شحالكن كروشات ؟
أنا حابة أسأل عن مستشفى المدينة City Hospital
حد جرب الولادة عندهم ؟ و كيف عنايتهم ؟
اذا ممكن بغيت اعرف هذا المستشفى وين في لندن وشو الشقق القريبه منه
انتظركم
هذا قريب من منطقة المستشفى، الله يشفي مرضاكم وجميع مرضى المسلمين.
طرشت لج رساله على الخاص
بغيت
اسأل عن ابرة الظهر في مستشفى راك وياريت تفيدوني اذا سمعتوا حد امجربنها بلييييييز
الغاليه قلب الشمال اختج جربتها في راك؟
men rba fi haza al mustasfha
ومدحت الدكتوره وايد
منو جربت تربي في belhul hospital….
وشو رايكم فيهم؟؟؟؟
اتمنى من كل وحده اتربي هناك تكتب لنا قصة ولادتها وشو اسلوب الممرضات والدكاترة مع الحرمه اللي تربي؟؟؟
أخباركم يالحوامل ويالمربيات؟؟ الله يسهل على الكل ان شالله
الله يسلمكم انا كنت اراجع عند الدكتوره غاده في ان ام سي.. ويوم سرتلها آخر مره قالتلي انها بتسافر وبترد عقب شهر.. وانا الحين فالتاسع.. يعني يمكن ماتكون موجوده يوم بربي… المهم انا استخرت وجنه مكتوبلي ماربي عندها..
والحين ناويه افتح ملف في مكان ثاني.. وسمعت عن مستشفى المدينه اللي فمدينة دبي الطبية عند وافي.. فاللي تراجع عندهم او مربيه عندهم ياليت تساعدني..
بغيت أعرف منو أحسن دكتوره عندهم؟
وشو الأسعار؟
وشو الغرف؟
ساعدووني يزاكن الله خير..
والـ ان ام سي السوويت الـ VIP عندهم واايد حلوو
وإن شاء الله خير
ما انلام فديتج يوم دورت غيرهم ..
اللي ربت في ذا سيتي هوسبيتال مدينة دبي الطبية,,, أو تعرف وحده مربيه هناك,, خبرونا عن هذا المستشفى,,
حزة الولاده منو يكون وياج؟ في نيرس وحده؟ 2؟ ولا وحده؟
اهتمام بلأم و الطفل ولا اهمال؟
شو أسعار الغرف العاديه؟
بس ما جربته يوم بربي بخبرج ان شاء الله
والصراحه من خلال مراجعاتي فيه احس فيهم مهتمين واااايد
اذا في حد من خواتنا في المنتدى ربت فيه تخبرنا يازكم الله خييييير
متى بتربين .؟
فديتج ان طبيبه وبقولج رايي..
المستشفى الخاص في سوالف المتابعات والعنايه. ماااااااااا احلاهم.. بس حزه الولاده لاااااااااااا..
اول ما يحسون الولاده شويه تعسرت ع طووووول يحولونج ع الحكومي.. ليش؟
اول شي لانه ما عندهم خبره في تعقيدات الولاده.. اصلا خبرتهم بسيييطه جداااا..
ثاني شي لانه المستشفى الخاص يخاف ع سمعته اكثر من خوفه ع المريض.. وما يبون اي مريض يموت( لا سمح الله ) داخل المستشفى.. فيشحنونه ع المستشفى الحكومي عشان يموت هناك وطبعا تخترب سمعه المستشفيات الحكوميه..
انتي لو تفكرين فيها.. ليش ما فيه مستشفى خاص اشتكوا عليه انه مريض مات فيه ودووووووووووووم الوصل وراشد عليه شكاوي؟؟ ببساطه.. لانه االمستشفيات الخاصه يطرشون المريض ع الحكومي لما يحسون الامور تعقدت.. واحيانا يحولونه متاخر.. فيموت المريض في الحكومي.. وطبعاااااا.. الناس عقب تشتكي ع الحكومي..
فديتج نصيحه من اخت.. تابعي في الخاص مثل ما تبين.. بس قبل لا تولدين.. افتحي ملف في الحكومي.. عشان تربين هناك.. انا اختيه اصريت عليها تتابع وتربي في الحكومي.. لاني طبيبه واعرف مستوى الدكاتره اللي عندنا مقارنه بمستوى الدكاتره في الخاص..
في وحدة مجربة الدكاترة في City Hospital اللي مدينة دبي الطبية ؟؟؟ ولا مجربة الولادة عندهم ؟؟؟
على ما أعتقد إن إدارته هيه نفسها إدارة ويلكير….
آنا ألحين في بداية الثامن وأراجع في ميدكير عند لوثرا ،، حاسة إنها زينة وكم وحدة من معارفي مدحوها ،،،، في وحدة مجربتها جريب وتقدر تقول لي هيه أوكي في الولادة ولا لا؟؟؟؟
شكرا
يمدحون لوثرا … والمستشفيين يمدحونهم … بس انا اشوف تروحين اللي اقربلج هههههه
انا مثلن اراجع عند دكتوره من برا بس بتولدني في ولكير ^^ ويمكن الفتره اللي بربي فيها ماتكون موجوده .. عسب جيه كنت محتاره بين ولكير وو المدينة … بس ولكير اقربلي ههههه
مشكورة على الرد ،،، والدكتورة شيفا سمعت عنها إنها زينة بس ما جربتها ….
الله يقومنا بالسلامة إن شاء الله…
أسومهــ
الصراحة تفكيري يشبه تفكيرج ،،، ميدكير عندنا في الفريج عشان جذي من أول فكرت أروح لهم ،،، ولوثرا كل حد مدحها لي عشان جذي تشجعت ،، بس في الفترة الأخيرة زوجي راح مرة مستشفى المدينة وللحين يقول لي ليش ما تجربينهم ،، بس أخاف أغير وأتوهق بعمري وقت الولادة ….
والله يقومنا بالسلامة إن شاء الله…
الغلــــــا
مشكورة على الدعوة الحلوة ،،، بس أظن إنه الكل هني أول مرة يحملون عشان جذي يفكرون وااااايد ويحاتون المستشفى والدكاترة وحتى النيرسات …
وان شالله اتولدني المرة هاذي بعد
والمشكلة الوحيدة ان جدولها مزدحم لازم تشوفينها بموعد مو نفس قبل باي وقت تطلبينها
والله يسهل على الجميع
والسموووووووحة
لأني انا بعد كنت ابا اسير للعيون بس من عقب المشاكل غيرنا راينا ..
ما عندي علم شراتج
للرفع للفائدة ،،
للرفع