الوسم: اليـاي

السلام عليكم ورحمة الله وبركاتة

اختكم من الكويت بزور دبي طبعاً مو للمره الاولى
لا سبق وزرتها مره كنت عروس ومره ياهل الحق عباة امي
لووووووووووووول

اول شي شلوون السوق عندكم زحمه يادنيا زحمه ؟؟<< الله يستر
والجوو شلونه ؟؟ اتوقع الحين الجو اوكي مو جذي

ابي فندق ذا اطلاله حلوه ويكون سعره معقول بنقعد ثلاث ليالي
مطاعم غريبه عجيبه السي فود وهالسوالف هم ابي سينما حلووه مافيها اجانب<< تشرط واايد لوووووول
واماكن حلووه تصلح لتمشي

اول شي زوجي بالعزر رضى نروح بس شارط علي ماانقضيه بالتسوق عشان جذي ابي اعرف بالتفاصيل
اول شي ابي محلات اطفال تكون اسعارها معقولها في نفانيف للعيد لطفله عمرها سنتين
وهم ابي اجهزها لشتا لان هالسنه متوقعين والله اعلم ان الجو يكون بارد اهم شي محلات موموجوده بالكويت

طيب وانا حامل برضو ابي محلات في روبات للنفاس وابي محلات عطور مميزه غير الياس
والياس برضو شنو المميز فيه ؟؟؟
والنفانيف المكسي ولي يكون جمها طووويل تصلح للحوامل ابيها للعيد ؟؟!!
هم بغيت دلوني على مطاطير واطقم الضيافه الاستكانات والفناجيل تصلح للاستقبال الولاده

وابي عبي بلييييييز والمشكله انا مااعرف للعبي جتف وموديلاتهم لاني البس عباة راس
ابي عبي تنفع للمناسبات ولدوام
هم بغيت الجناط حلوه وتنفع لدوام ماركه او غيرها مو مشكله برضو ساعات
ابي اجهز لطلعتي من الاربعين عندكم

والسوقه الشعبيه عندكم شنو ممكن احصل فيها ؟؟ في سوق الصيني هذا شنو فيه ؟؟؟
وابي اشتري صوغات لخوات ريلي ماني عارفه شنو قلت بشتري ملافع شرايكم
ابي يكون اسعارهم مناسبه او اي شي يصلح يكون صوغه……….