بداية المشكلة اني يبت خدامة اندونيسية ومن يوم يات ما كله اجوفها تعبانة واخر شي اعترفت لي ان هي هي طايحة فالحمام وشي صابها واتعالجت مع مطوع بس مع ذلك ما شفت زين
طبعا اعترفت بعد ما خلصت الفترة اللي هي شهرين بالضبط اللي هم شهرين اللي انجربهن فيهن يعني اول شهرين
وكل حياتها تبا اتنام
وهي للحين كملت معاي سنة واربع شهور ومن شهرين شفت عندها زلاغ ( جراب ) ريلي بس طبجة وحدة ويوم رحت ارتب اغراض ريلي سويت عمري ما اعرف وين راح الجراب فسألتها في جراب مال بابا الطبجة الثانية وين اول شي سكتت وبعدين سوت عمرها اونها قاعدة ادوره وما حصلته
ازين فطوفت ليها ها الشي بس يوميا اراقبها شو تبا اتسوي بها الجراب ولين الحين الجراب عندها وانا دوم افتش اغراضها
وفي مرة كنت انا وريلي وبنتي بنظهرالسوق فقلت ليها اكوي غترة بابا بس انتبهي قبل اذا الكوايه وسخة نظفيها وانا قاعدة فالصالة اشوفها راحت اتييب البيجامة مالت بنتي واتحط فيها ماي واتنظف الكوايه وايها انا وعيوني ظاهرة على برع واشرشحها تشرشيح واعطيها كف من الخاطر
ومن 6 شهور ضاعن عني خاتمين ذهب
ومن فترة اشوف بنتي اتسوي حركات خايسة ( اسمحولي ما اقدر اقول ها الحركات ) السبالة الخدامة هي اللي معلمتنها والا الياهل ما يسوي شي من دون محد يسوي حذاله
يعني بنتي قامت اتسوي حركات مع انه بنتي عمرها سنة و7 شهور
الحين انا انشاء الله بسفرها جريب لاني تعبت وايد نفسيا
بس انا الحين خيفانة لاني عاطيتنها اغراض من اغراضي مثل ملابس وبوك وغيره وايد ……
انا الحين يوم بقول الها انها بتسافر بتستغرب لانها ما كملت سنتين ويوم بتيي اترتب اغراضها فالشنطة
الحين انا ابغي شوركم اغراضي اللي عاطيتنها انا ليها عادي اخليها اتشلهم او اخذهن من عندها وافرهم فالزبالة
لان الاندونيسيات معروفات بشتى انواع السحر اخاف اتشل كل الاغراض ويوم توصل بلادها اتسوي سحر سبحان الله
الحين شو رايكم اخليها اتشل اغراضي اللي عاطيتنها ليها او لا مثل البوك والملابس
لاني وايد خيفانه منها
فاللي عندها خبرة فالطيران تقول لي ارخص طيران ايودي لين اندونيسيا
شكلج من النوع الزياغ ,,, حبيبتي اتحصني بسورة البقرة وبالقرآن وما عليج منها لانه الله اكبر من السحر وغيره وعليج بالقرآن وحصني نفسج وبنتج وريلج ويوميا حطي سورة البقرة تنقرا فالبيت لانه البيت اللي ينقرا فيه ما تدخله الشياطين ,,,, وبعدين بنتج لاتخلينها عند الخدامة عن تسوي فيها شي حاسبي عليها وحطي كيمرة مراقبة على الاقل عسب تعرفين شو يستوي خاصة فالاماكن اللي تيلس الخدامة فيها وايد ,,,,,,,,,,,, حتى لو الخدامة كانت زينه ومحد احسن عنها لا تأمنين بعد حطي وخليها تعرف بعد عشان تخاف وما تسوي شي
وعلى طاري ارخص طيران والله ماعندي فكرة بس تعرفين اذا بغيتي تلعوزينها احجزيلها ترانزيت يعني تنزل فكذا بلد قبل ماتوصل بلدها عشان صدق تتبهدل ويضيعن اغراضها
وتحياتي
وعالطيران والله ما عندي فكره بس خذيلهاا ترانزيت ع كم من مكاان
وهي مش مضلومه لو ادعت عليش ما بيتقبل دعوتها ان شاء الله……
بعدين الغاليه حرام اللي اتسوينه دام ان البشكاره غلط كان المفروض اتعلمينه هب تصفعينها
وبعدين اذا انت من البدايه شاكه فيها كان المفروض اتسفرينها هب اتخلينها عندج
واسمحيلي ما عندي علم عن طيران اندونيسيه
والسموحه منج
نحن كانت عندنا شغاله كنا نشك بتصرفاتها و سوينالها جذه و حتى الوالده عشان تبري ذمتها خذت عنوانها و طرشتلها وااايد اشياء…
حاولي تستعيلين و لااااااتبينين لها اي شي نهائياً على قد ماتقدرين لو عرفت عااادي تروحون فيها و تبتلون بسواياهم
