إذا وحده منكن موظفه و تكمل دراستها
أبا أسألها
1- كيف ساعات الدراسه؟من الساعه كم لكم؟
2- هل تحسين انه المدرسين متفاهمين و يساعدون الموظفات، ويقللون من الواجبات و البروجكتات؟
3- الدراسه يوميا ولا ثلاث مرات فالاسبوع؟
4- شو تخصصج؟ أنا أفكر أتخصص في ادارة الموارد البشريه، اذا عندج فكره شو رايج فيه؟
بلييييز بنات، أتريا ردودكن
انا ان شاءالله بعد برجع اكمل في شهر 9 ،،، السنه الثانيه وبتخصص ان شاءالله في الموارد البشريه يالله اتعرف عليج عشااااااااااااااان انكون ربع تبين الصدق كل الموجودين يكونووون صغااار تبين الصدق ابا حد كبري ،، طبعا انا اشتغل وبدرس في نفس الوقت ،،، والله المستعان ان شاءالله،،، بخصوص المدرسين الحمدالله كانو متعاونين معانا وخصوصا يوم تكون الوحده ام عيااال وتشتغل ،،، بس اهم شي انج اتدرسين اول باول عشااان مايتراكم عليج شي،،ولو ترومين هالفتره انج اتيبين شهادة الايلس عشاااان اتشلين عنج الانجليزي كله لين اخر سنه ،،، ولازم يكون الباند مالج 5.5 وفوق
الله يوفقج ان شاءالله،،،، وانا حاااضره لاي استفساااار ولو اطرشيلي ع الخاص احسن لاني ما ظني بقدر ادخل الموضوع مره ثانيه،،،
يشرفني نكون ربيعات، باذن الله بطرشلج على الخاص
أتريا ردود باقي البنات
بس مااشتغل
وماشاء الله نص بنات كلاسنا يشتغلوون
ساعات الدوام على حسب التخصص
نبدأ 4 ونص ونحن نخلص 7 ونص بس الموارد البشريه اعتقد يخلصون 8
وعن الغياب امممم يعني عاد مب متساهلين وايد وايد بس لو تكلمين المس وتفهمينها تتفهم اهم شي يكون عندج اعذار بس اذا زودتيها يعطونج انذار *_*
دوامي بس 3 ايام في الاسبوع و3 ساعات في اليوم
الصراحه احسه حلووو ..
بس على حسب اذا بتتحملين تنشين من الصبح ووتتمين مداومه لين تردين البيت 8 او 9 في الليل
والسالفه كلها سنتين تمر بسرعه .. والموارد البشريه سنه ونص بس
والسموحه منج الله يوفقني ويوفقج .. ^^
