شحالكم طلاب وطالبات جامعة زايد .؟!
أنا قريب بخلص جنرال 2 و واااااايد محتارة بمسألة التخصص
فبالي تخصصين بس ماعرف شو الأفضل فبغيت مساعدتكم وأتمنى ماتبخلون علي بشي .. . .
أنا محتارة بين الـ
[ International Studies ] – International Affairs
والـ
[ IT ] – Security and Networking
فأبا أعرف .. عن كل واحد منهم ..
شو نوعية المواد اللي بدرسها ؟ كيفية طريقة الدراسة ؟ – مشاريع, بحوث, تقارير, كتابة – ؟
شو المهارات اللي لازم امتلكها لكل من التخصصين .؟!
وين أقدر أشتغل .؟ وشو نوع الشغل اللي راح احصلة ..
وبكون شاكرة لكم جداً على إفادتي ^_^
بخصوص تخصص أمن المعلومات فهو تخصصي في جامعة زايد فرع دبي و هني ردي على حد كان يسأل عن هالتخصص في ملتقى ثاني .. و إن شاء الله تستفيدين منه:
جوفي عزيزتي هالتخصص فيه نظري و عملي .. تدرسين عن الآي تي بشكل عام في كورس اسمه Intro. to IT and systems و هو من شركة السيسكو العالمية المعروفي في مجال الشبكات و بعد تدرسين كورسين عن البرمجة و على آخر التخصص بتاخذين مواد وايد مفيدة أحس مثل IT project management .. و طبعاً في هالتخصص بتدرسين عن البروتوكولات و المراحل اللي تمر فيها الرسالة مثلاً من انطلاقها من جهازج لين ما توصل الطرف الثاني و بتتعرفين على شي شوي معقد اسمه subnetting .. و عقب في المادة اللي عقبها بتبدين تتعمقين أكثر و بتعرفين كيف تسوين شبكة بسيطة و تبرمجين الراوتر بطريقة سهلة و حلوة .. عقب بتتعلمين كيف تبرمجين ال switch أتوقع يعني .. و بتاخذين مواد عن شو هو امن المعلومات أساسياته و أشياء متقدمة بعد مثل Ethical hacking
و هالتخصص بشكل عام حلو للجادة و اللي تحب التحديات .. و طبعاً بتاخذين يمكن ثلاث مواد أو أكثر من شركة السيسكو العالمية و ممكن تاخذين شهادة ال CCNA و هاي بتفيدج وايد عقب أقصد في مجال الشغل ..و التخصص في نظري و عملي يعني سالفة تسوين شبكة بسيطة بتستخدمين فيها وايرات و تشبكينها بالأجهزة عقب تبدين تبرمجين .. لاتخافين عادي تراها السالفة بسيطة مب معقدة .. النظري في كل مواد السيسكو هو اللي ممكن يكون دسم شوي أما باجي المواد عادي ..
هاي خطة تخصص السيكيوريتي من موقع الجامعة :
https://www.zu.ac.ae/main/en/colleges…t_sec_net.aspx
أما ال International studies فأكثر شي فيه كتابه و قرايه .. و ينفع للشخصية الجادة و اللي عادي عندها تكتب بحوث .. و في هاتخصص تتعرفين على ثقافات الشعوب و العلاقات بين الدول و سياسة النفط و غيره .. وعقب ممكن تستوين وزيرة – سفيرة و يقولون أصلاً هالتخصص ممكن يأهلج تشتغلين في أي مجال و الله أعلم ..
و هني خطة تخصص الإنترناشونال استديز :
https://www.zu.ac.ae/main/en/colleges…a_int_aff.aspx
عن نفسي أنصحج بأمن المعلومات أكثر ..
و أهم شي لا تنسين الاستخارة ..
أي سؤال ثاني أنا حاضرة .ز
انزين و فووين راح اقدر اشتغل ؟ وشو طبيعة الشغل اللي راح اشتغلة بعد ما اتخصص هالتخصص .؟!
.. واتمنى من طلاب الدراسات الدوليه يساعدوني بعد ^_^ .. ابا اعرف من رمستكم وخبرتكم فالتخصص غير الخطة بروحها ..
المشاركة الأصلية كتبت بواسطة خربوـوطة 
انزين و فووين راح اقدر اشتغل ؟ وشو طبيعة الشغل اللي راح اشتغلة بعد ما اتخصص هالتخصص .؟!
.. واتمنى من طلاب الدراسات الدوليه يساعدوني بعد ^_^ .. ابا اعرف من رمستكم وخبرتكم فالتخصص غير الخطة بروحها ..
هلا أختي ..
بالنسبة لأمن المعلومات ممكن تشتغلين في أماكن مثل شرطة دبي .. TRA ( هيئة تنظيم الاتصالات) >> هاي بعض الأماكن اللي البنات يدربون فيها فترة التدريب العملي و أحس يعني أي مكان .. تقريباً كل الأماكن تحتاج حد مسؤول عن الشبكة و أمن المعلومات فيها ..
شغلج ممكن يتعلق بال networking أو السيكيوريتي نفسه أو اثنينتهم ..
يعني مثلاً ممكن يقولون لج سوي شبكة و اتأكدي إذا كانت secure أو لا .. و أصلاً ها بروجكت نحن نسويه ألحين ..
و بالتوفيق .. إذاحابه روحي قابلي آساتذه كولج الآي تي نفسهم عسب يفيدونج أكثر .. خاصة لو كنتي فرع دبي الأساتذه وايد طيبين ماشاء الله .. بعطيج اسم المس اللي تروحيلها ..
و بالتوفيق
و اتفضلي ردها :
المشاركة الأصلية كتبت بواسطة عذبة الالحان 
عرفيني عن نفسج وعن تخصصج؟
International Studies – International Affairs
2- لماذا قمتي باختيار هذا التخصص بالتحديد لدراسته في جامعة زايد؟
لأني أحب هالمجال ومافي شي ثاني شدني فالجامعة غيره
3- ما هي طبيعة الدراسة فيه بشكل عام؟ (نظري أم عملي، حفظ أم فهم) وغير ذلك ..
يعتمد بس تقريبا التخصص يتضمن عن مواد تتكلم عن التاريخ (حفظ)
4- شو هي المواد التي تدخل ضمن هذا التخصص؟
في مواد تتكلم عن التاريخ وشي علم اجتماع وشي نظريات سياسية
5- هل يتطلب فيه العمل بشكل مفرد أم مع الجماعة؟
على حسب
6- كم يجب أن يكون المعدل لدخول هذا التخصص؟ وكم معدلج؟
فوق ال 2
7- ما هي المهارات المطلوبة التي تؤهل أي طالب لدراسة هذا التخصص؟
الكتابة ، القراءة، التفكير الناقد.
8- ما هي الأنشطة (داخل أو خارج الحرم الجامعي) التي يمكن أن تساعد في تطوير المهارات المطلوبة؟
نروح ندوات بس يعتمد على السير اللي يدرسج
9- ما هي أهدافج المهنية وما هي خططج المستقبلية؟
إن شاء الله بكمل الماجستير
10- أين تتوافر فرص العمل في هذا التخصص؟
وزارة الخارجية – شرطة دبي- المطار – السفارة الامريكية او الاسترالية – التشريفات – النيابة العامة – هيئة تنمية المجتع …الخ
11- إنتي على وشك التخرج؟ فكرتي في أي جهة عمل (سوف تعملين)؟ ولماذا؟
باقي سنه ولين الحين ما فكرت فالدوام
12- هل تهتمين بالأمور المادية؟ وكم تتوقعين يكون راتبج الشهري عند استلامج للوظيفة؟
لا
13- تعرفين شخصا ما درس نفس تخصصج؟ وشو انطباعج عنه؟
لا
14- هل فكرتي يوما بتغيير مجال التخصص الذي أنتي فيه الآن؟
لا
15- ما هي الصعوبات التي واجهتيها في مجال تخصصج؟
ولا شيء الحمدالله لاني حابه هالمجال
16- هل تنصحين الآخرين بدخوله ولماذا؟
هيه أكيد لان في هالمجال أحب أشوف خواتي المواطنات في أعلى المراكز وخصوصا في مجال السياسة .
17- عندج شي خاطرج تقولين؟
نصيحة لكل بنت دخلت جامعة زايد انها ماتتهوان بدارستها لان الاول والاخير أمنية المرحوم الشيخ زايد إن المرأة تحصل على التعليم وتوصل لأعلى المراتب.
وشكرا
أختكم عذبة الألحا
و ها رابط الموضوع كامل لو حبيتي:
https://forum.uaewomen.net/showthread…tional+studies
و بالتوفيق ..
ومن نظرتكم شو تحسون أحلى بين التخصصين ؟ وتشجعوني على أي واحد بينهم ؟!
من وجهة نظري أحس الإنترناشونال استديز يباله شخصية جرئية واثقة و عالي عندها مهارات التواصل عالية و عادي عندها تكون في وجه المدفع أو وجه الكاميرا مثل ما نقول .. ممكن تستقبلين وفود .. إذا صرتي وزيرة و لا سفيرة يعني تجتمعين ويا الشيوخ و غيره أو ممكن تسافرين لبلد ثاني عسب تمثلين الإمارات هناك إذا صرتي سفيرة .. ممكن تدشين المجلس الوطني في يوم من الأيام >> يعني حطي هالأمور في بالج >>
أما الأي تي أحس يمكن يكون أصعب و فيه تحديات أكثر بس على الأقل ينفع للشخصيات الخجولة أو يعني الهادية ..
فجوفي شخصيتج كيف .. و الأهم استخيري عزيزتي..
أما
