خواتي مشكلتي انا موظفة صار لي تقريبا 8 سنوات والمشكلة ما عارفة كيف ادبر اموري المادية ,,,يعني تخيلوا تعبت كل هالسنوات وكديت و فالنهاية ماسويت لعمري شي,,,يعني لا عقار باسمي ولا رصيد استند عليه لا وعلي سلفة بعد,,,اللي باقي شوي ويصيبني خبال منها,,,نفسي اقوم يوم واحصل ما علي دين,,,,لاني يوميا افكر فيه وشايلة همه,,,والمشكلة حتى ريلي ما مسوي شي ولا عنده املاك ودايما انا وياه على خلاف بسبة هالموضوع واقوله لازم اسوي شي لمستقبلي وولدي,,,والله تعبت من كثر التفكير,,,,نفسي يكون عندي بيت مثل الحريم واتهنا بحياتي,,,,,لانه بسبة هالموضوع دايما احس بضيق نفسي(والله العظيم) ومامرتاحة كحياة زوجية حتى,,,,لانه دايما مشغولة كيف احسن وضعي واسوي شي ينفعنا انا وزوجي ويبعد هالرتابة والملل اللي انا معيشة نفسي فيه….شوروا علي هل انا مكبرة الموضوع ولا من حقي وكيف اوازن الامور ف حياتي وكيف ارتب وادبر اموري المادية وكيف اتخلص من ديني اللي مسوي لي اكبر هم ف حياتي والعياذ بالله
وتقبلوا حبي واوقات سعيدة
سووا جدول محدد للمصاريف والتزمي به التزام صارم
والله يوفقج حبوبه
كل يوم حطوا فيها 50 درهم للواحد
بالشهر بيكون 1500
بالسنة بيكون 18000 الف
يعني اذا انتو الاثنين تحطون
بتجمعوا مبلغ 36000 الف بالسنة
اعتقد ان المبلغ محرز ويسد ديون
انتو احسبوا كم ديون عليكم
وبهالطريقة كم يبالكم من سنة عشان تسددوها
وبس تخلص الديون سووا نفس الطريقة عشان البيت
مثلا تحطون 100 درهم
بالشهر 3000 الف درهم
بالسنة 36000 الف درهم
هذا للشخص الواحد
يعني اذا تحطون انتو الاثنين
بيصيرالمبلغ بالسنة 72017 درهم
يعني على 5 سنين 360 الف درهم
مبلع معقول عشان بيت على قدكم
صدقيني هاي طريقة تفيدكم وايد
بس بشرط
الحصالة ماتكون تنفتح
عشان ما تقولون نفتحها وناخذ منها وبعدين نرد جيه ما بتجمعوا ولا فلس
يعني الحصالة لازم تكون من طين
تحطيها في مكان آمن عشان ما تتكسر
ويوميا قبل النوم تحطي انتي وريلج المبلغ المتفق عليه
وان شاء الله تتسهل اموركم
اتمنى اكون فدتج
والله يوفقج
بس الاستثمار ما تضمنيه يمكن تربحي ويمكن تخسري
انا عن نفسي جربت فكرة الحصالة ونفعتني
كنت ابا اسافر وما عندي مصاريف السفر وسويتها لمدة سنة جمعت حق السفر وزيادة بعد
انتي جربيها شهر او اثنين على الاقل بتنقص عنج شوية ديون
هذا رأي وان شاء الله البنات يفيدونج اكثر
الله يوفقج
