الســــــــــــلام عليكم
أنا شريت من قبل 6 شهور no!no! hair 8800 وللي يصلح للاستخدام على الوجه والجسم
وحبيت افيد خواتي بتجربتي ، واستفيد من خبراتكم 
السموحة الصور مأخوذه من النت …
أول شي معلومات عن الجهاز
عبارة عن جهاز إزالة الشعر الغير مرغوب به من دون اي الم وسريييع جدا بسرعة شفرة الحلاقه
فيه سلك ويوم تمريرين الجهاز على الجسمالسلك هذا يحرق الشعر ، ويضعف بصيلة الشعر مع الاستخدام المتكرر ، إلين ما يختفي الشعر
يستخدم مرتين اسبوعياً
وبعدين توجد buffer ، لتنظيف المنطقة من بقايا الشعر المحروق
انا يوم استخدمته في البداية ما حسيت بفرق الصراحة
يوم بغيت اسافر قلت لازم أشيل الشعر ، وللي يستخدم الجهاز لازم ما يشيل بشمع أو حلاوه
….بس انا مب متفيجة استخدم الجهاز في السفر
الشعر تأخر في الظهور … ويوم طلع طلع خفيييييف وايد … وفي مناطق ما ظهر إلى بعد فترة
هذي الايجابيات أما للي ماعجبني
1- ما قدرت استخدمه على ويهي .gif "12 (46)")
لان الجهاز عسب يشتغل لازم تمررينه على سطح أملس (فيه خاصية أمان ) ، وانا ويهي كله خدود و ثنايا ، ومافي مجال أمرره مسافه طويلة … يعني ينفع للجبه مب للشوارب …
و لسعني في ويهي يوم جربت استخدمة فوق الشفاه
2- بعد ما تحرقين الشعر لازم تستخدمين البفرbuffer واتنظفين المنطقة من بقايا الشعر المحروق
اللي يبيعونها مع الجهاز ما منها فايدة ولا تنظف شي ، يتم مثل الشوووك
الصراحة انا استخدمت نوع ثاني وردي لازالة الشعر
3- الريحة … يوم تتستخدمينة تطلع ريحة الشعر المحترق .gif "12 (37)")
باختصار …. ما عطاني النتيجة للي كنت متوقعتنها
يعني أنا جربت قبل الحمال والرضاعة جهاز ليزر منزلي وكان نتيجته افضل وأسرع عنه
هذي تجربتي وان شاء الله تفيدكم
وبانتظار تجاربكم
