الوسم: اليري

هلا خواتي الغاليات ..

اليوم يتني هدية من باريس غاليري وهي عبارة عن ساعة جفنشي بيضا مع الماس قيمتها 6685 درهم

وااااااااااااايد حلوة ورااااااااااقية وحجمها روعة وعالموووضة ( مب صغيرة ) مشراية بتاريخ اليوم ،

بس المشكلة في لونها لأني عندي منها وايد وكنت بحاجة للون الذهبي ويوم سرت أبدلها مالقيت اللون

اللي أباه ….!!!!!!!!!!

وخبرتني البياعة اني أقدر أبدلها خلال اسبوع من اليوم ،، لكني ماحصلت الساعة باللون اللي أباه

وحااااابة من اللي محتاجة شي من باريس غاليري انها تاخذ الساعة واتبدل بقيمتها أي شي تباه

وبكون شاكرتنها من كل قلبي وبتم ادعيلها ليل و نهار ان الله ايوفقها في حياتها

وينولها اللي في بالها ان شاء الله …

( على فكرة هي مابتخسر شي لأنها بتشتري اللي تباه وبدل ماتدفع بترد الساعة عليهم وبتعطيني انا

المبلغ بس بتساعدني وايد لأني مابعرف شو أسوي بالساعة وأنها مب محتاجتنها )

*********************** عرض تجاري

ما ادري والله وان شاء الخوات ما يقصرن وياج
والله يوفقج ويسهل امورج

upppppppppppp

انزين ليش ماتشترين ساعه غيرها

للرفع

لو تسوي عرض اعتقد بتلاقي بنت تقبل

يعني اخصميلها 500 او الف مثلا من قيمة الساعة

وان شالله بتلاقي حد يفيدك لانك بهالحالة بتكوني فدتي البنت التانية

السلام عليكم ورحمة الله وبركاته

هلا خواتي شحالكن وشخباركن

والله صدق من الضيقه اللي فيني كتبت الموضوع …

اليوم التقيت انا واختي اللي اصغر عني وبنت اختي الكبيره في السيتي سنتر كنا مخططين نشتري اساسيات المكياج من باريس غاليري تجهيزات عرسهن وانا كنت حاطه في بالي شو بشتري خلاص مجهزه كل شي… المهم واحنا داخلين قالي المضيف اللي يشتغل هناك تفضلوا عندنا خبيرة مكياج تحبون تسألونها تراويكم شي من شغلها .. انا قلت يالله ما ورانا شي خلنا نطالع كل شي ابلاش .. المهم يتنا الحرمه قالت لنا هلا … ونعم شو حابين تعرفو قلت لها والله انا يايه اشتري اساسيات مكياج ومنظفات بشره .. وقلت لها انا كل مره اخذ الاساسيات من جيرلان وخلينا نجرب شي ثاني .. قالت لي حبيبتي انا اسفه ما اقدر اراويج اي شي الا من ماركة ايف سان لوران .. طالعت في اختي قلت لها نجرب نطالع شو اللي عندهم .. قالت لي اوكي

دخلنا غرفه عشان تسوي لاختي تنظيف بشره وتعطيها تعليمات ودروس سريعه بصراحه كل اللي عرضته علينا كان شي حلو من منظفات من بيس من كونسيلر من بودره وبلاشر وقلوس وماسكرتهم المعروفه كل شي عجبنا يعني كل شي حلو
يوم ييت بسأل عن اسعار كل منتج .. ولدي الله يسامحه كان يصيح ويصارخ ويبي يطلع فانشغلت عنهن يوم يقولن لاختي اسعار الكريمات وكل منتج وانا راده لهن قلت لاختي كم الحساب قالت لي انا 2600 وبنت اختي 1600 انا استغربت اختي قالت كل شي عايبني قلت لها اوكي براحتج
تم قلبي حارقني ليش هالقيمه كلها .. يوم ييت اكلم اختي هيا قالت لي اساسا كل شي اوكي سعره الا كريم الويه .. قلت لها بكم قالت لي السعر ووالله انصدمت وانقهررررررت الكريم ب 900 ؟؟؟؟؟ !!!!!!!!!!

قلت لاختي والله لو كنت ادري بالسعر ما كنت بخليج تشترينه

حسيت السعر وايد غالي وكنا بنلقى كريم حلو ومن ماركه ومب بهالسعر

المهم ان بعدنا في امور ما خلصناها مثل تاتو الحواجب من فورايفر ولمعتهم الدايموند وبلاشرات وشادوهات من ماركات غيرها بس ولدي ما طاع يخلينا نخلص كل شي

وهذا اللي صار .. عاهدت نفسي مره ثانيه اذا بسير اشتري من باريس غاليري بسير بدون ولدي نهيان الله يهديه ويحفظه ..

والسموحه بنات بس حبيت افضفض لاخواتي

بالاخير
يا ريت كل وحده تدخل تقولي شو المنظفات اللي تستخدمه والكريمات والمرطبات وشو اسعارهن التقديريه

ام نهيان

الله يحفظ لج ولدج نهيان يااارب ..

صدقج اختي وااايد ننصدم بأسعار كريمات ومنتجااات ..

وان شاء الله الاخوات مايقصرون وياج بالاجابة على سؤالج ..

لأني بعدني ماعندي خبرة ^_^

ربي يحفظج ويوفقج ..

هلا والله اختي الحلوه

الله يخليج حبيبتي ويحفظج ..

تتسلمين فديتج عالرد الطيب

ونتريا البنات يفيدونا

:

اسعار مبالغ فيها

انا مره اشتريت من ماركة جيرلان

لكن من دبنهامز

الا بودره وروجين ومسكرا وجحال اثمد ظهرت دافعه ازيد عن الالفين

ما كملت البودره شهرين والا متنفه تحللت ما اني استخدمها

هاي تجربتي

منو قالكن روحن باريس غاليري الحين البناااات مطيحات في دبنهامز ولا هارفي نكلز لانهن يعرفونهم نصابين درجه أولى وكذا وحده من الاخوات كاتبه عنهم

هيه انا دوم اشتري البودره وكريم الاساس من جيرلان وشريت مره من عندهم الاثمد وكان طالع لي 800 تقريبا

اسعارهم جدا مبالغ فيها خاصة الارواج لاني شريت امبارحه بعد من عندهم روج وسائل الاضاءه الذهبي تقريبا 400

وكريمات التنظيف .. احس انها كثير غاليه

مشكوره حبيبتي وعساج عالقوه

مرحبا بنات، من زماااااااااان خاطري أشترك في نادي رياضي عسب أنزل وزني و في نفس الوقت ما أحاتي ان جسمي يترهل، طبعا كان ودي أشترك في نادي الضباط لأن سمعته أحسن شي بين النوادي و فيه وايد خدمات و دوامي يعطي تخفيض حلو عليه، المهم المواصلات عندنا ما تسمح إني أضرب خط لين هناك واختي اقترحت علي أشترك بنادي باريس غاليري خاصه انه مبناهم عدال دوامي يعني ماياخذ دقيقتين، عيبتني الفكره بس عمري ما سمعت حد يرمس عن النادي يعني مول ما عندي معلومات، فلو حد عندها معلومات سواء عن النادي ولا عن المدربات يا ليت تخبرني، و دامني بسير أتريض هناك مره وحده قلت أعتني ببشرتي خاصه ان عرسي بيكون في الصيف، يعني حتى مجرب شي من خدماتهم الي تنفع حق العرايس و الي عنده اقتراحات يقترح و سلامتكم

انا اقولج توكلي على الله

انا بعد ما اعرف هل النادي

بس انتي شوفية دام فية اجهزة حلوة ورتحتيلة ومدربة تكون وياج وايد اوكية

ومن غير كل اسبوع بسوين عندهم شي من العناية بالبشرة

والله يوفقج

تسلمين نور الفجر، أنا سايره أشيك عليه باجر إن شاء الله بس قلت يمكن حد من البنات عندها تجربه وياهم، على الأقل تكون عندي فكره عنه، يالله يا رب إن شاء الله النادي يكون فاضي حزة الظهريه لأني وايد أتفشل ألبس بنطلون جدام ناس غرب

خواتي بغيت اعرف باريس غاليري موجود فى صحاري والا لا

وشو الماركة اللى في حدود 600 او 700 حق الساعات

مادري والله بس ماركة بوليس اعتقد اسعاره من 600 وطالع وحلوه

موفقه غاليتي^^

للرفع

موجود فصحارى

جيس الجديده بحدود 710 وحلوين

هيه الغاليه موجود باريس غاليري في صحاري بس ما ادري اذا عندهم سوع ولا لأ …

والسوع اللي عندهم واسعارهم 600 و 700 جيس وباريس هيلتون … وحلوه سوعهم ..

بنااااااااااااااات
بغيت اعرف وين افرع باريس غاليري في شارجه غير صحارى وسوق ذهب ..
اترياااااااكم

اب اب اب

عندج في الميغا مول واحد كبير

tفي فالميغا … حذال زارا

مشكورة خواتي
ماشي غيره …

ب اب اب

بنات اريد اعرف اذا حد محرب كريمات التبيض اللى في باريس غاليري لاني سمعت من ناس يقولوان انها كريمات عالمية وما تضرب البشرة واايد تنفع في حد جرب واستخدمها لاني اريد اشتريكريمات تبيض انا بشرتي ابدا مافيها نضارة ولا اشراق وهيه الصراحة مب سمرة بس احسها تعبانه واااااااايد

للرفع محد يعرف

عندي نفس المشكله بس مااجربت كريمات التبيض مااالتهم جربي

بس اعتقد مفعولهن يكون بطيئ عسب تردين تشترين لكن بتحسين بتغير بسيط

نصيحه مني عالجي عند دكتور جلديه ولا تسرين عند هالأماكن أو حتى روحي الصيدليه

بس الأفضل دكتور متخصص بيعطيج كورسات علاج

مشكورات خواتي ووين الباقيات يالله خلوان نفيد ونستفيد

هاى مواد تجميليه الافضل لج طبيب جلدى يعالجج لج المشكله من الاساس عندج مراكز وايد ه فيها اطباء جلديين سيرى وتوكلي ع الله ولاتعقين فلوسج في باريس غليري

هلا بنات بغيت استفسر عن ماركات سوع باريس غاليري
شو عندهم من ماركات غير شانيل وبوليس و وسعره ثابت للسوع ولا قايل للخصم

ويزاكم الله خير

ايليت

مشكورة اختي لرفع

روبرتو كفالي حلوووووووووووووو

واعتقد ما يسوون خصم ع السوع ..~

ع النظارات والعطوور بس … !! بس انتي ترومين تسألين اذا شي خصم ولا … ^_^

غريبه يعني ما تبينهم يسوون لج خصم…؟؟؟؟؟؟

للرفــــــــــع…..

لا يسون خصم من فترة كنت ماخذة للوالدة ساعة كان سعرها 480وسوالي خصم 415درهم

السلام عليكم ورحمة الله وبركاته

لو سمحتو بنااات الي تعرف مكان ضيافة غاليري مال منى الكندي بلييييييييز تخبرني

ويزاكم الله خير ^.^

تقصدين مال الوعيان؟

منو مجربة تحط ميك ابك عند باريس غاليري بليز أبا أعرف ادا يحطون حلو ولا لا…

شوفي وحدة من هلي حاطه عندهم

ومكياجهم وايد هادي يعني مثل مكياج المذيعات

انتي وذوقج اذا كنت تحبين الهادي ترى يحطونه تمام

مشكورة الغالية على الرد … زين وانا من النوع الي احب الميك اب الهادي