الوسم: النخي

شخباركم يا لذيذاااااااااااااات

طبق اليوم طبعاً في غنى عن التعريف .. الكيمه ( اللحم المفروم ) .. طبعاً هالطبق مشهور في المطبخ

الهندي … لكن انا أسويه بطريقتي الخاصه ويطلع طعمه لذيذ أتمنى انكم تجربونه ويا خبز

البراتا او الجباتي أو البوري … كله تمااااااام

حياكم الله في مطبخي

الرجاء عدم الرد على الموضوع حتى الانتهاء من عرضه بالكامل عشان يكون

بسم الله نبدأ

المقادير

نص كيلو لحم بقر مفروم
2 بصل مقطع قطع صغيره
2 طماط مقطع قطع صغيره
3 فصوص ثوم مهروس
ملعقة زنجبيل مهروس
ملعقتين صلصة طماطم
قرن فلفل أخضر حار مقطع شرائح
بازيلاء خضراء (نخي أخضر)
زيت حيواني أو نباتي حسب الرغبه

* بهارات مطحونه ( ملح حسب الرغبة – ملعقة ونص أكل بهار الكاري – ملعقة أكل كركم – ملعقة صغيره فلفل أحمر حار – ملعقة صغيره ليمون يابس مطحون )

*بهارات غير مطحونه ( 4 حبات هيل – عودين قرفه – ورقتين غار- فلفل أسود )

الطريقه

نحط البصل في الزيت ونقلبه على نار متوسطه

بعد ما يذبل البصل نضيف له الثوم والزنجبيل والفلفل الأخضر الحار ونحركهم حتى يتحول اللون للذهبي

نضيف البهارات الغير مطحونه ونحركهم خمس دقايق

نحط اللحم المفروم ونضيف عليه كاس ماي ونخليه يغلي على نار عاليه

بعد ما ينشف الماي نخفف على النار ونضيف البهارات المطحونه ونقلب المقادير عشان البهارات تتجانس مع بعض ونخليها على النار خمس دقايق عشان البهارات تعطي نكهتها

نضيف الطماط المقطع والصلصه ونخلط المقادير مع بعض ونغطي الجدر مدة 7 دقايق عشان الطماط يذبل

بعدين اتضيفين تقريبا كوبين ماي .. وترفعين على النار .. وتخلينه يغلي لين ما يخف الماي

بعد ما تشوفين ان الماي وصل قريب من مستوى اللحم تحطين النخي وتخلطين المقادير وتغطين الجدر وتخفين ع النار وتخلينه تقريباً 15 دقيقه

وبعد ال 15 دقيقه بتشوفين ان الماي خف والمقادير كلها اتجانست والريحه الحلووووووه طلعت … وهذاااااااا طبق التقديم

وبالعااااااااااااااااااااااااافيه على قلوووووووووووووبكم يا لذيذاااااااااااااااااااااااااات

هلا خواتي منو تعرف وين يبيعون النخي الحامض مال أول اللي كنا نشتريه من الدكان يبيعونه بأكياس صغيره نفس كيس الحب الأسود اللي تعرف أي دكان أو جمعية براك متوفر فيها تخبرني ومشكوووووره مقدما ……. مابا النخي اللي نطبخه اللي أباه نوع من أنواع المكسرات حامض وجاهز للأكل