متى بيبدأ تنزيلات في محلات الأطفال بالذات في( أي شهر )
بيبي شوب كارترز ماكس | وغيرهم
للرفع
متى بيبدأ تنزيلات في محلات الأطفال بالذات في( أي شهر )
بيبي شوب كارترز ماكس | وغيرهم
للرفع
انا حطيت رقمي في محل مذركير بس يوم اتصير تنزيلات لازم يطرشولي مسج
وانا من سنه تقريباً هالسالفه
الحينه كلهم يطرشولهم المسجات مال التنزيلات في المحلات الا انا
مااقصد بس مذر كير لا ابغي اعرف كيف اشترك في هالخدمه حق جميع المحلات خاصه محلات الاطفال
فديتج مايبالها شي.. بس في بطاقة صغيره تكون عند الكاشير تقريبا في كل محلات (وقت الحساب) تعبيين فيه بياناتج, أسمج, رقم الموبايل, أيميلج.. و توصينهم أنهم يعلمونج بالتنزيلات.
مجموعة السنتر بوينت.. أعتقد لو أنتي مشاركة معاهم (عندج بطاقه عضويه) بيرسلولج بالبريد أو مسجات عن التنزيلات
هذا الي أعرفه.. و أن شاءالله أفدتج
اعتقد شهر 8
بنات قريت فالجريده انه شي تنزيلات فالمركز التجاري لين 70 % على الماركات
وبيكون لين تاريخ 22-6
حد سار ؟؟ وعندهم اشيا حلوه ولا لا .؟؟؟
فيدوونا لاني افكر اسير اليوم واشوف
أولا لأن ما بيتم هندي ولا هندية في البلاد ما بيسيرون قبلج وبيكون واقفين طوابير من الفجر وبيخمون الأكو والماكو وبتشوفين الاشي من بعيد وما بتقدرين توصليلهم.
وثانيا البضاعة المعروضة بيكون أكل الدهر عليها وشرب وعشان جذيه معروضه بربع ثمنها (الاجانب يشترونها عشان هدايا لأهاليهم عشان الحين موسم سفر)
والله بعد ما أدري يمكن الوضع تغير ، عالعموم اذا حصل وسرتي خبرينا عشان نعرف .. وسلامتج
للرفع
و خمت المكان و لكن في اخر لحظة فكرت تتصل ببوتيكاتهم الاصلية و تفاجئت ان الاغراض مب مثل
ما كاتبين 50% و 70% بل منقصين 100-200 فقط!!!! و طبعا رجعت الاغراض مكانهم و طلعت !!!
اغراضهم موووووول مب شي ..
بس الهنود والاجانب اللي يتشرون ..
السؤال مثل ماهو امبين من العنوان
خلونا نستفيد ونفيد غيرنا والي اتعرف لاتبخل علينا
يلا نتريا البنات
انا سرت اللي بالشارجه وعيمان كلهم مسوين تنزيلات بكل الفروع
..دوم التنزيلات يسونها هالمحلات قبل الاعياد و المناسبات الاجنبيه..
..^^..
/
بالحامل والمحمول ههه قولتً ريلي
الموهيم يالحوامل حبيت اعرف موعد التنزيلات متى
ماروم عاد افتر كل بوظبي ادور كل مول عسب اجوف جان شي تنزيلات ولا لا
ف بغيت الفزعه منكككككم للحين ماخذيت شي حقي بنتي
بربي ان شا الله ع بداية 10
وجان تعرفن كيف اتواصل ويا سنتر بوينت عسب كل فتره يطرشولي مسج جان عروضات وتنزيلات
وعادي لو عرفتن التنزيلات في اي اماره
واتريا الردو و و و ود
للرفع
بس باجي الاماكن ماعرف
وبالنسبة للمسجات
يوم بتسيرين المحل تعطينهم رقمج عشان يطرشون لج كل يديد
بقيت مساعدتكم ضروري ضروري و خصوصا كروشات بوظبي
بقيت أسالكم وين القي محلات أطفال و فيها تنزيلات يعني لو سمحتن لو قدرتن. تيبن لي كل محل و إذا فيه تنزيلات ولى لا
لأنه أنا من المنطقه الغربيه و أتعب من الطريق فا أبا أخذ سمان البيبي من ذلحين
بليز كروشات لا تبخلن علي لأنه هالاسبوع بروح و ضروري مساعدتكم
لأنه أنا ما أدل و لا ريلي لأنه مب دوم نأخذ من بوظبي
مثل ما قالت الاخت الي قبلي انا بعطيج اسماء محلات بس مو متاكده اذ مستمره التنزيلات انا مثلج استعد واجهز للبيبي
قبل يومين رحت المارينا وكان اغلب محلات الاطفال تنزيلات
بعد سمعت انه دلما مول عندهم تنزيلات ع محلات الاطفال
واذ بتروحين دبي افضل لج احس تنزيلات عندهم مستمره عشان المهرجان و الكولكشن عندهم اكثر بعد
انا اشترت للبيبي من محل شيكو بدبي مول عندهم اغراض روعه بس ماكان تنزيلات
واشترت من محل بريمامان في ابوظبي مول وكان تنزيلات ومعروفه اشيائهم راقيه
وفي عندج بوتيك بامبيني عندهم ماركات عالميه وعندهم كان خصومات بس اعتقد خلصت
انصحج تروحين المارينا او ابوظبي مول عندهم محلات اطفال روعه
ونكست عندهم تنزيلات بس مسكرين الي في المارينا بس موجود بدلما مول واغراضهم راقيه جدا
وموفقه
يبالج تقضين مقاضيج فيومين عيل عاساس تحوطين بين هالمولات عدل
بس حق الاندر وير و القماطات القماش العدله خذيعن من معارض ايوب تحصلينه صوب مدينه زايد وداخل مركز زايد التجاري …
اندر ويراته زييينه قطنته اصلية
و القماط ما شاء الله زين يسدج 4 و لا 5 لانهن بيض لا تكثرين
قمطي البيبي بالاول بهذا عقب لفيه بلفة ملونه
بالتوفيق حبيبتي