات الدولي…عيادات خاصة…طبيبات امراض الحمل والولادة بدون فاييدة…كلهم يقولون ان فيني تكيس بسيط…..
الدورة كانت اتيلي كل 3 شهور وغزيييييييييييييييييييرة…ويقولولي ما فيج شي…
وبعد معاناة 4 سنين ونص من العلاج والادوية حسيت بخيبة امل…وقررت لاخر مرة ومن بعد مديح الناس قررت اسير مستشفى الوصل في دبي…
سويت عندهم تحاليل واشعه وقالت لي الاستشارية ان عندي تكيس فضيع بشكل كبير وانا ضعيفة يعني حتى الرياضة والريجيم ما يفيدوني لاني وايد ضعيفة….قالت لي 4 سنوات ونص من اخذ الادوية وايد خطر والعلاج هو كي التكيسات بالمنظار…وقالت لي 70% من اللي يسوون العملية يحملون خلال شهر بعد العملية…
توكلت على الله وسويت العملية قبل امس….
بعطيكم التفاصيل..طبعآ من قبل سوولي كل التحاليل وجهزوهم وقالولي تعالي تاريخ 24-3-2017 الساعه 6 الصبح وانتي صايمة يعني كنت صايمة من الساعه 12 بالليل ورحت المستشفى دخلت القسم الساعه 6 الصبح….
على طول جهزولي الابرة اللي يحطونها في الايد وطوني ملابس العمليات لبستهم وكنت خايفة وايد…وسحبو مني دم وشافو وزني وضغطي والاجراءات الروتينية…
على الساعه 11 الصبح دخلت غرفة العمليات عطوني المخدر والبنج واول ما حسيت ان بغيب عن الوعي قلت اشهد ان لا اله الا الله واشهد ان محمد رسول الله (سبحان الله يمكن ما ارد اعيش من بعد العملية على الاقل انطق الشهادة) واخر شي اذكره هو اني تشهدت وبس….ما حسيت بنفسي الا يوم نشيت من البنج واول ما فتحت عيني شفت الممرضة في ويهي تزقرني فتحت عيني وحسيت اني شلقه لاني كنت اشوف كل شي منقسم نصين ههههههههههههههه
المهم اول شي سويته حطيت ايدي على بطني لقيت انهم مسوين 3 خياطات على بطني وحدة على السرة و 2 على المبايض يمين ويسار….
المهم رحت الغرفة في القسم وما قصرو من دكاترة وممرضات الصراحه حسسوني اني في مستشفى خاص من العناية والاهتمام…الله الشاهد ما قصرو….المهم عقبها بساعه يت الدكتورة وقالت لي ان من خلال المنظار اكتشفو ان عندي تكيسات كبييييرة وحرقتهم كلهم ^_^ وقالت لي ان اشعه الصبغه اللي سووها خلال العملية بينت ان عندي بطانه الرحم الهاجرة… وقالت لي ان هالشي يأخر الحمل وصعب احمل بسرعه…قالت لي هو عبارة عن فتحات في بطانه الرحم يدخل فيها الدم وقت الدورة وينحبس الدم في جدار الرحم ويستوي مثل اكياس دم على الرحم مما يؤدي الا انتفاخ الرحم وينسد ويسد قنوات فالوب والبويضة ما تنزل في الرحم…..
يالله وانا من 4 سنوات ابلع في هالادوية والسبب شي ثاني…المهم قالت لي انهم نظفو الرحم خلال العملية وقالت لي 3 شهور بتعطيني كلوميد عشان احمل لان مفعول العملية يتم ل 6 شهور بس وعقب يرجع الرحم المهاجر مرة ثانية ….
وقالت لي علاج حالتي هو الحمل لو حملت بتنحل المشكلة …فقالت لي بعد 3 شهور لو ما حملت بتسويلي يا اما اخصاب صناعي يا اما اطفال الانابيب..
وتميت في المستشفى لين اليوم الثاني على العصر طلعت من المستشفى…
العملية ما تعور ابد موووول ما تعور والحمد لله بس وجع بسيط مكان الخياطة بس عادي تتحملينه مب وجع كبير يعني ما يباله مسكنات ولا شي….
ادعولي بنات اني احمل خلال هال 6 شهور …. ^_^ وبس اي سؤال انا حاضرة
وان شاء الله ربي يمن عليج في القريب العاجل
نفس تجربتي تماماً
لكن أنا الحين كملت 6 شهور ولا حملت
لازم أفكر في العلاج الحين
المنظار ممتاز من ناحية الكشف ع الرحم بشكل كامل
أنا تبين فقط عندي من وجود تكيسات كبيرة جداً & صغيرة
حتى الدكتور تعجب من الأشياء الي طلعت منها من مواد الخ……
ان شاء الله ربي يمن علينا قريباً
اللهم امين
على حسب معلوماتي ان اللي يسون كي ما يحملون 5 سنوات لان الكي يسبب التصاقات في الانابيب والله اعلم انا اختي تعاني من التكيسات ووورم ليفي في الرحم من 2024 تعالج ولليوم ما حصل حمل
جربوا الحجامه ^_^ اذا ماصار حمل وان شاء الله تحملون
ورم ليفي خارج الرحم .حد سمع عن الدكتور سامح عزيز لجراحة بالمنظار في ابوظبي
رفع لعيونك
نيو ماما تسلمين خيتو ودعواتكم ^_^
بس انا كان عندي اكثر من ورم ليفي داخل الرحم… شليتهم في مسشفى الامارات في جميرا
على يد الدكتوره أمل الشنار ^_^
نصيحة مني تأكدي من هالورم في اكثر من مكان لنه هو بس ينشط وقت الدورة سيري توام و الا الوصل تاكدي
سمعت عن هالدكتور انه اوكي و الي مدحلي اياه د كاميليا بس تاكدي احسن
ملف كامل بخصوص المنظار الرحمي // معلومات + تجارب
//
أخواتي سيدات الامارات .. في الأونة الأخير كثر الحديث
عن موضوع المنظار الرحمي // وبما أنه لا توجد المعلومات الكافية
عن هـ الموضوع خصوصاً في الشبكة العنكبوتية وبالأخص عن التجارب
حبيت يكون هـ الموضوع ملف متكامل بفضل جهودكم وتجاربكم عن المنظار الرحمي ..
\
المنظار الرحمي : هو عبارة عن تدخل جراحي يساعد في الكشف عن المشاكل
التي يتعرض لها الرحم ولا يمكن تحديدها بالسونار فقط وبه أيضاً يمكن معالجة مشاكل المبيضين
المصابة بالتكيس أو الأكياس وكيها بالليزر ..
ومن خلاله أيضاً عمل الصبغة الملونة للكشف عن سلامة الأنابيب
//
ومن خلاله أيضاً يمكن معرفة وضع الرحم مقلوب أم طبيعي
يساعد المنظار الرحمي إلى تنشيط الوظائف الطبيعة في الرحم بعد المنظار
خصوصاً في الفترة ما بعد 3 أشهر من المنظار ..
\
لذا نلاحظ خصوصاً الأخوات المتكيسات في بعض الأطباء يقوم بتنظيم الدورة
خلال 3 أشهر ما بعد المنظار لأن الرحم يكون في ضعيف جداً …
وفي حالة الحمل في الـ 3 الأشهر الأولى من بعد المنظار لابد من مثبتات والراحة التامة
//
الاستعداد للمنظار ؟
طبعاً من الأفضل القيام بـ المنظار بعد الدورة مباشرة لتجنب الحمل بالرغم من وجود
حالات تقوم بها قبل موعد الدورة مع التأكد من عدم وجود حمل
\
ومن الممكن من عودة التكيس من جديد في حال لم يتم الحمل خلال السنة الأولى من المنظار
لذا فإن من فوائد المنظار في حالة العودة للمنشطات + الابر وبالرغم من رجوع التكيسات
إلا أن العلاج يكون له مفعوله أكثر من السابق " ما قبل المنظار
//
متى ينصح بعمل المنظار في حالة التكيس ؟
لابد من التأكد أن المبيضين لا تستجيب للعلاج من خلال المنشطات + الابر
ففي هذه الحالة عدم المبالغة في العلاج لأن له مضار أخرى قد لا ندرك عقباها
لذا في حالة التكيس الشديد وعدم الاستجابة للعلاج ينصح بـ المنظار
\
طبعاً هـ الملف لا يشمل بس الأخوات المتكيسات وإنما يشمل الجميع للفائدة العامة ..
أنا حابة أعرف تجاربكم من بعد المنظار ..شو سبب المنظار ؟
كيف الدورة صارت ؟ كيف التبويض ؟ كيف الأدوية المستخدمة بعد المنظار؟
شو المضاعفات ؟ تجربة كاملة وشاملة <<< طماعة
===
وسلامتكم " حابه يكون الملف تجمع للأخوات الي سووا المنظار
انا اعترف انه ما كنت أعرف الأشياء التفصيلية عن المنظار الا من دخلت التجمع
بس الي أعرفة انه المنظار لكي التكيسات
واسم المستشفى وتكاليفه واسم الطبيب اللى سوا العملية
ياريت يا بنات تفيدونى فى هذا الموضوع لانى سبق سوت موضوع بعنوان مين سوت منظار البطن بس ما حد رد على
وتسلمين اختى صاحبة الموضوع
الي سووت المنظار تدخل؟؟
اشحالكم حبيباتي
انا عندي تكيس بالمبايض وعالجت بالكلوميد والابر ماياب نتيجه الحمدلله بولدي البجر عالجت وبسرعه حملت والحين صارلي سنه وانا اعالج ومافي فايده الدكتوره اتقولي عندج تكيس واااااايد ولازم اتسوين منظار عشان انفجر التكيس وانا واااايد خايفه ومحتاره مادري اسوي ولا اتوكل ع ربي ساعدوني بنات واذا في حد سوا هالمنظار عشان التكيس يساعدوني ؟؟
وجزاكم الله خيرااا
البنات بفيدونج
ربي يرزقج ويرزقني ويرزق كل محرومه يارب بالذريه الصالحه
احسن دكتورة في المنظار في الوصل؟؟
خواتي بنت اختي في العشرين من عمرها.. غير متزوجة…
قبل شهرين و نصف سوت منظار لازالة كيس في المبيض اليمين كان حجمه ستة سم تقريبا… نوعه الكيس الجريبي follicular cyst ….
وسوته بره البلاد وقالو ها النوع يمكن يستوي لاي وحدة بس لازم تابع كل شهر احتياطا….
والحين بعد ردلها التكيس بس الدكتورة اللي كشفت عليها بالاشعة قالت ها شكله نوع ثاني اما جلدي او رحمي و السايز جريب السبع سم وطبعا قالو كيس ها الكبر لازم ينشال…
وهي احين تراجع في الوصل والشهر الياي موعدها.. بغيت اسالكم عن احسن دكتورة في المنظار في الوصل يعني دكتورة شااااااااااطرة لان المنظار مو الكل يكون فيه اوكي خاصة العلاجي اما التشخيصي فمعظم الدكاترة يرومون يسوونه….*
بلييييز اللي عندها اي معلومات او تكون هي مسوية تخبرنا والله يجازيكم الجنة
ويرزقكم من خيره .. البنت بعدها صغيرة ومب معرسة وبدت وياها ها المشاكل
الحمدلله على كل حال كله باذن ربي
ويزاكم الله خير
الله يشفيها ويعافيها ويخليها لاهلها يارب .. وان شاء الله انها على أجر عظيم.
تخصصها اصلا مناظر
وهي فنانة انا سويت مرتين عندها
ممكن اسلج حق شو سويتي منظار مرتين؟؟ وعقبه انتي اوكي ما في اي مشاكل لا قدرالله؟؟
مشكورة فديتج
وعليكم بالرقية أختي وماي زمزم والصدقـة ثم الصدقــــــــة
والسموحـة ما أعرف حد بالوصل ..
تحويل مسار المعدة بالمنظار
انا افكر اسوي المنظار لتحويل مسار المعدة لاني اخاف من العمليات
هل تصغر المعدة بشكل دائم مدى الحياة
هل لازم اسوي رجيم لان اكره شيء عندي رجيم ولا اقدر التزم فيه
هل يوم بنقص وزني ان شاء الله هل برد يزيد الوزن بعدين ولا بتم رشيقة مدى الحيا
اما تجارب البنات مع قص المعده تجاااارب رهييييييييبه وجد جد استفادوا..
ررررررررفع