( اللهم صل و سلم على سيدنا محمد )
شخباركم خواتي عساكم بخير و مرتاحين . .
اليوم يايبتلكم سكراب للجسم مفعوله سححر سحححر جد جد عجيب
( اتكلم عن تجربه )
اكيد كلكم او الاغلب سمع عن سكراب و مقشر القهوه فرانك هذا السكراب او المقشر يسوونه في استراليا
و من مقادير طبيعية و متوفره ف كل بيت.
بس للاسف الشديد التاجرات ربي يهديهن يبيعونه ضعف سعره الاصلي.
من جي قررت اليوم اشارككم طريقة هالسكراب العجيب .. اول شي بقوللكم فوايده
١- يخفي خطوط السيلوليت من الجسم.
٢- يوحد لون الجسم.
٣- ترطييييييب مش طبيعي.
٤- يخفي اثار حب الشباب.
٥- يخفف من الاكزيما.
٦- يخفي اثار الجروح و الحروق.
٧- يزيل التشققات في القدمين.
هذا السكراب يستخدم للجسم و للوجه.
كل اللي تحتاجينه ( كوب قهوة – كوب سكر – ملعقتين كبار ككاو بودرة – ملعقة كبيرة قرفة – نص كوب زيت جوز الهند )
ملاحظه** ( القهوة مش القهوة العربية ولا قهوة النيسكافيه ) تكون ground coffee قهوة عادية موجودة ف كل الجمعيات و السوبرماركت.
ملاحظه** ( إذا ما توفر عندج زيت جوز الهند تقدرين تستبدلينه بزيت اللوز أو زيت الزيتون ).
هالكمية بتم عندكم ل كذا استخدام.
طريقة الاستخدام :
بعد الاستحمام يكون الجسم مبلل شوي و تفركينه على جسمج كامل مع الرجلين و القدمين بحركة دائريه و يترك على الجسم لمدة ٥ إلى ١٠ دقايق إلى ان يجف.
بإمكانج تستخدمينه ٣ إلى ٤ مرات بالاسبوع.
و بسسس
(( صدقوني يا بنات هالسكراب واايد وااايد بيفيدكم و اللي تعاني من جفاف بشرتها بعد وايد بيفيدها ))
و صحح لا تحطونها بالثلاجه لان زيت جوز الهند بيتجمد.
و إن شاء الله كلكم تستفيدون منه
إدعولي بنات ربي يسر اموري و يحقق لي اللي فبالي
و مع السلامه
يعطيج العافيه
يزاج الله خير
لو انتي حامل ما انصحج لان فيه كافيين بنسبة عاليه بس انصحج بزبدة الشييا فنانه للحوامل
اما بعد الحمل ف عادي
لانه الاغلبيه يقولون سكراب القهوه يضعف
مشكوره حبيبتي
بس القهوه هيه العاديه اللي حبها اخضر صح؟
وماتتحمر؟