الوسم: اليـــــــــا

ابي الاماكن السياحية والفنادق المعروفة
….كنــــــــــدا…استراليـــــــــا والصور اذا عندكم
مشكورين وماتقصرون:22 (22):

اذا بتسيرين كندا لا طوفين غاباتها وتسكنين في المخيمات لو يومين واستفسري في اي فندق تسكنين فيه
وعن السياحه انا شخصيا لي نسافر صح نعمل برنامج لسفرنا وتخطيطات لكن يتغير يوم نوصل لانه المعلومات الي عندنا عن السياحه مب كافيه

نصيحتي يوم توصلي مطار كندا او استراليا عندهم انفورميشن ويعطيج معلومات عن بلادهم وكل ما تنتقلين لمنطقه يكون عندهم انفورميشن وراح تكتشفين اشياء حلوه عن كل منطقه تزورينها

أنصحج باستخدام موقع https://www.priceline.com/ لحجوزات الفنادق بشرط الوعي التام بطريقة عمل الخدمات المقدمة من قبله وشروطها. وباختصار شديد . . تقومين في البداية باختيار المدينة التي تنوين النزول فيها، وتحددين تاريخ دخول الفندق ومغادرته (عدد ليالي مبيتك فيه) وعدد الغرف، ويقوم الموقع بعدها بعرض قائمة فنادق من رتب مختلفة ومناطق متعددة ضمن مدينتك وإلى جانب كل منها سعر مبيت الليلة الواحدة، كما يعطيك خياراً أضافياً وهو تحديد السعر الذي يناسبك، فإذا اخترت هذا الثاني سيطلب منك تحديد المنطقة التي تريدين النزول فيها من المدينة ورتبة الفندق (التصنيف) ثم يطلب بيانات بطاقة الائتمان ومعلوماتك الأخرى، عند هذه المرحلة يجب أن تكونين عازمه لأنه بمجرد أن يجد الموقع فندقاً بهذه المواصفات يقبل السعر الذي اقترحته سيقوم بحجزه فوراً وسحب المبلغ كاملاً من حساب البطاقة

والله يوفقج

السلام عليكم

الصراحه استراليا وااااااااااااااااااااايد روعه واتجنن

هممممم اول شي ببدا من المطار طبعا مايدخلووون اي اكل من البلاد العربيه بشكل عام
وبيعطونج تعبين استماره عن الاكل الموجود عندج وانصحج انه الاكل كله تحطينه في شنطه وحده
عشان تسهلين عليهم في التفتيش

المهم الاماكن السياحيه نبدا مع سيدني

اممم عندج Sydney Opera House وطبعا معروفه الاوبرا اللي في سيدني
و Aquarium هذا تشوفين فيه الاسماك البحريه والصراحه وايد حلوو
وI MAX Theater سنيما ثلاثية الأبعاد
و National Musume
و Sydne Tower
وال Pondi beach
وWild life Park هذا تجوفين فيه الحيوانات وتاكلين الكنغارو والكولا وتتصورين معاهم
وblue Mountain
و Jenolan Cave

الصراحه كل هالاماكن حلوه و بشكل عام سيدني مكان حلو وراقي

أما عن جولد كوست فهو مكان سياحي عجيب وبتحصلين وايد عرب هناك
اممم عندج Wax musem شخصيات مصنوعه من الشمع
Belive it or not صدق او لا تصدق مكان حلوو وفيه اشياء غريبه و هو قريب من الواكس ميوزيم
ولعبة Infinity عبارره عن متاهه واحنا ندور المخرج بس الصراحه وناسه استانسنا فيها
و space walker تقريبا نفس الانفنتي بس يراوونا اشياء مال الفضاء
وهالاربع اماكن كلها قريبه من بعض يعني تروحيلها مشي
امممم اما الحدائق اللي تحتاج يوم كامل فهي
Dream World مكان روعه شويه عليه الصراحه حلووو و نقضي فيه يوم كامل وفي مكان تطعمين في اكانغرو وتتصورين معاهم وتتصورين معا الكولا
Sea world طبعا كله اسماك وعروض دلافين والعاب
Movie Worldفيه عروض تويتي و شريك و غيره واااااااااايد حلووالمكان
امممم وRain Forest مناظر طبيعيه حلووووووووووه
تقدرين تاخذين لفه بالهيكوبتر وتجوفين اسماك القرش
امممم اما عن الاسواق فعندج Pacific Fair و Austrlian Fair
وبس هذا اللي اعرفه

اما عن الاسعار في جولد جوست ارخص بشوي من سيدني

اتمنى اني افدتج والسموحه

مري الامارات للعطلات بتحصلين اللي تبغيه وعلى حسب اختيارج وميزانيتج … موفقه ان شاء الله

هلا اختيييه اذاا تبين نصيحتي علييج ب استراليااا … انا الصيف اللي طاف كنت فيها وفي قولد كوست تحديدا والصرااحه ماعليها كلام وها السنه ناوين بعد انسير من كثر ماهي حلوه وعائليه…. واضيف ع كلا م الاخت سيري سدني وقولد كوست ومري مالبورن ترهااا حلوه بعد … واتمنى لج سفره سعييده