اول مره اشارك اكتب موضوع في الطبخ بس ان شاءالله ينال اعجابكم وقولولي شو رايكم
بسم الله الرحمن الرحيم
ااااااالمقادير……………[CENTER]
2كوب رز بسمتي منقع
دجاج مقطع وتنزلون الجلد
روب كوب ونص
كزبره ونعناع اخضر
وحبه طماطم
ليمونه1
وزيت
وحبتين بصل
وثوم وزنجبيل مطحون مع بعض
والبهارات
كركم
وفلفل احمر
وبهارخاص حق البرياني دجاج يبيعونه في سوبرماركت يجيلج في كرتون صغير
وملح
الطريقه …….
احط فوق الدجاج روب واخلطه واحط البهارات وثوم وزنجبيل وكزبره ونعناع مفرومه وشوي زيت وطماطم مقطعه واحركه واحطه على نار لين ينجح الدجاج بس اهم شي النار هادئه اول شي تزيدين لين يفور وبعدين تنقصينه وكل شوي تحركينه علشان مايلصق
واقطع البصل شرائح مو دوائر تقصين البصل نصين وتقطعينه وتقلينه في الزيت لين يصير لونه ذهبي وخليه على جنب
وافور الرز لين ينجح
واخليه على جنب
وكزبره ونعناع مفروم
وعصير ليمونه واحده
اسكب نص رز في الجدر وبعدين الدجاج والخليط واسكب النص الباقي ومن فوق احط بصل المحمر وكزبره ونعناع وعصير ليمون
ولون اصفر وبعدين تغطينه بورق القصدير وخليه على نار هاديه
وهناء وعافيه عليكم ان شاء الله يعجبكم بس ان شاء الله مانسيت شي
اتصورين لنا .. بصراحه شهتينا للبرياني ..
تسلم ايديج يالغاليه ع البرياني
