اشحالكم حريم وبنات عساكم ابخير !!
الحمدلله رجعت من سفرتي لليونان واللي كانت لمدة 9 ايام و8 ليالي من تاريخ 25.03.2016 إلى 02.04.2016
كانت الرحلة عن طريق جامعتي جامعة الامارات العربية المتحدة
وكانت الرحلة لطلاب الماجستير وانا وحدة منهم 
كنا 15 بنت مع مشرف ومشرفه
رحنا لمدينة أثينا وتمينا فيها 6 ليالي ومدينة ثانية اسمها Galaxidi يلسنا فيها ليلتين راحة واستجمام
الرحلة كانت عبارة عن زيارات اكاديمية لسوق الاسهم في اثينا + بنكين + مصنع القطن + شركة شحن بحري
وكان الجدول انش الصبح تريق ونتحرك كل يوم لواحد من الاماكن الاكاديمية اللي ذكرتها فوق لمدة 3 ساعات تقريبا لين الظهر,, وبعدها نحن فررررري لوقت الساعة 6 وبعدها من 6 الى 8 المسا يكون seminar في الفندق اللي سكنا فيه ومن عقبه نطلع نتعشى ونرجع السكن عالساعة 10 ولا 11 ويله احلى سهره بنات فالفندق خخخخخخخخ
الجو كان بين الـ8 وال15 درجة
بارد وحلو لكن وقت الظهر مع اشعة الشمس اتحسون حر شوي
يعني نفس جو اوروبا وحسيته الجو اقرب لجو اسبانيا
ولا تنسون اليونان كل ابوها جزر لازم الجو يكون حار شوي عن باقي الدول الاوروبية
ك مدينة اثينا مافيها شي حلو لهناك ,, لكان قروب البنات كان احلى شي واستانست الحمدلله ,, وخاصة باباتي كان قايلي بوديج اي مكان الا اثينا لانه مافيها شي هههههههههه فقلت اسير مع الجامعة عن خاطري
اول فندق سكناه في اثينا اسمه The Margi
وهذا موقع الفندق للحجز https://www.themargi.gr/
الفندق كان جيد جداً ونظيف اهم شي والريوق لا باس فيه
امممم اغلب الصور كانت صور البنات وصوري لكن تنقيت بعض الصور لعيونك بدون ما انحط صور حد
نبدأ بالصور
اول يوم وصلنا مطار اثينا على العصر وسرنا الفندق سوينا جيك ان وريحنا وعالعشا سرنا بيت بروفيسور يوناني كان ياي الامارات من قبل زيارة لجامعتنا وقال لازم تتعشون عندي
تعشينا عنده ف بيته بين اهله وعياله وما شاء الله كرم الضيافة عندهم ما كان ناقص عن كرم العرب ابداً وما قصروا
وهذي بعض الصور من بلكونة بيته من فوق
اشجار البييريز يابسه من البرد
الاشجار اللي فيها زهر لونه وردي .. هذي اشجار اللوز
اشجار البرتقال في كل شارع وكل حاره وكل بيت ما شاء الله
يتبع ،،
حرس البرلمان
عملية تبديل الشفت بين الحراس
تقريبا تحركهم مشابه لحراس مبنى بيكنجهام في لندن
متحف الاكروبوليس
يتبع ،،
يتبع ،،
التكملة في يوم ثاني ان شاء الله
شفتوا كيف انا كسلانه ومقصره صوب المنتدى ،، موضوع واحد مب قادره اكمله 
بانتظار باقي الرحلة
