السلام عليكم ورحمة الله وبركاته
جيف الحااااااااااال كل عضوات سيدات الامارات
اليوم حبيت اعرض عليكم تجربتي الحالية وبالتفصيل ومع الصور _ عملية
Fractional CO2 Laser
كانت العملية بتاريخ 2-6-2017 ….. الساعه 5 وربع العصر …. في عيادة كوزمسيرج بالعين_ ولكن نسيت اسم الدكتوره ولكن معروفه اللي تسوي ليزر حق الندبات وحفر الوجه – هب العراقيه لا وحده تشبه نانسي عجرم خخخخخخخخ .
طلبت مني الدكتوره اكون موجوده قبل العملية الساعه 4 وربع _ عشان بتصور ويهي قبل وبعد …وعشان بتحطلي مخدر كامل للوجه ( ساعه كامله )
ومن بعد ما كملت ساعه وانا حاطه المخدر … خذتني النيرس عشان انظف ويهي من المخدر بصابون طبي
ومن عقبها خذتني الى غرفة :
Fractional CO2 Laser
وصورة الجهاز نفسه ولكن اللي في العياده لونه اسود في اسود :
ومن بعدها بدأت تشتغل الدكتوره بويهـــي وانا قلبي يدق وشويه بيطلع من مكانه :
وهذا الفديوووو يراويكم نفس الدكتوره يوم كانت تشتغل بويهـــي :
https://www.youtube.com/watch?v=rltNRXHDfWQ
والمده اللي خذتها تقريبا 15 دقيقه فقط والساعه كانت تشير الى 5:45 دقيقه بعد ما خلصت العملية … ولكن في العمليه يوم تمرر الدكتوره الجهاز كنت احس بعوااار ولكن بنفس الوقت يختفي … وهي مثل وخزات الدبور او النحله او الابره ولكن بعد تمرير الهواااااء الباااااااااارد يروح بوقته العواااااار … وكنت اباها تخلص باسرع ما يمكن مستعيله ابا اشوف كيف يصير الويه …
وعقب ما خلصت حسيت بحراره خفيفه ولكن النيرس حطتلي كريم مهدء واااااااايد اوكي بنفس الوقت ما حسيت بالحراره واسمه :
Fucidin – LOE
اللي عليه رسمة الاسد …. عقب براويكم اياها
ومن بعدها طلبت مني الدكتوره ان ارتاح 3 ايام متواصله يعني الخميس والجمعه والسبت ولا اتعرض للشمس ابدا ابدا … وطلبت مني الدكتوره اني ما اغسل ويهي بالماي ابدا" ابدا" إلا اليوم الثاني وبنفس الوقت اللي خلص فيه العملية وهو الساعه 5:45 دقيقه … وعطتني مرهمين ومعاهم شاش
المرهمين استخدمهم كل ساعه … وهاي صورة المرهمين
مرهم ميبوو : مرهم برائحة السمسم ونضعه اول شي .. عشان الحراره والحروق ويرطب الويه بشكل فضييع
مرهم ليووو برسمة الاسد : يستخدم بعد وضع مرهم ميبوو على طول تحطين وراه
كل ما يمر ساعه لالالالالالالالازم تحطين هالمرهميين … لا تقولين تعايزت وما فيني … لان هذا لمصلحتج وعشان ويهج يترطب بسرررررعه
والشاشه عطتني اياها الدكتور : لان بعد العمليه الويه راح تشوفينه شـــد وانتفخ … وهذا الشي يسبب بظهور نقااااط بسيطه من الدم … لا تخافين لان هذا يدل على استيعاب ويهج للعلاج
ومن ثم عطتني الدكتوره موعد يوم الاربعاء يعني بتاريخ : 9-6-2017
وسعر العمليه : 3000 درهــــــــــــم
وسعر الدوااا ( المرهمين ) أخذته من الصيدليه بــ : 120 درهــــــــــم
والشاش : مجانا ( هذا اللي قدرووو عليه ) ههههههههههههههههههه
____________
والحين بقوللكم عن اول يوم من ظهرت من العياده :
كان الويه شوي محمر مع قطرات من الدم ولكن كل شوي احط الشاش عشان قطرات الدم
وصلت البيت اول شي سويته اخذت المرهمين وحطيته على ويهي .. وكل ساعه ايب الشاش وانظف ويهي بشويش بشويييييييييش ( يعني لا تمسحين ويهج بالقووو لالالا بس طبطبي على الويه عشان الشاش يشفط المرهم ) وردي حطي المرهمين مره ثانيه .
وبدأ ويهي في الساعات يحمررررر واااايد ولكن ما يعورررررر ابدا …. ويزيد نقاط الدم بس ما عليه لا تخافين اهم شي ويهي قام يستوعب العلاج
__________
اليوم الثاني اللي هو اليوم: اول ما وعيييييييييييت على طول رحت المنظره اشوف ويهي ( مستعيله على رزقي )
وجااااان اشوف ويهي محمررررررر بعده على مسمرررررررر ومنتفخ الويه بس لا في عوار ولا شي لان قالتلي الدكتوره هاي الاعراض راح تييج فلاتخافين بس 3 ايام وتعدي
وطبعا ما نسيت المرهميين …. وألطخ منه ( كل ساعه )
ومن يت الساعه 5:45 دقيقه فرحت وسيده خذت قلالالاص في ماي بارد وخذت قطن حق الويه ( وأغمس القطنه بالماي البارد وانظف فيه ويهي مسح مسح على خفيف ) لين ما تنظف ويهي من قطرات الدم والمرهمين .. وبقى بس شي بسيط على الوجه .. وعقبها خذت ماي طبيعي ونظفت في ويهي عشان ينتعش اكثر ….
من بعدها رديت وحطيت المرهمين ومازلت احطهن ليييييييييين هالساعه )
وانا الصراحه فرحانه على النتايج اللي اشوفها بويهي ولله الحمد
_______________
واليوم الثاااااااااااااااااااااالث ان شاء الله بخبركم عنه باااااااااجر: _ وشو التغيرات اللي حصلتلي
وان شاء الله يا خواتي يتعدل ويهي لاني من 15 سنه وانا اعاني من الحفر بويهي بسبب حب الشباب الله يكفينا شرررررررره
• بس اهم شي تبتعدين عن اليهال الصغاررر عشان ما يخافووون ولا كبار السن عشان ما تسويلهم افلام رعب
• لان اللي عندي في البيت كل حد يشوف ويهي ينصدم ( اللي يتحراني حرقة عمري – واللي يقول شو فيج خاز باز هههههههههههه – واللي يعوره قلبه يوم يشوف ويهي يتحروني أتتألم واناااا ولا في البال هههههههههه)
تـــــــــــــابعوني بااااااااجر
شخباركم عساكم بخير..
المشاركة الأصلية كتبت بواسطة الساحرة 
لاني اني بعد ابغي ..وصعبه ريال صراحه
