الاستيقاظ اداء فرض الفجر

خواتي انا بنت 17 سنه ..
والحمدلله محافظه علي فروضي كلهم
و علي وقتهم و الحمدلله يا رب

الا صلاة الفجر .. واحس انه ذنب كبير
و صدقوني من كل قلبي حابه اغير هالعاده
لكن مب قادرة .. و كل ما انش واشوف
الشمس طلعت اول شي يي في بالي الصلاه ..
قلبي ينقبض و اتم متوتره و زعلانه علي عمري

1- حطيت منبه و كل يوم احطه و يرن
– لما يرن انش و ابنده و انا مب حاسه

2- خليت وحده من صديقاتي تتصل توعيني
– لما يرن التلفون ابند ف ويهها واغلق التلفون
و ارد ارقد وانا مب حاسه

3- سمعت في كمن ايه في القران سبحان الله
تقرينهم و تنشين للصلاه عالوقت
– اقراهم يوميا و بعد ما انش

4- خليت امي و ابوي يبندون المكيف عني
لاني بسرعه انش اذا تسكر
– لما انش و اشوفه مبند انش افتحه و ارد انام

5- و غيره وايد
* كل وحده محافظه علي صلاتها قولي ( عافانالله )

اخر شي قررت اني ارقد من وقت يعني عقب صلاة
العشا علي طول و اذا نشيت نص الليل اتم واعيه لين
الصلاه و اصلي و اتم واعيه بعد لين ما يي وقت المدرسه
* للعلم رقادي متقطع .. يعني انش نص الليل مرات

بس بعد ما اضمن عمري اني اذا نشيت نص الليل
ما اكمل رقادي .. مع اني مب من النوع الي يرقد وايد
ولا اني احب الرقاد .. بس ماعرف شو المشكله

فيدوني جزاكم الله خير
اسال الله لكل اخت تجيب علي بركه و زيادة في المال ،
الذرية الصالحه ، الصحة الدائمه و الفردوس الاعلي ان شالله