الوسم: Entertainer

:

[]

:

إزيكم يا بناااات يا حريماااات يا حلوووواااات…~

آح’ـَـيييمً ! [ ]

مدام إني فاظية قلت انزل لكم تقرير عن كتاب

The entertainer

Dubai & Northern Emirates

نَبذّة عّنْ الكِتآبـ ـ~

بالمختصر …اشتري [ شي واحد ] وحصلي الثاني [ مجـــانا ]
والكتاب شامل لدبي والامارات الشمالية …وفي كتاب لبوظبي ..بس ما اشتريته
بحكم إني اروح دبي اكثر …ونخسر في دبي اكثر

ففرصة حلوة إن نشتري وناخذ إلي نباه بنصف السعر

الكتاب مقسم اربع اقسام… مثل ما تشوفون

مطاعم …~…وألعاب…~ كوفيهات…~..ومنتجعات …الخ …

بضرب لكم مثال …

مطعم كنتاكي مثلا..

له ثلاث كوبونات ….تشترين وجبه وتعطينهم كوبون وتحصلين الثانية مجانا بنفس قيمة الوجبة الاولى
إلي اشتريتيها…

إذا اشتريتي 2 …تقدرين تحلين 2 لو كان عددكم أربعه

وجبتين إنتي تدفعين سعرهن …+ 2 مجانا

الخ…

مثال رقم 2

الوايلد وادي
سعر تذكرة الوايلد وادي 198 للكبار

وانتوا شخصين …

تدفعووون سعر تذكرة وحده ,,, وتدخلون الشخص الثاني مجانا ..
بقيمه 198درهم بس ..بدال ما تدفعوون 396 درهم

في فرق كبير …ولا شو رايكن ..؟؟

تجربة شخصية

..استخدمتها في مول الامارات..
في سكي دبي …كنا 3 اشخاص
انا و 2 من اخواني …
دخلت انا واخوي …واخوي الثاني دخل مجانا …
بقيمه 200 درهم ..بدال ما ندفع 300…لو كانا 4 جان قدرنا ناخذ تذكرة مجانية زيادة

بعد استخدمتها في هاقن داز..
خذيت ايس كريم بـ16 درهم …وحصلت واحد بنفس السعر مجانا .. طبعا عطيتهم كوبون بدال الفري…بدال ما ادفع 32 درهم لـ2 ..دفعت 16 درهم

الفكرة من الكتاب هو التوفير واحسه مفيد للعوايل الكبيره ..
لكل مطعم تقريبا بتحصلون 3 كوبونات …وبعضهن تحصلون 6

الكتاب شامل لبعض الامكان الموجودة في راس الخيمه [ المنار ]…وام القيوين وعجمان
والشارجه ودبي …طبعا دبي اكثر …وبعدها الشارجه

بس ملاحظة مهم …

في بعض الكوفيهات إلي رحتها …رحت وطلبنا مشروبات حارة .. هع هع
وشيبس لصغاريه ..ويوم يت بدفع طلعت الكوبون ..بس قالوا العرض يشمل الوجبات
يعني سندويشات …والستيك …والخ…

فنتبهوا واقروا عدل قبل ما تقصون الكوبون واسئلوا المطعم ..أو الكوفي ..

حتى قسم الالعاب ..ما يشمل كل الالعاب ..بعضهم البلياردوو بس ..وبعضهم تحصلين
فلوس في البطاقة الخاصه بالالعاب بنفس السعر الفلوووس إلي حطيتيهن

بعض المطاعم يقبلووون الكوبونات …وقت العشا …وحد على وقت الغدا…الخ

يعني اقروا شو مكتوب على الكوبون عدل

مثال ..~

آح’ـَـيييمً ! [ ]

الكتاب دبدوووب شوي …بس بنشل في الشنطة ..متوسطة الحجم
وقيمته 295 درهم ..ويستاهل هالقيمه …لان العروض إلي بتحصلونهن واااو

في آخر الكتاب مرتبين لج كل مووول والمطاعم إلي يشملها العرض ..علشان ما تتلعوزين وانتي
تدورين + إن كل كوبون لمطعم معين وراه حاطين العنوان ..

بصراحه انا استفدت من الكتاب وايد …
هالاكتاب يستخدمووونه السياح إلي إيون على دبي …بالتحديد لان خصوماته روعه
والاخوة السعودين طايحين فيه …وفي عوايل تشتري على كتابين ..إذا كانوا اكثر من 10 انفار

إن شاء الله تكونن استفدتن واي استفسار أنا حاظرة

الكتاب تقدرين تستخدمينه بسنه 2024 بس ..اتوقع برد أتأكد ..هع
تقدرون تشيكون على الموقع الرسمي

انا اشترتت الكتاب الكبير …تقدرون تلقونهن منفصلات يعني المطاعم بكتاب
وألعاب اليهال بكتاب..لكن انا اشوف هالكتاب اشمل وسعره 295 درهم
والأجزاء المفصوله سعرها 250 درهم

انا اشتريت الكتاب من مركز صحارى …بتلقونه بعد في كارفور إلي في الامارات موول
وفي المراكز الكبيرة …لاني دورت العين كلها وما لقيت

:
:

هيَ صصصحُ ع’ـَـنً آنسسسىـآ ! [ ]

Copyright © 7ankoosha .uaewomen.net 2024 – All rights reserved

وآليً بتسسسرٌقِ بدوؤونً مـآتذكرـر آلمصصدر
يـآوووويلهِا يـآ سوآد ليييلهِا…لول

:
:

هآللهِ هـآللهِ بآلردوؤودِ آلسسنع’َــهِ !