أنا مشكلتي يمكن شوي غريبة أو يديدة
عندي احمرار على الوجنتين، هالاحمرار مش دائم، يعني يوم أكون مرتاحة أو تحت إضاءة خفيفة يبدأ الاحمرار يخف بس يوم أكون مضغوطة أو تحت إضاءة قوية أو أشعة شمس أو حتى على اللاب يبدأ الاحمرار يكون واضح …وخاصة أن عندي شوي آثار حبوب لونها أحمر فيوم يكون الاحمرار خفيف ما تبين، ويوم الاحمرار يكون واضح تبين كأنها حبوب مب آثار.. مدري شو هالمشكلة صراحة
وأنا من راك و أحس الدكاترة اهني ما يفهمون شيء، تعرفون دكتور زين سواء براك أو امارة ثانية لأني صدق تعبت من هالمشكلة، وفي حد استوالها نفس هالمشكلة…
شكله بشرتج حساسه
لازم تسيرين عند دكتور جلديه
ان شاءالله بنات راك يفيدنج
بلاشر طبيعي *-* ، احس بالعكس حلوو
الافضل تروحين لدكتور جلديه
ف راك يمدحون دكتور خان هندي بس مااعرف بالضبط وين عيادته
وانصحج اتسوين ماسكات طبيعيه
مشكلتج مب غريبه ولا شي اختي
انتي عندج العد الوردي هذا اسمها بالعربي او الورديه
ما نقدر نعتبره مرض لكنه حاله مالها علاج نهائي ووصفها بالضبط مثل ما قلتي طالما انتي داخل البيت تلاحظينها خفيفه ومن تظهرين تحسينها تظهر للعيان مثل ما يقولون
ما منها مضره ولا خوف الحمدلله بس اهم شي تعرفين تتعاملين وياهاالفاونديشن لازم التون يكون على اصفر عسب يخفي الاحمرار هذا ولا تستخدمين الفاونديشن الوردي لانه بيظهر لونج مب طبيعي
يوم بتسوين فايشال لازم ما تستخدمين البخار
الجو الحار في العموم يزيدها والاكل السبايسي بعد
الكريمات اللي فيها عطور احتمال تهيج البشره عندج (قلت احتمال لان في ناس ما تضرهم )
واستخدمي الواقي من الشمس دايما
انتي عندج العد الوردي هذا اسمها بالعربي او الورديه
ما نقدر نعتبره مرض لكنه حاله مالها علاج نهائي ووصفها بالضبط مثل ما قلتي طالما انتي داخل البيت تلاحظينها خفيفه ومن تظهرين تحسينها تظهر للعيان مثل ما يقولون
ما منها مضره ولا خوف الحمدلله بس اهم شي تعرفين تتعاملين وياهاالفاونديشن لازم التون يكون على اصفر عسب يخفي الاحمرار هذا ولا تستخدمين الفاونديشن الوردي لانه بيظهر لونج مب طبيعي
يوم بتسوين فايشال لازم ما تستخدمين البخار
الجو الحار في العموم يزيدها والاكل السبايسي بعد
الكريمات اللي فيها عطور احتمال تهيج البشره عندج (قلت احتمال لان في ناس ما تضرهم )
واستخدمي الواقي من الشمس دايما
بس والحمدلله امورج بخير وما بلاج شي
ادخلي النت سوي سيرج عن هالحاله وثقفي نفسج عنها
