الوسم: الناس

حبيبتي اعتقد الوالده عندها لرومنتيزم دام الالم ف الركبه

سيري العطار عنده زيت لـ آلام العظام جربيه يمن يفيدها
اذا انتي من بوظبي عندج موسسة السواري ف الخالديه انا خذته من هناك
بس قوليله زيت لـ الام العظام بيعطيج اياه
حبيبتي خلي الوالده تحط ريلها ف طش فيه ماي دااافي مع شويه ملح يوميا و اتمنى يخفف عنها

ولا سيري مستشف خاص للعظام بس انتي من وين ؟

المشاركة الأصلية كتبت بواسطة جحال اثمد

اسال الله العظيم رب العرش العظيم ان يشفي الوالده و يشفي جميع مرضى المسلمين و يشفيني

حبيبتي اعتقد الوالده عندها لرومنتيزم دام الالم ف الركبه

سيري العطار عنده زيت لـ آلام العظام جربيه يمن يفيدها
اذا انتي من بوظبي عندج موسسة السواري ف الخالديه انا خذته من هناك
بس قوليله زيت لـ الام العظام بيعطيج اياه
حبيبتي خلي الوالده تحط ريلها ف طش فيه ماي دااافي مع شويه ملح يوميا و اتمنى يخفف عنها

ولا سيري مستشف خاص للعظام بس انتي من وين ؟

من بوظبي الشيخه..ومشكوره غناتي على النصايح الثمينه وياريت اذا حد عنده شي مفيد مثل كلامج الطيب يفيدني وجزاكم عند الله خير الجزاء

و يوم سوت فحوصات هنيه قالولها إلتهاب مزمن

الله يشافيهم ان شاء لله ويشفي كل مرضى المسلمين

تسـلميييين غناتي

قال العلامة الشيخ محمد بن صالح العثيمين – رحمه الله -:
[…]فإن الناس كلَّما ازدادوا في الرفاهية وكلما انفتحوا على الناس انفتحت عليهم الشرور.
إن الرفاهية هي التي تُدمِّر الإنسان، لأن الإنسان إذا نظر إلى الرفاهية وتنعيم جسده غفل عن تنعيم قلبه وصار أكبر همِّه أن يُنعِّم هذا الجسد الذي مآله إلى الديدان والنتن، وهذا هو البلاء، هذا هو الذي ضر الناس اليوم لا تكاد تجد أحدا إلا ويقول: ويش قصرنا؟ ويش سيارتنا؟ ويش فرشنا؟ ويش أكلنا؟.. حتى الذين يقرؤون العلم ويدرسون العلم بعضهم إنما يدرس من أجل أن ينال رُتبة أو مرتبة يتوصَّل بها إلى نعيم الدنيا، ما كأن الإنسان خُلق لأمرٍ عظيم، والدنيا ونعيمها إنما هو وسيلةٌ فقط نسأل الله أن يجعلنا ممن يستعملها؛ وسيلة قال شيخ الإسلام بن تيمية رحمه الله: (( ينبغي للإنسان أن يستعمل المال كما يستعمل الحمار للركوب وكما يستعمل بيت الخلاء للغائط )).
شوف إلِّي يعرفون المال! يعرفون قدره، لا تجعل المال أكبر همك، اركب المال فإن لم تركب المال ركبك المال وصار همُّك هو الدنيا.
ولهذا نقول: (( إن الناس كلما انفتحت عليهم الدنيا وصاروا ينظرون إليها فإنهم يخسرون من الآخرة بقدر ما ربحوا من الدنيا )) قال النبي عليه الصلاة والسلام: " والله ما الفقر أخشى عليكم " يعني ما أخاف عليكم الفقر الدنيا ستُفتح " وإنما أخشى عليكم أن تُفتح عليكم الدنيا فتنافسوها كما تنافسها من قبلكم فتُهلككُم كما أهلكتهم ".
وصدق الرسول عليه الصلاة والسلام، هذا الذي أهلك الناس اليوم التنافس في الدنيا وكونهم كأنما خُلقوا لها لا أنها خُلقت لهم، فاشتغلوا بما خُلق لهم عمّا خُلقوا له وهذا من الانتكاس نسأل الله العافية.

المرجع: شبكة سحاب السلفية

انا بسجل عيالي فمدرسة النهضة ولدي بيكون اول ابتدائي وبنتي kg2 بس قالولي عندهم اختبار قبول فممكن من سجلت عيالها هناك تعطيني فكرة عن كيفية الامتحان لأني خايفة وايد انهم يفشلون وأحاتي
فاللي بترد علي الله يوفق عيالها ويرفعون راسها دايما.

وأدري الطيبين ما بيقصرون؟؟

للرفع

شحالكم اخواتي ، بطرح عليكم فضفضتي لاني اشوف ان محد يستاهل تخسر مشاعرك عليه بهالزمن ،

ليش يوم تعامل الناس بطيـــبه ما يعبرونك ، ولما تحتقرهم يركضون وراك؟!
ليش يوم تعامل الناس بالاحترام ، ما تلقى منهم بالمثل ، بالعكس يذلونكـ .؟!
ليش يوم تجزيهم بالاحسان يردونك بالاساءة .!!
ليش لما تثبت وجودك في مكان وتتعب وتشقى ، تشوف ان ما يقدرونكـ؟

صدق صدق انا ما كنت اصدق بالاشياء اللي فوق الا لما مريت بمواقف الله لا يراويــكم ! والله اني تعبت نفسيا ، لدرجة اني وايد صحتي تدهورت ، واللي يرفع الضغط ان الكل يطلعني انا الغلطانة ، بخبركم بالمواقف /!

– موقف الاول :
كانت عندي ربيعـة من زمان وياها ، تغيرت علي فجآة وما قامت ترمسني مثل قبل ، وكله مسوتلي طاف ، انا كنت اراكض وراها اتصل فيها اسال عنها ، اقولها وينج ما تبينين ، اتصل فيها لما تغيب ، يعني وايد كنت اهتم فيها ، بس هي ما كانت تشوفني بنظرة الصديقة ، كانت تزقرني بس حق المصالح ، لما ما تحصل حد ياكل وياها تتصل فيني تعالي بنتغدى ويا بعض ، وحتى يوم ايلس وياها وقت الغدا تيلس على بلاك بيري وما تسولف حتى وياي ! بديت اطنشها وما اكلمها شرات قبل ، المشكلة الحينة من اشوفها تقولي يالمختفية ، ياللي ما تسألين / دوم تحسسني اني انا الغلطانة ما شافت عمرها..انا ما عرف سوالف النغزات فما انغزلها واطلع حرتي اقولها واضحك انتي المختفية انتي اللي ما تبينين ، وهي تتحرا عادي انا ابغي ابينلها اني هي اللي بدت تسوي هالحركات عسب جي انا تغيرت !

– موقف الثاني :
بشهادة الكل انا وايد متفوقة في قسمي ماسكة بروجكتات ما جد مواطنة مسكته ، وشادة حيلي وايد ، بس ما اشوف التقدير من مسؤولي ولا من حد ، يانا واحد يديد في القسم ، تخيلوا نص بروجكتات اللي انا يالسه اشتغل عليهم مسؤولي قال : خلي الموظف اليديد يساعدج فيهم ! انزين انا الحينة ابغي اعرف كيف الموظف اليديد بيساعدني فيهم ، انا اللي بساعده لان هو ما يعرف شي ! والمشكلة لما وافقت وعطيته نص بروجكتاتي تخيلوا بعد يومين مسؤولي ما عيبه شغل الموظف قالي انتي راجعيه واشتغلي عليه ! انا سكت والله انقهرت يعني انا الحينة تعبت واخر شي عطيت بروجكتاتي ويوم ما تابعته يباني ارد واشتغل عليه من اول ويديد ، ..صراحة ما يقدرون شغلتي ، اكد واتعب بس اخر شي الاسم يي على الموظفين اللي وياي..يعني لازم العب بذيلي عسب يقدروني…

-موقف الثالث: وهاللي عايشتنه حاليآ/
تعرفت على وحدة من شهرين ، واستوت ربيعتي ، واستويت كلوز وياها ، سوالف وضحك ــ بس هي مش وياي في الدوام ولا في الكولج ، فاكثر وقتي اسولف وياها عالفون ولا البي بي ، وطلعات وياها ، انا يوم استوي كلوز ويا حد لازم اسال عنها ..بس هي ما اشوفها تبادلني بهالشي ,تخيلوا في العيد كل حد طرشلي مسج العيد الا هي ما طرشت ! تخيلوا ثلاث ايام العيد وما حصلت مسج منها ..قلت خلني اكون احسن عنها واطرشلها ..طرشت بس ما ردت علي ! عقب ثالث يوم تقولي عندها ظروف ..اوكيه عندج ظروف خبريني ولا انج تطنشيني ! ربيعاتي اللي علاقتهم سطحية وياهم يخبروني بس هي انا ربيعتها ما تقولي شي ، ولا المشكلة تقول عندها ظروف بس اشوفها تشارك في الفيس بوك ( هي مشتركة في الفيس بوك ) … حتى لين يوومكم هذا ، انا اللي آسآل عنها ويوم اغيب مثلا او آمرض هي ما تبآدر ولا تسأل وكله تقولي انشغلت ، انزين عالاقل طرشي مسج تقول ما عندها وقت من هناك اشوفها تغير صور بي بي ولا تطرش برودكاست ، بس السؤال لا !

انا تعبت اراكض ورا الناس ، محد يقدرني انا اللي كله ابادر اساآل اتعب بس ما احصل المقابل من اي حد لا من ربيعاتي ولا من مسؤولين ولا من البيت ، تعبت وزهقت خلاص ما ابي ارابع حد وما ابي اكون علاقاتي ويا الناس /:: محد يفهمني ..

السموحه عاالاطالة

عباره عن مسلسل يمر فيه كل شخص

انتي مريتي، وانا مريت، وغيرنا مروا

حبيبتي هذي نفوس الناس، هذاك اول لي تكون عندج ربيعه صدق
هذاك اول يوم تسوين شي الكل يقدر، بالعكس الناس الحين اذا شافوج متفوقه في شي، وشاده حيلج وتشتغلين، بيسغلون هالشي فيج، بيقولون خل تشتغل اكثر، بيضغطون عليج اكثر، ولا يهمهم شو هي ظرفوج!!! المهم لي يبونه يصير

الربيعات ساليني انا عن غدر الصداقه، انا قبل ايام المدرسة كانت وياي شله حتى لبسنا نلبس نفس الشي من كثر ما نحن قراب لبعض والله عزيتهم اكثر من خواتي، قالوا لي بنات ان هالبنات مرابعينج لانج انتي المتفوقه فيهم وانتي لي تشتغلين في البروجكتات والبحوث وجي ، طبعا جذبتهم ، لان هذيل عشره عمر اكثر من 6 سنوات

وحياتج متخرجين اول شهر 6، اتصل فيهم مايردون، مسن ما يسولفون، على العموم لي سنتين ما اعرف عنهم شي، توصلني اخبارهم من بعيد فلانه عرست وفلانه وفلانه، صج انا سافرت وصرت بعيد بس عندهم ايميلي

يعني شوفي عشره 6 سنوات، بدون اي سبب انقطعت

كل الناس جي، البدايه تحسينهم توام روحج، عقب تحسين انج ما تعرفينهم من تصرفاتهم

لاتضايقين لان هذي هي الدنيا، وهذي هي نفوس الناس

وانا اقولج اذا تدورين ربيعه صادقه وتثقين فيها، ما بتحصلين 100% ما بتحصلين

خلي علاقتج في الكل محدوده، سوالف ضحك بس لاتدخلينهم قلبج، لان بي اليوم لي بيكسرونج، لان ماشي يدوم

ونصيحة من اخت لاختها، احذري احذري تقولين لربيعاتج سر من اسرارج او مشكله خاصه تمرين فيها

لان بعضهم يسغلون هالشي وينشرونه

مالج غير الله، هو لي تشكين له وبيخفف عليج

وفي وحده اعتبرتها حسبه اختي تي وتتشكى لي وتقول عندهم مشاكل في البيت لين كسرت خاطري، والكل يقول البنت ترى راعية مشاكل ببتلعوزين وياها، انا قلت لهم حرام هي محتاجة حد يوقف وياها، ويوم اكتشفت ان البنت اصلا ما عندها مشاكل بس تبى تتقرب مني وتسوي حركات حب وغيره، ابتعدت عنها شوي
تدرين شو سوت!!!

والله ما اجذب عليج، انها طلعت علي رمسه اني ارمس واحد، ولا اونه عندها ادله، ومن وقاحتها وصلت الخبر لاهلي، والحمدالله اهلي واثقين فيني، تفاهموا وياي وخبرتهم موضوعي ويالبنت ، وقفوا البنت عند حدها

سوري كتبت وايد، بس سالفتج ويا ربيعاتج ذكرتني بلي كانن ربيعاتي

و الشغل…
بالعكس..
انتي أثبتي كفائتج لمسؤولج
و انا لاحظت شي أنتي تدققين وايد في الكلمات
يعني يوم قلتي
قال إن الموظف يساعدني
يمكن قصد مسؤولج يخفف عنج الشغل!!
فديتج فكري بإيجابيه بتلقين كل شي حلووو
الله يوفقج

انا ماقصدي اضحك بس هاي الامور عادية

المختصر المفيد ماتوثقين بحد

الناس نفسيات اختي

بس اشتغلي شغلك بضمير وعاملي الناس باخلاقك

بس ماتستنين رد جميل او ثقة منهم

فكري بنفسك يكون احسن

تصرفي على طبيعتج ولا تخلين هل المواقف تغيرج وتغير يمكن صفات حلوه فيج …انتي خدومه ..واجتماعيهـ …ممكن هل المواقف تأثر فيج سلبا وتخليج تتغيرين …انما الاعمال بالنيات ..انتي صفي النيهــ …ودايما كرري على نفسج بسوي الي عليه ..سواء قدروني ..او فهموني ..او عبرونــي …انا ماسكه بعد مادة ادرسها في مدرستي ..وهل السنه ثاني سنه لي …العام ما كنت افهم وايد ع المديره ..وهي بعد ما كانت تعرف لي …بس السنه وايد اشياء تغيرت ..لدرجه انها تمسكت فيني وايد ..هل السنه ..وربيعاتي وايد في منهن تغيرن ..وكنت ارمس واتحرطم عليهن عند ربيعتي الكلوز ..بس في النهايه ربيعتي قالت لي خلاص فلانه شحقه معوره راسج برايهن وسوي الي يملي عليج ضميرج …وفعلا وايد بنات طرشت لهن مسجات العيد ووايد ما عبروني خاصه من طلع هل البلاك بيري ..بس انا اكتفي بالي يردون عليه ..واكتفي بالي يطرشون لي مسجات الجمعه …واكتفي بالي يدعون لي بظهر الغيب ..واكتفي بالي يسألون علي حتى لو عاملات نظافه ..
سوي الي عليج والباقي خلي اجره ع رب العالمين وصدقيني حتى لو مر عليج موقف مب حلو ..بطنشينه …انا جي وايد قمت اطنش وعادي استويت لا اسمع ولا ارى ولا اتكلم … وسبحان الله ربيعتي الكلوز انا وهي من نفس المواليد الشهر وتخصصنا واحد وظروفنا متشابه ..فالحمدلله حتى تفكيرها وتفكيري واحد …اما الباقي توصل بهن المواصيل يعزمن بنات ثانيات ولا يعزمني …فعادي بالعكس انا هل العزايم ما تناسبني …

نفس ما قالوا الأخوات قبلي سوي الي يريح ضميرج ولا تتعلقين بأي حد كل شي بحدود

واهم شي الدعاء:

ربيّ علمنيَ ڳيف آعفو ولآ تعلمنَي ڳيفَ آنتقم
*ربي ها أنت ترى مكاني و تسمع كلامي و أنت أعلم من عبادك بحالي ربي شكواي لك لا لأحد من خلقك فاقبلني في رحابك في هذه الساعة المباركه، ربي إني طرقت بابك فافتح لي أبواب سمواتك و أجرني من عظيم بلائك، اللهم يا مسخر القوي للضعيف و مسخر الجن لنبينا سليمان و مسخر الطير و الحديد لنبينا داود و مسخر النار لنبينا ابراهيم(سخر لي عبادك الطيبين من حولي وسهل لي أموري وارزقني من حيث لا أحتسب) ، ربي بحولك و قوتك و عزتك و قدرتك أنت القادر علي ذلك وحدك لا شريك لك.. اللهم إني أسألك بخوفي من عظمتك و طمعي برحمتك * أن ترزقني ما كان خيرا لي في ديني و دنياي * و معاشي و عاقبة أمري عاجله و اجله، اللهم إني أشكو لك قلة حيلتي و هوان أمري و ضعف قوتي، اللهم إني أسألك أن تصرف عني شتات العقل و الأمر و التفكير، ربي اثرني و لا تؤثر على ، ربي انصرني و لا تنصر علي. إلهي ارحم ضعفي و فرج همي و اجبر كسري و امن خوفي و امطرني برزق من عندك لا حد له، *و فرج من عندك لا مد له، و خير من عندك لا عدد له اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي ڤيہٌ ،،ٌ( آميـــــــن) وصلى الله على محمد وعلى آله وصحبه أجمعين

نفس ما قالوا الأخوات قبلي سوي الي يريح ضميرج ولا تتعلقين بأي حد كل شي بحدود

واهم شي الدعاء:

ربيّ علمنيَ ڳيف آعفو ولآ تعلمنَي ڳيفَ آنتقم
*ربي ها أنت ترى مكاني و تسمع كلامي و أنت أعلم من عبادك بحالي ربي شكواي لك لا لأحد من خلقك فاقبلني في رحابك في هذه الساعة المباركه، ربي إني طرقت بابك فافتح لي أبواب سمواتك و أجرني من عظيم بلائك، اللهم يا مسخر القوي للضعيف و مسخر الجن لنبينا سليمان و مسخر الطير و الحديد لنبينا داود و مسخر النار لنبينا ابراهيم(سخر لي عبادك الطيبين من حولي وسهل لي أموري وارزقني من حيث لا أحتسب) ، ربي بحولك و قوتك و عزتك و قدرتك أنت القادر علي ذلك وحدك لا شريك لك.. اللهم إني أسألك بخوفي من عظمتك و طمعي برحمتك * أن ترزقني ما كان خيرا لي في ديني و دنياي * و معاشي و عاقبة أمري عاجله و اجله، اللهم إني أشكو لك قلة حيلتي و هوان أمري و ضعف قوتي، اللهم إني أسألك أن تصرف عني شتات العقل و الأمر و التفكير، ربي اثرني و لا تؤثر على ، ربي انصرني و لا تنصر علي. إلهي ارحم ضعفي و فرج همي و اجبر كسري و امن خوفي و امطرني برزق من عندك لا حد له، *و فرج من عندك لا مد له، و خير من عندك لا عدد له اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن كان قليلا فكثره وإن كان كثيرا فبارك لي ڤيہٌ ،،ٌ( آميـــــــن) وصلى الله على محمد وعلى آله وصحبه أجمعين