الوسم: الموظفات

للرفع..

والريل .. سبحان الله فالبداية استوت مشادات وايد ويا ريلي على سالفة الشغل

وطبيعة شغله شفتات وأيا ما يداوم و أنا أسير الدوام كل يوم .. بس الحمدلله يوم عرف أنه ما فيه فايده من

الضرابه على الدوام .. استسلم ( هههه ) و اللحين بالعنها وساكت .. بس أهم شي أنه راضي عني

يعني مب مرتاحه 100% .. بس ساكتين لأنه ورانا بيت نبنيه .. الله كريم

خواتي الامهات من معلمات وموظفات ,المدارس الاسبوع الياي وانا ما اعرف شو بسوي بولدي

عمره 4 شهور وارضعه طبيعي ما اعرف كيف بخليه شوفولي حل دخيلكن !_!

واعتقد يعطونج ساعه للرضاعه واذا عندكم حضانه زين بعد
اتمنى اني افدتج

الدكتورمرة قالي ابدي بالاكل من عمر5 او 6 شهور .
حاولي تعطينه بالمرضعه حليب صناعي اوحليبج المشفوط لين ما تردين من الدوام …بيصيح شوي بس بيتعود… وفي حلمات مراضع تشبه صدر الأم وااايد اوكي بس نسيت الماركة

بنات دخيلكن سون ليه حل

ماشاءالله عود و يحتاج اكل

خواتي الموظفات عندي مشكلة بسيطة وانشاءالله متفائلة انكم بتساعدوني

لا تخيبون ظني فيكم يالغاليات

انا الله يسلمكم اشتغل سكرتيرة مديري طلب مني اني اجهز محضر اجتماع عشان يشوف شغلي

لكن من قال بتخليني في حالي الاخت لي معاي في المكتب ( والله ما احب التفرقة بس للاسف الاخوات العربيات ما يفكرون إلا في نفسهم )

وانا حليلي أي شي يديد استشيرها ودايما متفائلة ومتحمسة للشغل وهي تسوي نفسها زعلانة وتشكي الحال ومن هناك الحبيبة تخمس في الشغل وانا كل تعبي للاسف عالفاضي لانه في اي شغل المدير يناديها على اساس خبرتها احسن عني .

خواتي انا بس ابى افكار في شغلي كيف اطور شغل السكرتاريا واثبت نفسي

( الله يوفقها بالعكس هب حاسدتنها صدقوني ، لكن مفتحة عين ومغمضه عين وآااه على غيرة

الموظفات )

على فكرة انا ماخذة الشغل بشكل جدي يعني ما عندي قهاوي وسوالف:1 (81): وعزايم

الشغل شغل

فرصة الحبيبة بتسافر في الصيف :1 (34): :1 (34): :1 (34):

قلت اقرا كتب ادارية وادور في النت مواضيع عن السكرتاريا بس تعرفون ماشي مواقع عربية تهتم بهالمواضيع

عموما لي عندها افكار لا تبخل عليه واكيد الكل بيستفيد

واذا ممكن اعرف شو احسن اسلوب في طباعة واعداد محاضر الاجتماعات وجدوال الاجتماعات
والمراسلات واعمال السكرتاريا

ادري طولت عليكم بس صدقوني ما نصدق نلاقي شغل وابى كل البنات يثبتن نفسهن في الشغل وما يستسلمن مثلي

والسموحة الغاليات

هلافيج عزيزتي… والله يعينج عليها.. انا اعرف هالنوعيات اللي يسون عمارهن متظايجات من الشغل ومن هنااك شادات حيلهن عالآخر…

نصيحه لج يالغلا لاتخلينها اتحاول تحبطج برمستها وبشغلها.. انتي شكلج ما شاء الله عليج متحمسه وحابة تبرزين شغلج.. وكان ودي اساعدج.. بس ماعرف شي فشغل السكرتاريه… كل اللي اقدر اقوله لج.. انج في هالشهر اللي هي مب موجوده حاولي كثر ماتقدرين تكسبين ثقة المدير.. يعني خليه يعرف انج تعرفين احسن واكثر عنها… حاولي اتخلين الشغله اللي يعطيج اياها شغله فيها شي يميزج عنها.. واهم شي ماتأخرين الشغله… يعني حاولي تسألين سكرتيرات في مؤؤسسات ثانية او اتشوفين ايميلاتهن اللي يطرشونها او اشتري كتب عن السكرتاريه… وصدقيني صدقيني عن تجربة دايما الوقت المناسب اللي تبرزين نفسج هو الوقت اللي غيرج يكون مب موجود ..صح بيكون الشغل عليج واايد بس اهم شي بتكسبين ثقة المسؤول وانج قد الشغله :1 (40): … ودي اساعدج اكثر غلاتي بس شرات ماقلتلج ماعرف فالسكرتارية :1 (7): …

وان شاء الله البنات هني بيساعدنج ومابقصروون معاج

شوفي حبيبتي لازم تكونين مفتحة باللبن ولاتنسين شي اهم شي انه ماتنسين ودايما تذكرين مديرج بكل مواعيده وواجباته ومكالماته بمعنى انه اي شي يحتاجه يوصله بدون عوائق او شكاوي يعني تكونين ايده وريله ، يفضل انه عندك مفكرة يومية تذكرين فيها كلشي لازم تسوينه يوم بيومه والي لازم تسوينه بعد شهر والي لازم تسوينه الاسبوع الياي ، يعني ماتخلين شي ماتذكريه بهالمفكرة يخص عملج والي يحتاجه مديرك حتى لاتنسين ولايكون عندك نقطة ضعف وطبعا تكونين متواجدة قبل مديرك ومحضرة جدوله اليومي وتكونين مشيكة الايميلات كلها قبل مايوصل حتى تكونين مستعدة لاي استفسار او سؤال من قبله طبعا انا ماعرف شو مجالكم وفيما لو مديرك كانت تعاملاته التجارية واتفاقياته اغلبيتها عن طريق الاجتماعات او عن طريق النت او عن طريق الهاتف لانه كلشي لازم يتوثق ويكون له فايل خاص فيه لسهولة الرجوع اليه وطبعا لاتنسين لازم تكونين دايما متيقظة لانه زميلتك اكيد مابتحب يكون لها منافس فحاولي دايما تكونين لطيفة وباسلوبك وشطارتك حصلي المعلومات المفيدة سواء منها اومن خلال الانتباه الى طريقة عملها وصدقيني من حماسك رح تكونين احسن منها، وحاولي دايما انه شغلك انتي تسلميه لمديرك ولاتكون هي وسيطة واذا عندك اي ملاحظات او اضافات معقولة لا تبخلي عنها ….. ومثل ماخبرتك اهم شي النشاط والشخصية القوية وتكونين حبوبة بطريقة تحرج المقابل ….. تحياتي واذا تحبين اي سؤال انا حاضرة

المشاركة الأصلية كتبت بواسطة Hella

انا كنت مديرة تنفيذية وكان عندي سكرتيرة هندية والاخرى فلبينية فصارلي خبرة منهم سبع سنوات انشالله بفيدج بشي اختي …

شوفي حبيبتي لازم تكونين مفتحة باللبن ولاتنسين شي اهم شي انه ماتنسين ودايما تذكرين مديرج بكل مواعيده وواجباته ومكالماته بمعنى انه اي شي يحتاجه يوصله بدون عوائق او شكاوي يعني تكونين ايده وريله ، يفضل انه عندك مفكرة يومية تذكرين فيها كلشي لازم تسوينه يوم بيومه والي لازم تسوينه بعد شهر والي لازم تسوينه الاسبوع الياي ، يعني ماتخلين شي ماتذكريه بهالمفكرة يخص عملج والي يحتاجه مديرك حتى لاتنسين ولايكون عندك نقطة ضعف وطبعا تكونين متواجدة قبل مديرك ومحضرة جدوله اليومي وتكونين مشيكة الايميلات كلها قبل مايوصل حتى تكونين مستعدة لاي استفسار او سؤال من قبله طبعا انا ماعرف شو مجالكم وفيما لو مديرك كانت تعاملاته التجارية واتفاقياته اغلبيتها عن طريق الاجتماعات او عن طريق النت او عن طريق الهاتف لانه كلشي لازم يتوثق ويكون له فايل خاص فيه لسهولة الرجوع اليه وطبعا لاتنسين لازم تكونين دايما متيقظة لانه زميلتك اكيد مابتحب يكون لها منافس فحاولي دايما تكونين لطيفة وباسلوبك وشطارتك حصلي المعلومات المفيدة سواء منها اومن خلال الانتباه الى طريقة عملها وصدقيني من حماسك رح تكونين احسن منها، وحاولي دايما انه شغلك انتي تسلميه لمديرك ولاتكون هي وسيطة واذا عندك اي ملاحظات او اضافات معقولة لا تبخلي عنها ….. ومثل ماخبرتك اهم شي النشاط والشخصية القوية وتكونين حبوبة بطريقة تحرج المقابل ….. تحياتي واذا تحبين اي سؤال انا حاضرة

اختي العزيزة Hella

اشكرج على هذي المشاركة المتميزة بما انج مديرة وحبيت ارتب نصايحج في نقاط عشان استفيد وافيد
مهام السكرتيرة المميزة:

1. تذكير المدير بالمواعيد ، الواجبات والأعمال اليومية والمكالمات
2. الاستعانة بمذكرة يومية ، اسبوعية ، شهرية حسب حاجة العمل لذلك
3. الالتزام بالحضور قبل المدير لتجهيز الجدول اليومي والرد على الايميلات
4. توثيق المستندات وجداول الاجتماعات وما يتعلق بطبيعة العمل للرجوع إليها بكل سهولة
( طبعا التوثيق في الملفات + التوثيق باستخدام الكمبيوتر مثلا برنامجExcel )

صدقيني اختي Hella

ما أعرف كيف أشكرج واتشرفت بمشاركتج فعلاً ، وأنا كتبت النقاط بس عشان تعرفين انه مشاركتج لم تمر مرور الكرام بالعكس ( اتأكدتي اني سكرتيرة شاطرة :1 (20): )

الله يوفقج :22 (22): :22 (22): :22 (22):

المتزوجه والموظفه في وقت واحد

اين يكون طفلك اثناء عملك!!!!!!!!!!!
برفقة من!!!!

وبعد عودتك من العمل

كيف توزعين وقتج بين زوجج واطفالك

يعني طوووووووووول اليوم من الظهر بس وفوووق لين موعد النوم شووووووووووو تسوين!!!

ببدا
بسم الله
طبعا ولدي يكون مع الخدامه من الصبح لين الظهر
ارد الظهر
اتسبح
العب ولدي لين يرد ريلي من الدوام ويتسبح ويبدل
يشوفه دقايق واودييه للشغاله يتم معاها تغديه
نتغدا مع بعض نسووولف تقريبا ساعه بعد الغدا بس نيبه عدنا نص الوقت( نحط ماسسكات كلنا الظهر )) :1 (39): :1 (19):

وعقب حان موعد النوم نرقد

وانش عالمغرب ونطلع نتمشى بس هو يتم فالبيت لانه صغير بعده

وارد انا بدري البيت تقريبا قبل العشر واتم مع ولدي لين 12 العبه ونشووف رسوووم متحركه وفيه قناة تعليميه للاطفال يديده فشوتايم نطالعها..
ومن يرقد غرفته عدال غرفتي وايد قريبه

اسير اتسبح وابدل والبس هالوقت يكون ريلي فخييمته برا
واقعد اشووف تلفزيون او اقرا مجله لين يدش:22 (20):
نقعد لين الساعه 2 او 3 وننام

وهاي حالتنا والله يعين

وحمدالله اعااملها مب كانها خدامه اعطييها الي تباه ودووم اعطييها غير راتبها ووايد تفرح واتم تدعيلي

وخبرينا بعدين عن الكيراتين .. بالتوفيق

ياليت اتخبريني

والمشكلة أن كل البنات الي في دوام عادي يسولفون وأكثر شي بعد المعرسات
وسوالف وضحك وأن أحس عمري جيه منبوده بينهم والله ولكني مرتاحة والله
ما أبا أعطي مجال لهم يسولفون سوالف عادي .
هو صحيح سوالفهم عادي ولكن بعد هب حلوه تسولفون ويا ريال .
ويوم أقول ربيعتي تقول عادي هذيلا مثل خوانا ومن زمان ويانا في الدوام .
بنات عطوني نصايح أتجنب سوالفهم وأبين لهم أني هب مالت سوالف وو و و حتي لو
كانت السوالف عادية .

ما عندي خبرة في الدوام وايد وعطوني نصايح في كيفية التعامل و كيف أبعد نفسى
عن القيل والقال وكيف أجاوب بطريقة دبلوماسية عسب ما يقولون عني خقاقة .
عادي أدخل داخل وأطلب شغل حتي أبعد عن يلستهم وأفك عمري ؟
الاسبوع الي طاف ما قصر موظف ناداني وقالي تعالي ساعدينا وكملي الشغل وأرتحت
والله يوم سرت .
أنا بعد أمشي مع وحده متزوجة عسب أتجنب أنها تقعد وستولف طلعت عادي جدآ
وتسولف وأنا قلت لها أستحي قالت عادي بتتعودون بعدين وبتشوفنهم شرات
خوانج ؟ ؟ ؟

لأن الخدم يوم يشوفون بعينهم شرطية يخافون ويسمعون الكــــــــلام بس هذا إلي بغيته
فإلي بتوافق تكلمني على الخاص بارك الله فيكم

واذا السالفه صدق انا اول زبونه عندهم بس ان شاءالله تكون صدق