ارجو واتمنى مساعدتي في الموضوع هذا لانه صدق هب عارفه شي عن ماليزيا….يعني اول شي ابا اعرف شو المكاتب السياحيه ايلي اتعاملتوا معاهم في بوظبي او حتى دبي وبغيت اعرف كل شي عن ماليزيا افضل الاماكن والفنادق الخمس نجوم والمراكز والملاهي وياريت لو حد يفيدني وضروري اب السعار التقريبه لتمضيه 10 ايام في ماليزيا…..وسفرنا بيكون فس شهر 12 فياريت افادتي بالمهم اشكركم مقدما
بحاول افيدج بمعلوماتي انا شهر 5 كنت هناك ومسويه سيرج ورتبت رحلتنا ومب اول زياره لي
اول منطقه لازم لازم نزورها ونيلس فيها يومين الي هيه منطقه اسمها صن واي لاقون تبعد عن العاصمه 45 دقيقه
واقرب للمطار يعني نرتاح فيها وهيه عباره عن فندق ومول والعاب مائيه وحديقة حيوان وحديقة العاب
وكل هالاشياء مع الفندق يعني ما تطلعين برع
ووايد حلوه بترتاحين فيها والمول روووعه مالهم مثلا نخلي يوم للحديقه والمول وفي مكان قريب منهم اسمه الماينز وندرلاند عباره عن حديقه بعد ومول وتطلعين بقارب من المول يحوطج ويرجعج المول وهوه قريب من منطقة صن واي عشر دقايق وبعد عن هالمنطقه في فندق عندال هالفندق اسمه صن واي برايميد وثنينتهم حلوين
طبعا بخصوص الاكل لا تحاتين في مطعم ايراني هناك اكله حلال ومطعم لبناني فالمول اسمه طربوش ومطعم هندي خلصت من هالمنطقه
تقدرون بعدين تسافرون الى منطقه داخليه اطل على البحر اسمها لانكاوي حلوه فيها شلالات ورحلات وعالم البحار نحن كنا ساكنين في فندس اسمه بلانجي بيتش عباره عن اكواخ الفندق على البحر تغير
او تسافرون الى منطقه اسمها يبننج نحن سفره رحنا فيها المنطقه الاولى وسفره ثانيه رحنا المنطقه الثانيه الانهن نفس الفكره كلهم على البحر ببنج فيها حديقة الفراشات والتوابل وعالم البحار وحديقه الفواكة ووو حديقة الحشرات المضيئه فيها اماكن حلوه
بعدها تقدرين تروحين الى العاصمه نحن متعودين نسكن في فندق عند الابراج 5 نجوم حلو وراقي وهادي اسمه مندرين اورنتال وهذا الفندق ميزته قريب وايد من الابراج وحذاله مركز كبير اسمه سوريا فيه مطعم ايراني وهندي وماكدونلز وتقدرين تروحين منطقه العرب قريبه بس نحن نخلي هاليومين حق هالمنطقه عند المركز في حديقه بسيطه فيها نافوره تقدرين تيلسين عقب العشا تشوفين النافوره او تتمشين العصر فالحديقه فيها العاب بسيطه يعني مريحانه وهالسوالف حق الصغار
عقب نروح ناخذ سياره ونروح منطقة جنتنج فوق اليبل بارده وايد فوق الغيم في ناس يروحون ويرجعون في نفس اليوم بالتلفريك بس نحن نحب نيلس فيها على الاقل يومين فيها العاب وحديقة العاب كبيره ومركز وفيها مطعم هندي اكله غاوي وبعدين نرجع للعاصمه
ونروح نسكن في شارع العرب وايد فنادق هناك حلوه
ونخلي هالفتره حق المشاري وكل المطاعم العربيه عندالنا
روحي سوي سيرج عن احسن الفنادق في المسافرون العرب وشوفي الصور واختاري الفنادق الي تناسبج
والسموحه 
انا وانتي بنروح في نفس الوقت حصلت هذا الموقع وفيه معلومات وايد مفيده وناس حجزوا عن طريجه:
تامه في بالي وقلت الا اخبرج.
موفقه
