ونبدأ بتحية الاسلام …
السلام عليكم ورحمة الله وبركاته
اشحالكم يا عرب .. ويا عجم ..
كلكم تعرفون من يوم ما كبرنا وعقلنا ومن يوم طلعتلنا اول حبة .. اول بقعة حب ،، اول منطقة غامقة اما حوالين الفم ،، او تحت العين ،،
ومن يوم لاحظنا اول مرة ويهنا فيه شحوب واصفرار ،،
قمنا اندور ونسال ونستفسر وبعضنا راحت عند الدكاترة عسب اتدور حل لهالمشاكل ،،
وبعضنا في الانترنت اتدور الخلطات ،،
وما في خلطة ما جربتها ،،
ولكن
القليل منا ،، استفسرت عن مشروب الجمال
القليل من حاولت تدور حل من الداخل قبل الخارج ،،
فحبيت في هالموضوع نستفيد من خبرات بعضنا في افضل مشروب في رايكم فادكم من ناحية النضارة ،، وشو العصير اللي شربتيه وحسيتي ويهج اتحسن ونور ..
او فاكهة دوم تاكلينها واتلاحظين ويهج فيه رونق وجمال ..
واي شي من فواكه وعصاير ومشروبات ثانية من شاي وحليب وغيره ..
يلا بنوتات وحريمات شاركونا وخبرونا تجاربكم ،،، وتجارب غيركم ،،
وانا ببدأ ،، عشان احمسكم وتستفيدون من تجاربي ..
جربت
عصير موز بالحليب فرش (ايام الجامعة امي الله يحفظها كانت كل ليلة اتحط موزة وحدة وشوية حليب يمكن نص كوب وشوية سكر في الخلاط والطعم لذيذ)
النتيجة
طلعتلي خدود صدق ويهي انتفخ نفخ ما شاء الله والبنات في الجامعة لاحظو وتمو يقولون لي ويهج منور ومنتفخ نفخ حلووو .. جسمي ما متن كان عادي ضعيفة من المشي من كلاس لكلاس ..
جربت
عصير برتقال فرش كل يوم ..
النتيجة
ما لاحظت ذاك التحسن الكبير .. بس شوية نضارة .. يعني ما شجعني اني استمر ..
جربت
اشرب ماي كل يوم فوق ال6 كلاسات ،
النتيجة
رووووووووووووووووووووعة ،، ويه نضر وخدود حمرة وعيون تلمع ،، صدق بس احين تعبت وما احب اشرب ماي ابدا ابدا .. ما اعرف ليش ..
واذا شربت كاسه وحده ما قدر اوقف اعطش اكثر سبحان الله ..؟؟؟!!!!!
جربت(عشان ما تظهرلي حبوب لان كان عرس اخوي قريب وعشان بعد اضعف اكثر تراني مو متينة زدت وقت الحمل 4 كيلو فكنت حابة اخسرهم)
كوب ماي دافي معصور فيها نص ليمونة
النتيجة
ما ظهرتلي وقت الدورة حبة اللي تطلع كل شهر ،، ووزني نزل لاني عشا ما كنت اتعشى ،، ولكن الاثر السلبي لهالشي ..
شعري قام يتساقط بشكل يخرع والله خفت على عمري ولبست عبايتي سيدة المستشفى والدكتورة قالتلي ما فيج شي ،اتقولي مرضتي يالج حمى قتلها لا بس زكام ،،، بس يوم وقفت اشرب الحمدلله شعري وقف يتساقط ..
جربت
شاي اخضر من ليبتون
النتيجة
نضارة في الويه ،،، وينزل وزن ،، لاحظو علي حريم اهلنا ،، وحتى امي قالتلي اخر مرة مستوية هيكل عظمي هههه بس مب لهالدرجة وزني صار مناسب قبل كنت 53 احين صرت 50 ..
جربت
حليب بالزنجبيل الفرش مع عسل
النتيجة
في نفس الوقت اتلاحظين ويهج نور ،،، وانا اموت على الزنجبيل الطازج طعمه روعه ويا الحليب
جربت
فيتامين E ،، وفيتامين بيرفكتل
النتيجة
حلوووين ،، بالاخص على الاظافر ،، الاظافر ما تتكسر بسرعة والويه تنتفخ على خفيف مب مثل عصير موز بالحليب النتيجة تبين اكثر ،، واثار الحبوب اتروح اسرع ونضارة حلوة واتحسين بشرتج صحية
جربت
كلاس ماي واحط فيها شوية ماي ورد كل يوم اول الصبح على الريق
النتيجة
ما لاحظت شي على البشرة ،، بس يكبر الصدر ،، صدق لاحظت هالشي من مرور اسبوعين من بداية الشرب
واحين بقولكم على سر ،، مب سر لكن حسيته فادني ما شاء الله واتذكر زمان يدتي الله يطول في عمرها كانت تنصحني اكله لان هي متعوده تاكله وما شاء الله عليها دوم خدودها وردية وويها منور ما شاء الله ..
السر في الشمندر هيه ،، وفي لغة يدتي اتقوله شلغم ههههههه …طعمه لذيييييييييييييييييييييييييييييييذ ولونه اروع .
جربت
اكل شمندر مع برتقال اسوي مثل سلطة اقطع الشمندر والبرتقال واكلهم بشراهه
النتيجة
ما شاء الله ويه منور والخدود وردية والشفايف احمرررررررر
طبعا هالاشياء تكون مؤقتة ،،،في نفس الوقت ،، عقب كم يوم بعد خلااااااااااااص
طولت عليكم ،، بس حبيت افيدكم بتجربتي ،،، واتريا تجاربكم
نفيد ونستفيد
خخـ خاطريه بسويلي اليوم
تسلمين
وإن شااء الله اجرب شيء من مشروباتج ههع
ثااانكس^^
مشكورة على المرور
اغليك
مشكورة على المعلومة والمانجا حلووووو طعمه لذيذ
noora ad
مشكورة الغاليه على المرور والرد
فراشه الحقل
العفووو
يا ريت تكتبون شو جربتوا ويا النتيجة
