خواتي الغاليات
ابغي منكم نصيحه وكيف اتصرف
اهل زوجي دايما يروحون اعراس وزيارات وبعدين يقعدون يتكلمون قدام زوجي عن الحريم والبنات مثلا يقولو البنت هذي حلوه وايد وهذي كان لبسه حلو وهذي شعرها وهذي لونها وهذي جسمها وتعرفون الوحده منا تغار ع زوجها بس في نفس الوقت ما ابغي اظهر لهم ان هالشي يضايقني اخاف يمسكونها علي انصحووووووني
ابغي منكم نصيحه وكيف اتصرف
اهل زوجي دايما يروحون اعراس وزيارات وبعدين يقعدون يتكلمون قدام زوجي عن الحريم والبنات مثلا يقولو البنت هذي حلوه وايد وهذي كان لبسه حلو وهذي شعرها وهذي لونها وهذي جسمها وتعرفون الوحده منا تغار ع زوجها بس في نفس الوقت ما ابغي اظهر لهم ان هالشي يضايقني اخاف يمسكونها علي انصحووووووني
للاسف الاغلبيه جييييه
بس انتي يوم اتييبينها يبيها من باب النصيحه سواء تكلمن جدام ريلج او غيره
فيه احاديث دينيه واااايد تحرم هالشي
فهميهن بخطورة هالشي وانه حرام وهب زين وصف الحرمه جدام الريال
حرام يمكن هم مايقصدون شي ,,,
وريلج يمكن ما اتكون اذنه معاهم ,,, او يمكن ما يهتم ف هالشي
وريلج يمكن ما اتكون اذنه معاهم ,,, او يمكن ما يهتم ف هالشي
انتي لاحظي ريلج اذا كان ينتبه ويستمع لهم هني خافي وكلمي حد من حمياتج ان هالشي حرام وانج ما ترضين ان هالكلام ينطرى عدال ريلج
وثانيا اذا حسيتي انه ما ينتبه لهالسوالف حاولي انج تيلسين عداله وهو يرمسون وتشغلينه بالسوالف او سيري غرفتج وسوي عمرج تبينه بسالفه
انا مثلا حمياتي جيه يرمسون عن فلانه وفلانه انا استغرب ممنهم كيف ما يستحون يطروون هالسوالف حذال اخوانهم بس احسه ما يهتم بالعكس ييلس يهزبهم ويقولهم عيب اسيرون عرس الناس وعقب تحشون فيهم بتاخذون ذنوبهم
وثانيا اذا حسيتي انه ما ينتبه لهالسوالف حاولي انج تيلسين عداله وهو يرمسون وتشغلينه بالسوالف او سيري غرفتج وسوي عمرج تبينه بسالفه
انا مثلا حمياتي جيه يرمسون عن فلانه وفلانه انا استغرب ممنهم كيف ما يستحون يطروون هالسوالف حذال اخوانهم بس احسه ما يهتم بالعكس ييلس يهزبهم ويقولهم عيب اسيرون عرس الناس وعقب تحشون فيهم بتاخذون ذنوبهم
فعلا للاسف وااايد يتكلمون جدام ريايلهم عن اللي شافوا ف الاعراس وهذا حرااام
حاولي انج تنصحينهم بطريقة حلوة او تناقشي معاهم بصورة غير مباشرة بأنج تفتحين موضوع او تقولين لهم قصة عن سالفة الكلام عن بنات الناس وان يكون فيها عظة وعبرة يمكن ساعتها بينتبهون او يحسون من غير ماتضايقينهم
مثلا اطري جدامهم انج كنتي تخبرين ربيعتج عن بنات شفتيهم فالعرس جان تقولج ربيعتج انه حرام هالسوالف وانتي عاد خلي اسلوبج جدام حمياتج انه اونج عاد مستغربه انه حرام وما كنتي تدرين وتمي استغفري جدامهم وقولي يالله تسامحني ماكنت ادري
الله يهدي الجمييع
