خواتي بس حبيت افتح موضوع………
كيف الواحد يبدا صفحه جديده ويترك الاحقاد والعداوات وراه ……..
حاسه ان هذه الشي يستهلك مني الكثير ….. 
وحابه اقول ان الواحد …… لازم يصفي قلبه …..
ويبدا صفحه جديده وينسى ……
واذا اي حد زعله او جرحه ينسى ……الناس مب كلها واحد ……. ومب كلها مثاليه ……. يعني في ناس تحبك في ناس تكرهك
والواحد اذا صابه شي يزعله فبيكون من يده واذا شي مكتوب شو يسوي بعد…… الانسان يضل قدرته محدود…..
واذا حد تشمت فيك او ضحك عليك او شاف نفسه عليك يعني تكبر …….. شوفيها بعد ……..الناس كل واحد يرى الغير بمرآته ……او تفكيره …. او قلبه
كل واحد له معيار ………. فنحن مابنقيس اعمارنا بكل الناس يعني كل من هب ودب ……….
والحمدلله على نعمة الاسلام والايمان ……
وبخصوص النظره الدونيه للنفس ….. فشي طبيعي الواحد يشعر بها في حال شاف احد احسن عنه …….. وينزعج في حال التعليقات كثرت عليه ويحس بدوينه
بس يظل هو مثل غيره من الناس …… يعني بعد ماحد مثالي فمب لازم يزعل من نفسه ويهاجمها ويشوف نفسه غير كفؤ وغير جيد للناس والحياه……..
حتى لو تم رفضه اكثر من مره او دائماً يتعامل مع المساله على انها شي ممكن يصير للانسان …….. لانه هو بعد انسان ….. وممكن مايصادف حد يتفهمه
والحياه مب مثاليه ايضاً وماحد قال بتحصل فيها كل شي تتمناه ……….. بس يتحامل على نفسه يكملها ………ويصنع سعادته من اي شي بسيط
والحمدلله على كل حال
ومب عيب الواحد يطلع اي في قلبه ويخبر به ويعبر عن غضبه وزعله وامتعاظه …..ولكن يحاول يعرف ان في الاخير مافي شي بيستاهل ومب لازم يندم عل شي
عشان الندم بعد يضعف الجسم والمناعه ……. فيحاول ياخذ الامور بعقل اكثر وبهدوء لان مايستاهل …….. واخرها بيضحك على هذه الاشياء المرت عليه وزعلته
بس الحياه تجارب ولازم الانسان يخوضها ويقوي قلبه قدر مايستطيع ……ويسيطر على الاشياء المالها لازمه …. غير التوتر والتشنج والندم
اتصور ان حياة الفرد مب ناقصه مشاكل اكثر!!!!!!
والناس يوم تدخل حياة الفرد فهي بقدر وشي مقدر بس الواحد يعرف انه لعب دور في هذا الشي!! فمايعيش في دوارة
الندم والحقد على الغير هو بعد يتشارك التجربه وهو متسبب بها سواء بسماح للاساءه او ادخال البعض الى الحياته والخضوع لهم لاجل سبب ما او لضعف منه!!
ويعتبرهم ناس عاديه مثل اي انسان ثاني ….. وفي حال شاف فيهم القيمه والرفعه فهذا من ذوقه ….. ومب شي ينتقص شي
وإن الله في عون العبد ما دام العبد في عون أخيه
يب يب صفوا القلوب
عشان جي صفاء قلبي وعشقه لاهلي وبس ربي يخليهم لي
وباجي العالم ان يوو ولا راحوا ما يهموني
لا اكرهم ولا احبهم (عاديين وبس)
أنا صرت بروفيسورة بحقيقة الناس من كثر الصدمات وللحين أتحمس لخدمة العدو والصديق وقت حد يحتاجني مهما انجرحت ما اقدر اتخلى عن طيبة قلبي وانوي عملي لوجه الله
أسامح بس ما أقدر أنسى
كنت صغيرة ما أقدر أستوعب معنى < اتقي شر من أحسنت إليه> أفكر معقول مقابلة الإحسان بالشر والغدر بعد لما صقلتني الحياة أدركت مصداقية هذا الحكمة
الحياة ما تخلى من الشين و الزين
لكن حلو انشراح النفس و معاشرة الناس الطيبة و الله انا أغلى بشر علي بعد اهلي ربيعتي اللي تسمعني و اسمعها و نشاطر بعض همومنا ، افتقدتها حيل من يوم تزوجت و انتقلت للسكن في دبي الله المستعان
و النبي اللي هو نبي صلى الله عليه و سلم قال له الله عز و جل و لعله يضيق صدرك بما يقولون فسبح بحمد ربك و كن من الساجدين ) صدق الله العظيم
لهذا اذا ضاق صدرك من احد اذكري الله و صلي لله و مباشرة كل القهر و الصدمة تزول.
