مرحبااااا خواااااتي
الله يسلمكم … انا اظافري اول صح انهم بطيئين في النمو يعني اخذ شهور عشان يطولوا …بس في الحلقه الاخيره يطولوا …. ومن سنه تقريبا …. موليه مايطول الظفر طشه الا هو منكسر
اي شي يكسره والنمو بطيئ جدا جدا جدا جدا ….حتى يأست …. وقمت اتمنى يردوا شرات قبل بس ماكو فايده
فيوم من الايام شفت بنت خالتي…. كانت امخلصه الاربعين
وتفاجئت من شفت اظافرها طواااال وصحيه وقووووويه ماتنكسر
وهي اصلا مافيها اظااااااااااااافر…..كانت تاكلهم من كثر السترس والضغوطات ….. يعني حتى ظفر ماشي وكنا دووووم نقولها لا تاكلي اظافرج
قلت الها اموله شو هالاظافر ؟ كيف جيه ؟
فقالت لي والله يا شوشو قمت كل يوم افركهم بفص ثوم وليمون…. وبدوا يطلعوا ويطولوا واللي يشوفني الحين يقول امركبه اظافر خاصه اذا شايف اظافري قبل
طبعا انا ماكدبتش خبر
ومن رديت بيتنا على طوووووووووووول للمطبخ اللي جزني من كثر مايشوف رقعة ويهي فيه خخخ
خذت فص ثوم ( مب راس كامل ) وقمت افرك به اظافري ومعاهم ليمونه وحده …واتسلى طول الوقت بهالشي
بعدين شفت عمري اتعايز كل يوم اسير المطبخ ايييب لي هالفص والليمونه
وعاد انا اكبر عايزه فالبيييت
فاخترعت هالطريقه البسيطه اللي سهلت علي واااااااااااااااااااااااااايد واااااااااااااااااااااااااااايد ومعاي طوووول الوقت …وانا راقده …وانا منسدحه …وانا اطالع التيلفزيون اسويها بكل سهوله
الادوات اللي نحتاجها للحصول على اظافر طويله وقويه جدا لا تنكسر بسهوله …وصحيه تلمع
( 1 )
غرشة طلاء اظافر فاضيه …… وياحبذا الللي فيها اللون الشفاف او حتى اي لون …. عقموها وحطوها فماي يغلي…لين مايطلع كل اللي فداخلها وتتنظف ….. او ممكن تستخدموا اي زيت ينحط للاظافر من هالامور الصحيه اللي تنباع فالصيدليات …بشرط انه الغرشه الصغيره تكون بفرشاتها عشان اتسهل عليج المهمه
( 2 )
فص ثوم …. دقيه …يسد فص واااحد ….
( 3 )
زيت زيتووون ….. هالزيت اعشقه حد الجنوووون
(4 )
نص ملعقة عصير ليمون ….. نسيت اضيفه البارحه
الطريقة
بعد ما نظفنا غرشة المناااكير ….. ودقينا فص الثوم …… نخلط الثووم مع الزيت …. ونخليه شوي ع الخفيف يحر ع النار …. ومن يبرد انزيد له الليمون ونحطه داخل غرشة المناااكير
ترى ع فكره الغرشه صغيره …. يعني من كل شي طشه … فص صغير ثوم .. ملعقة زيت زيتون مال طعام …ونص ليمون …وبتتنترس الغرشه …وتقدري تستخدميها لمدة اسبوعين ….وكل ماخلص زيدي زيت زيتون ….الثوم المدقوق دخلوه داخل الغرشه …يكون يتم طول الوقت وفايدته تكون فيه
وبهالطريقه تكوني سويتي مناكير بالثوم والزيت زيتون (:
حطيه على اظافرج فاي وقت وبكل سهوووووووووووووله ….. وسويله شوية مساج الظفر …. وفغضون اسبوعين او اسبوع حتى اللي مافيها ظفور موليه بتطلع ظفورها …واللي اظافرها تعبانه وتنكسر من ادنات حركه …بتتغير وبتسوي صلبه تفتحيبها علبة البيبسي بعد خخخخ
ملاحظة
هالماسك يعتبر مفيد جدا للاظافر…تقدري تضيفي له نقاط من زيت الخروع بعد مفيييد جدا …. وتقدري تضيفي بعد زلال البيض لانه يغذيه اكثر والبروتين جدا مفيد للاظافر ..والنتيجه بتكون اروع واروع
انا ايدي تغيرت …هي طبعا كانت حلوه …بس صارت احلى …. حتى رديت احط فريش مناكير شرات الخلق …
اللي اظافرها معدومه وتاكلهم ….تخلي عندها عزيمه … وتستخدم هالطريقه وبتتغير ايدها 180 فغضون اسبوعين فقط …. تقدر اتحط من هالزيت والثوم ثلاث او اربع مرات فاليوم …مايباله شي …..واللي اظافرها مو قويه وتعبانه …فغضون اسبوع بيتغير كل شي
ولا تنسوا تدعولي كل ماتشوفوا على ايدكم واظافركم (:
واللي تبى تنقل الموضوع حلال عليهااااا
تحياااتي
شوشو
ام الايادي الحلوه
عاااشت ام الايادي الحلوووووه …
ييتي ع الجررررح … انا ظفووووووري ولله اتم شهووووووور يالله يالله يطلعون و تعالي عاد عقب يستون اووك و كل من يشوفهم يقولي حلوات ومادري شوووو و من ارد البيت اللقاهم متكسرين 
اهئ اهئ
بس ان شاء الله اذا الله احياني لين بااااجر بسوي طريقتج الحلوه يا ام الايادي الحلوه ..
مشكوووووره فديتج والله يعطيج العافيه ويقوي ظفورج اكثر واكثر 
انا كانوا يتكسروا وينقصوا بمجرد احك راسي….جان ريتوا شعره تقص ظفر
افتح باب السياره يطش ظفر
اي حركه صغيره ينكسر تعبت ومليييييييييييييييت …. بس مع الثوم واللومي والزيت صرت ماخاف من اي حركه متهوره
جربيه وبتدعلي
شوشو
(:
ما يترك ريحة على الاظاافر
خخخخخخخخ انا ماهتم اظافرى اكبار ولا اصلا ماحب اطولهم اتجززبالعكس يوم اقصهم تعيبنى ايدى اكثر سبحان الله انا عكس خخخ
اهم شي تغسليه بعد مايتشرب ظفرج للزيت وتشوفيه جااااف
وبعدين اللي اظافره تعبانه ومافيها حياه وتتكسر بسرعه ماتهمه ساعتها الريحه وغيرها
اهم شي النتيجه
وبعد ماتحصلي النتيجه تقدري توقفي عنه …..
انا بصراحه بمجرد ماغسل ايدي تروح الريحه ….وبالعكس انا يمكن ادش الحمام وانتو بكرامه عشرين مره فالساعه …كل شوي اغسل ايدي مادري شو فيني….واظافري ماشاء الله تغيروا واااااااااااااااايد كل حد يطالع ايدي يوم ارمس ….
حتى صرت اسويه ليدتي وامي وخالتي وكل خواتي جربوه والنتاااايج مبهررررررررره
دوروا فالنت وابحثوا عن تقوية الاظافر طبيعيا وشوفوا العلاج
شوشو
.. قبل اظافري ما شاء الله روووووووووعه والكل يتغزل فيهن .. بس احين تتكسر بسرررررررعه ونموهن بطيييء يطفر بي ساعات احس يطولن حد معين وخلاص ما يطولن عقبه وفوق هذا متقصفات واايد خصه الاطراف تلقين خمسييييين الف طبقه وهذا يخليهن يتكسرن بسرعه ولا اذا تسبحت ارف خلااااص بيموتن وينتحرن ما اطلع الا و كم واحد مكسور واللي اخترب .. يعني حاااااااااااله <<<< ذكرتيني بالمعاناااااااااااااااه شو يسكتني احييييين .. تحملي عاااد ههههههه
ان شاااء الله بجرب طريييييييييييقتج وارد ابشرج .. والله بدعييييلج من كل اعماق و شرايين واوردة قلبي ^^
