أولا مبروووك للي نجحوا
الف مبروك بنات العاشر والحادي عشر والثاني عشر
تستاهلون
احم بما اني طلعت من الحادي عشر ورايحه الثنويه العامه
طبعا بلا شك في خوووف من هذي المرحله
بنات الثنويه العامة انا احتاج نصايحكم وااايد وااايد
شو اسوي واايد خايفه
يعني اكثر شي خايفة منه هو البحوث والمشاريع
بنات قالولي ان الثنويه العامه اصعب من الحادي عشر
وو عشان الكلاس ما ابا اكون مع وحده
فـ قلت حق ماماه ان اذا شفت اسمها على طول تين تغيريني ما اباها وياي
لان هي تبا تخرب علي 
المهم
الحين بنات الثنويه العامة الادبي
شو كنتن تسون كيف كانن الامتحانات بليز
ريحن بالي الله يريح بالكن 
اتريا الردود بليز لحد يسويلي طاف بليز
ان شآْ الله البنات بيفيدنج
يبـآآآرك بعمـــرج ياارب ..
امم لا بالعكس الأدبي واايد سهل وحلووو
بس شدي حيلج من البداية
فالكلاس ركزي ويالمس لا تقولين أدبي بس يباله حفظ
امم وامتحانات نهاية كل فصل تييج سهله اذا كنتي دارسه
وخاصه ( التاريخ + علم النفس + الدين )
والاحيا بعد سهــــــــل والاسئله الامتحان تييج مباشره
امم الفيزيا بس شوي يباله تركييييز وانبهي ع شرح المس لانه يباله شويه فهم
امم اذا كنتي ضعيفه فالانجلش حاولي تاخذين لج دوره انجلش تستفيدين
انا مانزل نسبتيه غير الانجلش بس يلا الحمدالله 94.1 الحمدالله حلوة
امم ع البحوووث حاولي تلخصينهن بسرعه عسب خلاف
مايشغلنج عن امتحانات التقوييم
واذا صادف احتجتي شي فأيام الدراسه وكنت موجوده ماراح اقصرر فدييتج
امم وربي يوووفقج الغالية
<3 <3
بس شسمه تتوقعون بياثر علي هالشي ان كنت بعلمي و حولت ادبي يعني راح تصعب علي المواد !!
انا خريجة هالسنة ثانوية عامة أدبي والحمدالله نسبتي 95.9 =)
لاتحاتي ولاتفكري واييد
بالعكس الادبي وايد سهل وحلووو
بس لازم تراجعين الدروس اول بأول
خاصة التاريخ الفصل الثالث بتاخذون الدول العربية وكل دولة عربية وثوراتها وسياسة استعمارية وتواريخ واسماء بس يعني لو راجعتي أول بأول بترتاحين وانتي تدرسين للامتحان ومثل ماقالت اختي اللي فوق الفزكس عليج شوي لاززم تركزيين مع االابلة بالششرح لانه كلامها مهم لانه الكتاب مال الفيزياء كلله دش كلام ع بعضة اذا فهمتي من الابلة بتفهمين الكلام المكتوب بالكتاب مع التخطيط واوراق العمل تساهيل ان شاء الله
وشدي حيلج من الكورس الاول والله نصيييحة
وتحافظين ع مستواج طول السنة ولا ترتفعين بس انج تنزلين وتتكاسلين لاتفكرين ابدا
واول ماتبدي السنة ان شاء الله بداية الكورس أول اسابيع ترا بيكون ماشي ضغط فأنصحج يوم بتسوين خطة البحث ريحي عمرج وسوي وياها البحث
والشرح والملخص والله عقب بترتاحين
انا بهدلة صراحة امتحانات وكل وحدة محددة تاريخ تبا بحثها والشرح فإنتي بتكوني مطمنة من هالناحية
ولا خصصي مثلا بالويكند خلصي لج مادة ولا مادتين احسن لج
وعليج بالقرآن وأذكار الصباح يوم بتقومين اتسيرين السكول سبحان الله بينشرح صدرج ع الصبح وبتسيرين مستانسة عكس البنات عافان الله من الصبح نفسية ومبوزات هههههههه مول مايشجعون
وشدي حيييلج
وان شاء الله ماكون طولتج عليج
وهذا اللي بخاطري
وربي يوفقققج ياااارب وتبشريينه السنة الياية بالنسبة الحلوة والعالييية
تقبلي تحياتي
ذاكري – حفظي – دشي الامتحان بثقه – 100 % ان شاء الله خخ
مب نفس العلمي لازم تفهمين و االامتحان اييج ما ادري من وين يعني باختصار صووعه راس
بس انتي اول شيء حددي التخصص اللي تبينه ف الجامعه عشان ما تندمين عقب يعني لو تبين تخصص ادبي روحي ادبي و فكي عمرج من الصوعه
الله وياج و ترا هالسنه مثل كل السنوات اللي طافن يعني ما شيء اختلاف الا ان نتايجنا تطلع بالجريده خخخ
شدي حيلج من الاول و حفظي ولا تخلي شيء يتراكم عليج و حضري ترا التحضير وايد يفيد بصرااااااحه
و المشاريع و البحوث خلصيهن من البدايه يعني قبل لا تبدون الامتحانات التقويميه لان عقب ما بتقدرين رح يكون كل تركيزج ع الامتحان
و الايات بعد سمعيهم اول باول عشان ما يصير عليج ضغط
و توكلي على الله
اختاري التخصص و اذا كان التخصص ادبي
روحي ادبي و ارتاحي …. خخخ
ان شاء الله اكون فدتج
