الوسم: carter’s

بناءا على استفسار بعض العضوات ..حبيت اشركم بمعلومات بسيطه عن
محلي المفضل لتجهيزات المولود الجديد .. محل Carter’s

علما بأنه ليس لدي أدني مصلحه تجاريه في الموضوع .. لست مندوبه لهم ^_^
انما من باب "حب لأخيك ما تحب لنفسك"

الحين بجلب على اللهجه العاميه ^_^

بضاعة هذا المحل حلو و ناعمه ..و جودة 95% من البضاعه ممتازه ..مهما غسلتي ما تتأثر
اسعارها احس مناسبه للجوده و ديزايناتها الكيوت ..و انا اشتري منهم يوم يسون سيل
فتظهر ببلاش..الاسعار مش مبالغ فيها مثل مذكير و نكست ..بالعكس مناسبه

عندهم كل شي تحتاجينه للمولود الجديد ..اوفرأوول ..ملابس داخليه..لبسات للنهار..قمطات..دليغات
ببتات..بجايم …الخ

احيانا عندهم شنط للبيبي ..

الحلو بعد فيه ..انا اوفراولاتهم او البجايم ينفعن يلبسن في النهار …يعني يرتاح الياهل و في نفس الوقت كاشخ

المحل موجود في دبي في:
مول الامارت
لامسي بلازا
العربي سنتر

الشارقه في ستي سنتر الشارقه

إضافه للإفاده
الحين مسوين عرض تشترين ب 200 (او يمكن 250 ما أذكر) يعطونج 50 قسيمة مشتريات
و هم عادة قبل المهرجان و اثناءه يسون سيل
و في مفاجآت الصيف بعد ..
سجلي رقمج عندهم و بيطرشون لج مسج

و دورت الكم كمن صوره من النت ..بس عندهم اشياء أحلى ..(طبعا اتكلم عن الcollection للسنه اللي طافت يوم كنت اتشرى حق بنتي ..الحين ما أعرف شو عندهم)