اولا ماكتبت هالموضوع الا لاني فعلاً حابه افيدكم وانبهكم
انا سويت قبل العيد بدكير منكير
وكل شي تمام وشغل حلو مرتب
عقب كم يوم حسيت بألم قوي في صبع ابهام ريولي
اليوم اللي عقبه ماقدرت ارقد الليل من شدة الالم
وعقب لاحظت حوالي ظفري الجلد شوي يميل للبياض
وهذا غير انه منتفخ ومستوي احمر يابس مثل الكوره
عرفت عقب انه مستوي فيه خراج واسم المشكله ( داحوس الظفر )
ماقدرت اطوف الموضوع ورحت للمستشفى وانا اعري من الالم ولابسه سليبر ^^" لاني مب قادره البس اي جوتي
وهناك حولوني على قسم الجراحه العامه
الدكتور سوو لي شق وطلع الخراج والالم لايطاق الله لا يبيلكم
واليوم ثاني يوم صح انه خف الحمدلله بس بعد مب قادره امشي عدل والالم خفيف وشعور يضايق
والمفروض كل يوم اروح المستشفى يغيرون لي الشاش صوب الخراج
وهذا غير انه مايطلع كله من اول مره
يعني ثاني زياده يطلعونه لج زياده وجي
الحمدلله على كل حال
الزبده يا بنات
لما شاف الدكتور صبعي قال اكثر المشاكل اللي اتيينا بسبة البدكير والمنكير
وحذرني اني اقص حواف ظفري
وراني اظافره وقال جي المفروض الاظافر تنقص ( بس من فوق فقط وماله داعي يقصون الحواف ويعدلون شكل الظفر )
لانه اذا غير جي انقص هني تطلع مشكلة داحوس الظفر
احس اني كرهت البدكير والمنكير من كل قلبي ومابسويه طول حياتي الا بالبيت وبنفسي
انا مب يايه اقول لكم لا تسوون ولاتروحون
لانه هالشي بالاحلام يستوي
بس حابه انبهكم حبيباتي
اولا يفضل تاخذون وياكم ادواتكم ولو انه هالشي مب كافي انه مايسبب لكم مشاكل
لانه طريقة التنظيف والقص هي الاساس
وايد تحذروا وحطوا عينكم عالحرمه وهي تسوي
ولاتطلبون مووول تعدل الحواف
بس خل تقص وتبرد الاظافر من فوق لاتقرب من الحواف
والله اني ما اريد الا مصلحتكم
وقلت في خاطري لو اني شفت عضوه منزله مثل هالموضوع قبل كنت بتحذر او يمكن ما بسوي من الاساس
ف الحين انا احط موضوعي هذا لكل وحده ماعندها خلفيه عن هذا الموضوع
انا ماكان عندي علم مووول بهالمشكله وانها منتشره بسبة البدكير والمنكير الا يوم رحت المستشفى من كلام الدكتور و السسترات !
بالاخير اعيد و ازيد
انا ما اقول وقفوا هالشي
بس تحذروا
ياما نصحت ورمست آخر مرة كان في هذا الموضوع شوفي تاريخ الرد
https://forum.uaewomen.net/showthread…=#post43199050
ما احب اخلي اي معلومة ممكن تفيد وحده وتساعدها
انا عانيت من نفسسسس هالمشكله , أول ما كتبتي موضوعك الأول تستفسرين عن الحاله فورا فهمت انه صار عندك داحوس
لانه صارلي نفسك من شهرين , ولكن ما كنت مسويه بدكير ومنكير في صالون , انا بروحي قصيت الأظفر ولكن قصيت أظفر زيادة عن اللزوم بالغلط فصارتلي هالمشكله
انا هنا ما ادافع عن الصوالين ابداااا لكن احذر نفس كلام الدكتور لا تقصون الحواف
بحرم اسويه
مرة او مرتين بالسنة لاني اخاف وايد ،،،
و يستحسن انج تشترين أغراض المناكير و البديكير خاص بج
عسب محد يستخدمه
لاحول ولا قوة الا بالله مافيهم ضمير
بخصوص الظفر الله يستر 
اقولج هو يطيح بدون الم :"( ؟؟ وايد خايفه
ورد الامارات شكرا حبيبتي بس انتي قصدج كنتي راده بين الردود؟
انا شفت هالموضوع بس للاسف ماشفت ردج
ناروتا شكرا حبيبتي ، والحمدلله تشافيني وافتكيني من المشكله
ميميه88
يقولون لما الحرمه تقص الظفر زياده عن اللزوم
يعني تعدل شكله صوب الاطراف عرفتي كيف
مايكون عريض ويكون شكله مرتب ومسواي صوب الاطراف
ميس بنك زين تسوين
مافي احسن من انج تسوين بروحج اضمن واحسن واعقم
المشاركة الأصلية كتبت بواسطة الشيخة 
