الوسم: اليسن

خواتي اريد اسألكن عن الخطوات للحصول ع رخصة قياده ..؟
اول شي اروح المرور والا مدرسة التعليم … وشوه الاوراق المطلوبه ..؟
عشان الاوراق هل المفروض انا اكون موجوده والا عادي احد يوصل الاوراق ..؟
ومتى يسون فحص للنظر .. يعني بأول يوم اقدم الاوراق والا يعطوني موعد..؟

والي خذت اليسن .. كم خذت من الوقت لين خذته ..؟
مع العلم انا ما اعرف اسوق يعني مبدئه ..>> تتوقعون خلال كم شهر بنجح ..؟

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه

اول شي اتسيرين المرور ويا (ولي أمرج) .. بعد حلوه هاي تبين حد يوصل الاوراق هههههه ..
في قسم بس فيه شرطيات حريم يداومن لين الساعه ١ الظهر ..
بس في قسم ثاني عادي يتمون فاتحين ،، ماعرف لين متى بس فيه رياييل وجيه ..

تسيرين ياخذون بياناتج ويصورونج ويوقع ولي أمرج
وتسيرين ف نفس الوقت في واحد يسوي فحص نظر ف غرفه عدالهم تسيرين الفحص وتردين تخبرينهم مادري تيبين لهم ورقه الفحص
وخلاص فتحتي الملف مابياخذ منج ربع ساعه لو سرتي الصبح بيكون فاظي
بيعطونج ورقه + بطاقة تدريب.

وعقب
تسيرين المدرسه وتحجزين متى تبين كلاساتج ..
اول ماتسيرين صوري الورقه + البطاقه وعطيهم اياها .. << اصلا الورقه مابتحتايينها عقب حقج انا صورلي ياها وعقب فريتها
لاني انا يوم سرت بس قال لي هاتي الاوراق .. صورهن وقال هاتي رسوم التصوير ٢٠ درهم .. !! وهن الا ورقتين ،، !!!
عقب تحجزين ٤كلاسات فالاوقات اللي انتي تبينها
أو ترومين تاخذينهن مكثف كلهن في يوم واحد بس تزيدين يمكن ٣٠٠ جيه
بيعطونج كتاب ..
وعقب ماتخلصين الكلاسات بتمتحنين ان نجحتي تودين الشهاده المرور وتحجزين موعد حق تراي الباركنات ..
هم يمكن يعطونج فترة اسبوع مادري اسبوعين أو انتي بنفسج تختارين الوقت ..
وجيه ،، من تنجحين فالباركنات تسيرين تحجزين حق تراي الشارع ..

وجيه
ماعرف الصراحه كم من الوقت بتحتايين لاني انا بعدني ماخذت الليسن لول
عندي تراي الاسبوع دعواتج

Ragazza Dolce
مشكوره وما قصرتي وان شاء الله تنجحين بالتراي من اول مره

طيب بالنسبه للفحص انا اصلا البس نظارات
احسن احط عدسات يوم الفحص والا عادي مومشكله..؟؟؟!

وجدان انا شراتج ابااقدم كل يوم احط موضوع محديرد شو رايج انسير رباعه بس اتعرفو كم يكلف ووين انحصل مدربه زينه

مثل ما قالت لاخت عن الموضوع بس ياخذون عنكم في المعهد 850درهم تقريباً
و50درهم تاخذين حجز للتراي مال الريوس والباركن واذا رسبتي بعد تدفعين 50لين تنجحين

ام على النظارة عادي روحي بالنظارة مب مشكلة
ان شاء الله اكون فدتج

upppppp

بلييييز عطني شو الاسىله اتيييييه في امتحان شرح المعلمة مب الين هناك وكتاب معقد

بغيت أرقام مدربات ولا مدربين بس مجر بينهم

للرفع …

اممم انا ما كنت افهم من الكتاب و سجلت نوتات من شرح الاستاذ و درست منه

ذكرتينااااا اسئله عاديه ………..اذا كان عن الكتاب
وامتحان كنج تسوقين السيارة ………..؟؟؟ وسهل والله يوفقك

موفقه

انا من زماااان ماااخذه الليسن وما اذكر بالضبببط

بس الي اذكره انه الامتحااااااااان جداا سهل الحمد الله

وتتخيلين حالج كانج اتسووقين سيااره وكل شي مفهوم ولو ما فهمتي شي ناادي المعلمه الي واقفه عليج وبتشرح لج ايااه

وبتبسط لج السوال

الله يوووفقج حبيبتي

بنات انا من الشارجه وأمتحان الليسن باجر حبيت اعرف وين يودونج تمتحنين في اي المناطق وكم السرعه الطلوبه عندهموشو الاخطاء اللي لازم ما اقع فيها وشو اهم شي يركزون عليه

للرفع

انا خذت الليسن جريب بس من دبي
السرعه ما تتعدى 70
وما تكونين بطييييييييئه وايد في نفس الوقت يعني وسط

ان شا الله بنات الشارجة يفيدوونج

بنات الشارجه ساعدوني باجر امتحان اليسن ابي اعرف في اي الناطق الامتحان وكم السرعه الطلوبه وشو الاشياء اللي يركزون فيها وشو الاخطاء اللي اتجنبها

للرفع

السلام عليكم ورحمة الله وبركااته

كيف الحاال صبايااا طبعا انا مب الملكه انا بنت خالتهاا انا مسجله في المنتدى بس بعده ماتفعل حسابي ومن القهر لازم اكتب لكم موضوع اليووم مايستحمل التاخيرر هههه
قبل ثمان شهورفتحت ملف في المرور عسب اطلع ليسن ودرست نظري ونجحت من اول مره وباركن وريوس من اول مره الحمدلله ورحت ادربت مع مدربه ورحت على الامتحان طبعا اول مرره وشرطي ورعب وارتباك اعترف دعمت الرصيف خخخخ وتعرفون بعد الرسوب احباط شهرر وبعد كل يوم اطلع مع واحد من اخواني ويوم مع ابوي ورحت الامتحان للمره الثانيه ورسبت وجاني احبااط اوف ماقدر اوصفه واليووم قررت اروح الامتحاان لاني وااااثقه جددا اني بنجح ومتاااكده رحت الامتحاان ورسبت وخااطري الشرطي يكتب لي شي مقنع لاكنه للاسف مايتفاااهم وكل مره اطلع مع نفس الشرطي واحد اسمه راشدد الله لايسامحه المهم حولوني على مدرسه الامارات منو استوا لها نفسي او احد تعرف كيف نظامهم انا والله قرفت من شرطه العين كل شي عندهم واسطه الي ماعنده واسطه يموت ولا يحصل لاليسن ولاهم يحزنون
تحياااتي للجميع

لا الغالية الشرطة شو يخصها هذا تصرف فردي من واحد لا تلومي الشرطة عليه انا نجحت مندون واسطة الله حط في طريقي في اخر محاولة شرطي طيب مسكين ونجحني بس بعد اهم ما يقدرون ينجحون اي احد يمكن انتي مب منتبه عدل لان اي شي ممكن يأثر وبعد في مع الشرطي تكون شرطيه حرمة ورى واهي الي تكتب الاخطاء لو منج براجعهم دام مب كاتب بالورقة اي غلط

حبيبتي الله يعينك بجد أنا نفس الوضع بس في أبوظبي رسبت ثلاث مرات وحالوني تاني على المدرسة وعندك حق مليون المية في موضوع الواسطة لاني شفت بعيوني ناس أقل منى في السواقة ونجحت بس عشان واسطة الله يسامحهم وان شاء الله ننجح المرة الجاية

الثقه فالنفس وقت الامتحان ما تكفي
لا تنسين السايق غالبا احساسه مب
شرات اللي يالس حذاله يعني انا لو
اسوق وشويه اكون قريبه من السيد
الثاني ما بنتبه هذا الحينه لكن ايام
التدريب والامتحان هاي فيها رسوب !
ما بالج ف الاشيا الثانيه، هو غالبا
تحسين انج مسويه زين لكن اسألي
عن اخطاءج عشان تتداركينها ف المرات
اليايه، من حيث التأكد من خلو الشارع
قبل تغيير السيد، الاشارات، السرعه المحدده،
كيف اتدوسين البريك، الكتف، ترك مسافه
وكل 5 ثواني تجيكين من خلال المرايا . .
واحد منهم يرسبج ويكون عائق لحصولج ع الليسن !

عادي ليش متحسسه من الرسوب ؟؟؟ انا رسبت 8 مرات والتاسعه نجحت فيها
لازم تدربين زين , هذي سواقة مب لعبه فيها حوادث وارواح ناس

يقولج إذا انتي ما تعرفين شقا سواقة أهل العين ما بتنجحين

انا بقولج قصة واحد ف العين
ما ادري إذا صح القصة او كذب بس أتوقع صدق

واحد ع نياته طيب وحبوب
كل ما يقدم ع الليسن يرسب وهكذا
الين ف يوم من الأيام يلي كان وياه شرطي وقاله انت راسب
رد عليه هالطيب راسب ها راسب
ويشغل لج السيارة وخمس فيها ويلات وحركات وسوا حركات السواق المستهتر الين ما لاعت جيد الشرطي وقاله خلااااااص ناجح ناجح والله ناجح
وع فكرة هالطيب أصلا يعرف يسوق
بس حب يأخذ الليسن قانوني وما لقى اي عذر من الشرطي يلي يرسبه

طبعا مب كل أهل العين مستهترين بالسواقة ^^
البععععععععض ^^

ف النهاية حبيبتي أقولج لو انج خذتي الليسن جيه بسهوله ما بتفرحين كثر ما تتاخرين بالحصول عليها

والله يوفقج أن شاء الله هالشهر الليسن عندج

اختي احيانا ما يحالفج الحظ في شي لكن تاكدي انه فيه خيرة و الله .

حاولي تدرين زين ما زين و لا تثقين وايد في نفسج لنه أشياء معينة تنطلب منج وقت الغمتحان و يركزون عليها المراقبين .

انا يوم الامتحان كان ضباب من الخااااااااطر ما اشوف متر جدامي و نجحت سبحان الله ,بس انا من اول أسوق .

و امتحنت بس شارع و على طول حصلت الليسن و بدون واسطة , صدقيني هالشي في صالحج فالنهاية

بس فعلا الوحدة تحس إحباط ,

بالنسبة للمدرسة بتكون رسوم شوية زيادة و طبعا بتدربين احسن عندهم داخل المدرسة بس اكيد بعدها بتنجحين

موفقة يارب و لا تنسين دائما كوني منتبهة و حريصة على القيادة الآمنة اخطار الطريق كثيرة , صار لي 9 سنوات أسوق بس بعد انتبه و اخاف .

مرحب ….جيف الحال . عساكن ع القوه
بصراحه خواتيه من يومين اتعلم ع الباااركن ف احس عمري طمه بصراحه ناااااااا عاده عمريه ماعرف شي بسياااااااااااااره ف الي تعلمنيه ماتعطيني مجال انتبه شوو الي اسويه …. اريد اخذ رايكن الباااركن شوو جوفنه سهل ولا يبااالــــــــــــــــه

اممممممممممممممممممممممم انا خذيت الليسن يوم الاربعاا من طرف باركيلي عااااااااد
انا احس انا الباركن يباله شوي لانه واااااايد بيفيدج انا عن نفسي احس امتحان المدينه اسهل من الباركن
والسموحه

الغالية حاولي تدربين علية اكثر

الغااااااااااااالية .. الباركن يباله تركيز مب واااااايد صعب ..

هلا فديتج
البراكنج حتى لو ما تعرفين شي بينجحونج محد يرسب في الباركنج
انتي انتبهي اكثر في المدينه ونصيحتي يوم الامتحان لا تلبسين نظاره شمسيه لانهم يرسبونج انا سووبي جيه ويوم عقيتها مره ثانيه نجحت

الباركن أسهل شي بس يباله تركيز مب واااااايد صعب ..