شحالكم بنات
حبيت اسدح موضوع احس اني افتقده في حياتي العائليه ..
بعد العيال الحياه تختلف بين الزوجين الوقت الخاص فيهم يتقلص و يستحوذ معظم الوقت الاطفال واحتياجاتهم و المدرسه و اذا لا سمح الله مرضو و ننسا انفسنا ..
بس مع الوقت و يكبرون العيال نكون تعودنا على روتين معين معاهم في حياتنا اليوميه و طبعا معظم تفكيرنا فيهم الله يحفظهم ..
بس انا الحين خلاص بعد الساعه 9 فليل اكون فااااظيه يعني هاي فرصه لنا انا و ابو عيالي لو مره في الشهر انا نطلع و نعيش وقت خاص فينا مثلا نطلع سنيما او نتعشا برا او نسير دام الجو اعتدل البر …
بس ريلي مش متقبل انا نطلع بدون العيال اي مكان لو مكان قريب يخاف عليهم بس عيالي خلاص كبار يوم يرقدون ما ينشون لين الصبح و طبعا ما بخليهم بدون حد نحن عايشين في بيت اهله و البيت ما شاء الله متروس اذا لا سمح الله صار شيء فيه حد في البيت بيتصرف يعني اقدر اخلي الخدامه و اوصي حد من البنات تقعد في قسمنا لين ما نرد و الكل يقولي طلعي و ما عليج من العيال نحن بنسدهم …
انا الصراحه ابا وقت لنفسي عشان ارتاح فيه لاني من اقوم الصبح و انا مع العيال لين ما يرقدون يعني ضغط بس الحمد الله.. انا دايما اطلعم العصر اشلهم و اوديهم المول و احوطهم و العبهم اردهم عقب المغرب يتسبحون و يتعشون و يرقدون ..
بس ابا وقت حقي و حق ريلي نرد نجدد حياتنا العاطفيه …
ممكن اعرف اراءكم و كيف تخصصون وقت خاص بدون عيال يعني و طبعا مش في البيت
حلو الوحده تخصص وقت لها ولريلها وبدون عيال ، انا احيانا ارقد عيالي من وقت ونسير انا وريلي نتمشى بالسياره او نتعشى فمطعم
نغير جو شوي حتى ريلي احسه وايد يرتاح يوم نطلع نفس هالطلعات..
والله يوفق الجميع ..*..
واستانسي وجددي الحب .. روحات ع البحر وسينما وجو رومانسي في مطعم .. وتصوري وياه للذكرى وممممممم بس
المشاركة الأصلية كتبت بواسطة مـــــريم 
واستانسي وجددي الحب .. روحات ع البحر وسينما وجو رومانسي في مطعم .. وتصوري وياه للذكرى وممممممم بسثانكس حياتي على النصايح بس المشكله انه فيه وقت بس ريلي ما يبا يسير بدون عياله يقول ما يرتاح يتم يفكر فيهم و حاولت اقنعه بس مااقتنع
مادري هذا حب فيهم ولا ملل منا خخخخخخخخخخ
