الوسم: الياي

السلام عليكم ورحمة الله وبركاته

كل عام وانتو بخيييييييير

سوالي لكم خواتي شو اجسن بلد للسفر للسياحة عيالي صغار اعمارهم اقل من 7 سنين وزوجي يبغى يسافر بعد اسبوعين وطلب مني ترتيب الدولة وجدول السياحة اتمنى تفيدوني او على الاقل ترفعون الموضوع وجزاكم الله خير

شهر 11 عندج اكثر شي الدول الاسيوية

وانا صراحة عجبتني ماليزيا ومناسبة للعائلات وايد

سيرلانكا بعد حلوة بس بتتعذبون في الاكل

تركيا اوكي بس بتكون باردة وايد عاليهال

اذا عندج عيال صغار ابتعدي عن دول اوروبا شهر 11 بداية الشتاء و البرد و الامراض الموسميه. اخاف لا سمح الله تمرضون و تخترب سفرتكم

دول شرق اسيا جوها ممطر و معتدل طول السنه منها تايلند و ماليزيا و سنغافورة و اندونيسيا

سريلانكا جوها مب مناسب شهر 11 و 12 موسم الاعاصير (التايفون) و خاصة انه اغلب المدن ساحليه يعني ابتعدي عنها

جنوب افريقيا تجنن و بيكون جوها معتدل ربيعي لانه شتاهم في الصيف عندنا مثل استراليا

بس اذا حبيتي تروحين دولة بارده و خلاص قررتي خذي احتياطاتج لليهال من ادويه و يفضل نصيحه مني تروحون كلكم تاخذون ابرة الانفلونزا (الفلو) عشان ما ياثر عليكم الجو ان شاء الله

و اتمنى لج رحله سعيده

رحله سعيدة أختي … وين ما رحتوا ووين ما حليتوا

ماليزياء بها لوقت روعه

اوروبا لا الجو بيكون بارد

دول شرق اسيا مناسبة

ماليزيا مناسبه

‏?‏?‏?اٍُلسّلاٍْمّےُعًلٍّيكْمٍےُوًٍرّحٍمْـٍُ?اللّـ ?وًبٍرّكًاٍتُـٍّ?‏???
شحالكم

خواتي محتااجة خدامة الاسبوع الياي واباها اهم شيء حق الصغارية والتظيف والكوي

واباها مسلمة ويفضل فلبينية

اثنين وعدوني واتكلت عليهم بس اخر شيء كنسلوا وحده في بلادها وقالت خلاص ما ابا اسافر والثانية حصلت ناس قبلي اونه

عالعموم اللي عندها تتواصل معاي او تعرف مكاتب خدم اقدر احصل عندهم

ربي يوفقج أختي

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

أستغفر الله العظيم

للللرفع

موووووفقه ^^

حاسه زوجي تغير مب الاولي
شو الاشياء اللي اتجدد الزواج

الله يسر امورج

الغالية دخلي قسم العلاقات العائلية ما شاء الله الخوات عندهن أفكار حلوة تقدرين تستفيدين منها
والله يوفقج الغالية

انا ويا اختي^^ بنتuae

اسمعي محاضرة لشيخ سعيد بن مسفر بعنوان ( مشاكل الاسرية) والله يوفقج يا الغالية

الغالية غيري شوي من شكلج يعني سوي نيو لوك ترى الريايل يطالعون تلفزيون وكلشي يعيبهم حاولي

هلا حبيبتي

ان شاءالله عمره مقبوووله

فديتج فالطوااف ادعي بالدعاء اللي تبينه طبعا لاتنسين المسلمين وممكن اتشلين ويااج كتيب وتقرينه وتدعين

يوم بتروحين المدينه ان شاءالله اكيد يباالج تأجرين لان وقت من مكه لين المدينه تقريبا 7 ساعاات

صلو فالمسجد النبوي وعقب مسجد قباء والصلاه فيه لج اجر عمره سبحان الله

وبالرده ممكن اتروحون ميقاات ذي الحليفه صلو وردو مكه على طوول (بئر علي )

مشكوووووووووووووووووووووووووره ربي يجزيج الحنه

وللرفع لمعلومات اكثر

سوي سيررج كتنبي العمره وايدد مواضيع البنات يزاهم خير كاتبين عن العمره

[CENTER]

الله يتقـــبل منج اختي دهن العود

ولاتنسينا من صالح ((( دعائج )))

تعليم مناسك العمرة (مرئي)

أدعي لنا .. وربي يسهل عليج
أبراج مكه أحسن من زمزم لانه لو نزلتي لي الصلاه
لازم تنزلين ع المول عقب تطلعين ع الحرم .. لاكن الأبراج غير

أنا سرت أول شهر ثنين الحمد الله سكنا في المدينة " دار الإيمان "
وإذا كنتوا عاليه عوده خذوا الدور الأول يكون سويت عباره عن عرفتين
وصاله ومطعم ومطبخ ..

وتراج يوم بسيرن الصلاه سيده على باب الحريم والساعه 9 يفتحون
لي الحريم أنهم يسلمون ع الرسول " صلي الله عليه وسلم " عاده سئلي أي باب
تدشينه يعني لو سكنتوا في دار الإيمان دار الإيمان بيكون ع يمينج فأخر باب ع الحرم
بيكون هذا المكان لي تدشين منه لي قبل الرسول ..

في مكه عاد سكنا في التوحيد ونفس نضام دار الإيمان سويت ,, لاكن يوم ندخل
الحرم يكون التوسعه نمشي لي داخل ربع ساعه لين الكعبه فاحسن لكم وأقرب
الأبراج .. وعن الطواف شلي كتيبات الدعاء لي الطواف والسعي
ولا أحسن لكم حطوا لكم مطوف بتحصلونهم وانتوا نازلين صوب الكعبه
وتعطيهم لي الله كاتبنه بس ,,

أممم أختي بخصوص الأحرام وعن ذالك خذي لج معلومه قبل لسيرين
من المواقع ..

وأي سؤال أنا حاضره ,,
وربي أيسر عليج .

حبيبتي بنتتج شكلها ماترقد عدل أول شي وعشان الزكام قبل لا ترقد فليل بدلي ملابسها وحطيلها زيت سمسم على جميع جسمها سويلها مساج وانتى تلعبينها أو تقرين عليها طبعا بصوت مسموع وبعد ما تلبسينها ملابسها (قمطيها) لفيها بقماط زين مب تخلين ادينها برا لا حتى ريولها سكريها ورضعيها وأقري عليها قرآن المعوذات وانتى ترضعينها وبترقد ترى الطفل وايد يرتاح على القماط ويطول في رقاده وبالنسبه للترجيع امكن فيها بوعضمين وعلاجه تعالى عند راسها وامسحي لوزها على فوق صوب راسها وعقب تضغطين من بين حواجبها ألين فوق كمن مره عقب من ورا راسها عند آخر الرقبه ألين فوق اول شي بتم اتصيح بس انشاء الله بيروح عنها بوعضمين ومن أعراضه ان الطفل يرجع وما يقدر يمص وبتحسن لوزها منتفخه إذا كانت هذي الاعراض في بنتتج سويلها طريقة العلاج ودوم حطيها عند التلفزيون والله يشافيها لج

يزاج الف خير بجرب نصايحج

بس كيف اخليها تتقبل المصاصة .. شو سبب عدم تقبلها للمصاصه

الله يعينج حبيبتي الصراحه ماعندي خبره بعدني

بس المصاصه مب اي ياهل يتقبلها فيه يهال ابدا ما ياخذونها وفيه يهال عادي

اختي
المصاصة تمي عطيها حتى لو تفرها رديها وبتتعود عليها انا كنت شراتج

وعشان البلغم ودنيلها لبان وشربيها

والله يعينج

السلام عليكم هلا حبيبتي
انا ولدي كان نفس الشي وبصراحه ياب لي الاكتيئاب ومايبي حد صياااح ولا ينام وايد
حاولي ترقيها بين فتره وفتره وسبحيها وحطي زيت زيتون على صدرها وظهرها عسب ماتاخذ برد والبلغم زيت السمسم وايد اوكي

وحاولي تصبرين شو بتسوي خليها عند ماماتج او اي حد ثقه انه بيتحملها
انا ولدي ما يرضع صناعي ولا ياخذ مصاصه بس قمت الهيه باصوات القران والتلفزيون والميرحانه مات اليهال يسكت شوي تقريبا هدا لما كمل السنه وبعده تييله هالحالات من قمت اخليه عند ابوه لانه عقب بيتلزج فيني وربي يوفقج وييسر لج

بنات منو عندها عباه للاعراس ابا ايجار _ مستعيله للاسبوع الياي اباها

انا عندي جان تبين عالخاص لوسمحتي

انا عندي ^^

انتي من وين وكيف الديزاين اللي تبينه بالضبط ؟؟

ردي علي عالخاص ..

موفقه

وانااا عندي ثنتين يجنن ^^

انتي من وين؟؟

هلا خواتي بغيت اعرف فندق ميريدين وماريوت اللي فماليزيا تحتهن مراكز تجاريه وشو عدالهم

ابا اعرف شو الاماكن الجريبه عليهن وابكن تشرحلي لني اول مره اسير ماليزيا

اتريا ردكم

كلنا نسال بس محد يرد

حبيبتي هذيل الفندقين في موقع ممتاز وايد زين عداله السوق العربي والمراكز التجارية الكبيرة مثل تايم سكوير ويعني وايد مراكز ترومين تمشين حتى بدون تكاسي والكافيهات حدث ولا حرج والسينما بعد يعني موقع استراتيجي انصحج تطلعون الصبح ما تردون الا وانتوا تعشيتوا برع هيه بعد في المراكز تبديل عملات لا تتسرعين دوري الاحسن وبدلي في حد يعطيج زيادة وراعي التكسي اذا كان مسلم اتفقوا معاه خذوا رقم تيلفونة ويم تبون اي رحلات بعيدة اتصلوا له اسهل لكم وسلمتي سفره موفجة اةةةةةةةة ذكرتيني بماليزيا والايام الحلوه

انا انصحج بالماريوت كل شي عدالج كوفيات سوبر ماركت 24 فاتح مراكز وشي فندقين بعد رتز كارلتون والريجنت كلهم عدال ماريوت اذا ما حصلتي فندق فالماريوت يعني عندج هايلا الفندقين وتحياتي لج

مرحبا حبيبتي انا كنت ساكنة في الماريوت في ماليزيا موقعه حلو والفندق بعد واايد حلو فية مركز كبير وحذال الفندق بعد مركزين ومطاعم وكوفيات وحتى يوم بتاخذون تكسي بيعطيم لسته للمراكز الثانيه واسامي الحدايق وكل شي عندهم مطبوعه بالعربي

مرحبا اختي انا سكنت في ماريووت والصراحة رووووووووووووعة وهالمرة بعد ان شاءالله حجزنا في الماريووووت وكل شي متوفر عند الفندق

السلام عليكم ورحمة الله وبركاته

جمه مباركه

اريد فستان حلوو ويكون فخم عسب عرس يقربلي واللي عندها صور فساتين للبيع اطرشه على الخااص والله انتظركم

حبوبه لو تحطين القياسات والسعر اللي تبينه يكون احسن ^^

هلا

شوووفي توقيعي

شو مقاسج؟؟؟

تبين فستان يديد ولا ملبوس؟؟؟

شو الالوان اللي اتفضلينها؟

كم ميزانيتج؟

شو القياس يالغلا

السلام عليكم ..

ادريبكن ما تقصرن يالطيبات ..
وما شاء الله المواضيع واااايده بهالخصوص .. بس والله داير راسي ومخي مقفل مووووول

اولا ,, الشي الوحيد اللي سويته ,, شريت مفرش يديد حق الشبريه ..
ريلي بنفس التاريخ بيكون مش موجود ,, يوم زواجنا بالاربع يعني ,, وريلي ربي يحفظه بالخميس ايي العصر ,, كيف استقبله وشو اسوي ؟؟؟ :1 (6):

والهديه .. مب عارفه شو آخذله ..
مليون مره هادتنه سوع من كل الاشكال .. والعطور والابواك .. وملابس رياضيه ,, ونعله ,, ميداليه ,, قلم ,, ومره فصلتله كنادير .. والنظارات الشمسيه ..
يعني هديته كل اللي يخص الرياييل والحين داير راسي ,, يا ربي شو اهديه

ساعدووووني .. عطوني هديه ما ذكرتها فووووق ,, ابغي شي يديد ..
انا ناويه آخذ كيكه هاك اليوم واكتب عليها ,, وناويه اسويله ام علي لأنه يموت عليها ,, وشو بعد قولولي ,, ترى داير راسي والموعد جرب ..

يالله اترياكن ,, واللي تساعدني الله يرزقها باللي تتمناه ويسعدها ويهنيها ..

برايي البسي له اللون اللي يحبه ريلي عيناوي و لبست له عيناوي
و خلي الاجواء البيت هادية و رومانسية و خليها ليله ما تنسي لان الهدية ياتخلص مثل العطور او تروح الا الحب ابد ما ينتهي

لااله الا الله ماشاءالله شوخليتي حبيبتي بعد ماشتريتيه ما اظن انه بقى شي في السوق يخص الرياييل

وما شريتيه؟

اقولج الله يساعدجيالله اعصري مخج عدل مدل وشدي الهمه وشوفي شوبتاخذين ومنج احنا

بنستفييييييييييييييد وخبرينا عاد شو شريتي

اولا اتكشخي واتعطري وادخني وامره استوي عروس وطبعا البسي قميص نوم مميز ومغري
والهديه شو رايج تاخذين له تيلفون
ولا تعطينه في ايده حطيه له على الكرفايه وانثري عليها ورد احمر مع كرت فيها كلمات حلوه
والكيكه حطي عليها صورته ووردة حمرا حذالها تكفي وحده وتعبر
وطبعا هيئ له الاجواء الرومانسية واذا عندكم عيال سفريهم بيت اهلج واحليلهم خخخخخخخ
حطي طاولة صغيرة عليها الكيك والوردة الحمرا وشمعتين حمرا بتشوفين منهم في لايف ستايل وانثري وعلى الطاولة ورد احمر بعد

والله نسيت الافكار كنت اعطي ربيعاتي افكار كلها اتبخرت
هذا اللي عندي والسموحه منج الغاليه
واتمنى لج ليلة سعيدة

تسلمين ع الرد الغاليه ,, ان شاء الله بحط اللي قلتيه ف راسي وبطبقه ..

شفتي عاد انا من جيه داير راسي :1 (6): ..
ان شاء الله احصل شي ما خذته له اقراه ف ردودكم وآخذه ,, لأني صج مش عارفه شو آخذله ..
تسلمين ع الرد الغاليه ..

طبعا يا الغاليه بسوي كل هذا ,, وقميص النوم زاهب :1 (40): ..
بالنسبة اني آخذله تلفون كان ودي والله ,, بس ريلي الله يحفظه حاليا ف دورة عسكريه لمدة سنه ,, وممنوع استخدام الموبايل ,, شو الفايده اني آخذه .. ولا الموبايل ف راسي يالغاليه بس مش وقته ..
وفكرتج حلوه بالنسبه للكيكه ,, انا كان ودي احط صورة من البوم العرس النا بس صعبه لانه رياييل يسوون الكيك ..
والله ودي اطير بنتي هاك اليوم لأي مكان بس حضرتها متعلقه فيني :1 (36): ما تهدني مووول ,, صعبه اخليها ف بيت اهلي ,, برقدها ذيج الحزه .. ولا بنخليها تحتفل ويانا العصر وف الليل تراوينا عرض كتافها ..
تسلمين ع الرد الغاليه ,, واذا تذكرتي شي ع طووووول ادخلي واكتبي يزاج الله خير

الغالية سوي بحث في جوجل

وان شاءالله تستفيدين من افكار اهل المواقع الثانية

و منج نستفيييييييييييييد عيد زواجنا قرب