الوسم: souq.com

فـمادري ااتمنى تردون عليّ بسرعـهه ه

بس الحلو بهالموقع ان اذا ما كان المنتج بنفس المواصفات المعروضة …تقدرين ترجعينه وترد لج فلوسج … وماعرف اذا يردون العمولة او لا…

بس المشكله انه يوم طلبت وصلني الطلب عقب 12 يوم وطرشولي ايميل انه بيتأخر طلبي

انا بالعكس قالولي عقب يوم على طول بس مارديت عليهم

بنات تعرفون في اشياء ماتنباع عندنا ونحن بحاجتها مثلااا وما تنباااع الا بالنت !!

المهم انا حدرت موقع امازون …. وموقع سوق.كوم
وعيبتني اغراض هناك وابا اشريهاا !!

اسالتي عن موقع امازون :
– هل ضروري يكون عندي بريد او حساب ويا الارامكس عسب توصلني الططلبيه
– كيف ادفع لهم … للعلم انا ما عندي بطاقه مصرفيه
– وجم يوم يبالهم عسب يوصلووون الطلبيه وجم سعر التوصيله ؟؟

السؤال الثاني عن سوق.كوم : هي في البلاد اضن في بوظبي
– كيف اعطيهم معلوماتي عسب يوصلون الطلبيه هذا اذا كانو يوصلون الطلبيه بانفسهم
– وجم يوم ياخذ وشو سعر التوصيله
عاااد احلة شي بالسوووق انه عندهم خدمه امكانيه الدفع عند الاستلام

هذا موضع شقايل اطلب من امزون : https://forum.uaewomen.net/showthread.php?t=773052
الصرااحه شغلااانه

واتمنى ما كثرت بالاسئله + اتمنى الافاده

موفقه

المشاركة الأصلية كتبت بواسطة ام زايد21

من سوق دوت كوم جربتهم بتسجلين طبعا بالموقع عادى وعقب بتختارين شو تبين وبتمشى باجى الخطوات وتحطين بياناتج وطريقة الدفع اذا بالبطاقه او تحويل مبلغ او عند الاستلام والتوصيل بيكون عن طريق ارامكس تكلفته 12 درهم توصيل اظنى واذا الدفع عند الاستلام بيزيد 4 دراهم يعنى 16 وبيوصل بسرعه خلال يومين ثلاث بيتصلولج الارامكس يتاكدون من العنوان وبس

المشاركة الأصلية كتبت بواسطة كلي عنجهيه

نفس كلام ام زايد 21ماعليها زود
دوم اتعامل معاهم

هيه رحت اول مانزلت الموضووووع
وطلبت لي ^^ وشرات ما قلتو التوصيل 16 + قيمه الغرض الي شاريته
…. اول مره عااااد هع وناااسه
وعن امازون احس يباله شغلااااانه
مشكوورات خواتي ^^ يزاكن الله الف خير

هلا اختي
لازم يكون عندج حساب بريد في ارامكس عسب توصلج الاغراض عليه وهم عقب يوصلونها للبلاد ويكون عليها قيمة شحن على حسب الوزن
وبالنسبة للدفع تطلعين لج بطاقة من اي بنك عنده هالانواع من البطاقات الخاصة بالتسوق او حتى فيه بطاقات مدفوعة prepaid تنباع في كارفور وصلاحيتها تكون لمدة سنة وما تتجدد بعد السنة ..
مدة التوصيل تختلف حسب نوع الشحن الي اخترتيه مرات يكون مكتوب شحن مجاني اذا اشتريتي بمبلغ معين يعني شحن مجاني لحساب بريد أرامكس ومرات ياخذ له أسبوع على حسب .. وقيمة الشحن بعد تفرق مرات دولار واحد او دولارين او عشرة .. كل ما تدخلين على منتج بتشوفين مكتوب السعر وقيمة الشحن.

هذا عن تجربتي وان شاء الله أكون أفدتج