بسم الله الرحمن الرحيم
حبيت اعرض قصت امي الكم واتمنى من الله اني القى عندكم الحل والعون ……
ببدى قصة امي من يوم اتزوجت ..اتزوجت وكان عمرها 12سنة وخذت ابوي وكان عمره فالثلاثينات
كان فتصورها بتلقى الحنان اللي مالقته عند اهلها بتلقى الحب والامان من عند زوجها اللي خذته.. ظنت انه بيغنيها عن حاجتها للناس وبيصرف عليها ويابت منه عشر اعيال وماكانت تلقى منه اي شي عاشت حياتها ديون فديون لايصرف عليها ولا على اعيالها حتى اكلهم ولبسهم تتسلف من الناس عشان توفرالهم اياه وكبروا عيالها وصارو في سن اللي يبون يعرسون فيه عرستهم عمتهم وطبعا السلفيات على الام عشان تزهب الهم وتراكمت الديون عليها وعرسو وكل واحد منهم ديونه زايده من مصاريفه ومصاريف مرته وعياله والسياره وسوالف مالها اول ولاتالي …وعرسو البنات الاثنتين بعدهم يدرسون وطبعا تعرفون مصاريف الدراسه ورغبات البنات اللي ماتخلص وطبعا هاكللله توفره سلف بسلف ويوم ورا يوم وتكثر السلفات عليها وطبعا الوالد مايقصر يعطيها الف مصاريف الها ولبناتها بس هالالف شو بتسوي فيها بتأدي ديونها والا بتصرفها لحاجاتها والا بتصرفها على اعيالها وطلباات المدارس …..ووصلت ديونها حوالي امية الف…..
زادت المشاكل وطلعت من البيت راحة تسكن فبيت ريل بنتها يعني بيت نسيب ومحد يعرف شو فقلبه كم بيستحملها يوم يومين شهر شهرين سنه لين متى محد يقدر يجبره يستحمل عمته فالبيت من حقه يمكن يبا ياخذ راحته فبيته … وراحت المحكمه تطلب الطلاق … لكنه رفض يطلقها وخذت ورقة هجران وهو اساسا هاجرنها من 15 سنه من بيرضى يعيش مهجور هالمده بس هي اصبرت ها كله عشان تربي اعيالها وتكبرهم ولكنها تعبت من كل اللي يصير وزادت عليها الامراض والمشاكل … اصبرت عكل اللي يصير وخذت اوراق المحكمه وودتها للهلال الحمر والشؤونه والديوان عل وعسى تلقى حد يساعدها لكن مافي امل لانه عندها زوج قدمت اوراق للبيت وللديون لكن كل الابواب مسدوده فويها لانه عندها زوج ….
شو ذنبها الكل رافض يساعدها لانه عندها زوج بدال مايكون الها عون صار الها فرعون بدال مايسهل عليها حياتها صار الها عقبة فحياتها ………
خواتي ابا منكم تساعدوني للي عنده واسطه وحن قلبه عحال امي اتمنى انه يساعدنا ويعطينا حل
هي اللي تبغيه وتتمناه بيت تستقر فيه وتأدي ديونها ويستقر حالها وتعيش مرتاحه مثل العالم واتمنى من الله نلقى الحل عندكم.
