السلام عليكم
اليوم ماداومت لاسباب صحية انثوية جدا >>اافهموو عاد
وبهذه المناسبة حبيت افيدكم باللي يفيدني ويكون هالموضوع مرجع
وقت العادة>>الدورة الشهرية كلنا نعرف ان تنقلب الهرمونات ونتعب الخ
انا اليوم وايد تعبانة وماداومت وماشالله مصحصحة من الصبح >>لو مداومة ابرك
الموووهيم
التزمي بهالنصايح عسب باجر عقب العرس ماتتعبين
لان الاهمال وقت الدورة يسبب هوا او خوا بالرحم
يعني تحسين بهوا برحمج حتى لو مب معرسة
فترة ماقبل الدورة
الوجبات والساندويشات كلها تاثر
مثال:-
ربيعتي عمري بحياتي من بلغت ماسمعت انها شي يعورها او يتعبها وقت العادة ماشالله
بس من دشت الجامعة قامت تاكل من سب وي ساندويجات وماك وكنتاكي
بهالفترة كانت تغيب 3ايام عن الجامعة بسبة ويع العادة
وكانت تقول اول مرة اشوف كتل
الين مااكتشفنا السر ان هالاكل +الدونت =يسبب الم
قطعت هالماكولات وماقامت تتويع
في ناس ياثر فيهم وفي ناس لا
بس الفاست فود بشكل عام ياثر عالرحم ويزيد الهرمونات
مثال2:-
انا كنت شالة شعر جسمي عالعيد بعد العيد تغير نظام اكلنا قمنا نرقد النهار نسهر الليل
ونطلب من الكافتيريا من كنتاكي >>لان محد يتفيج يطبخلنا فليل
باسبوع نما شعر جسمي بشكل غريب الشعر متفرق ووواقف وطويل شوي
بعد صولاتي وجولاتي بمجلة الصحة والططب قريت موضوع ان البرغر والبطاط
ياثرون بكثافة ونمو شعر الجسم
يعني باجر لو زاد شعر جسمج فجاة اعرفي السبب من اكلج
نرجع لمحور حديثنا العادة
فترة ماقبل الدورة
اذا انتي من النوع اللي وايد يتعب فالدورة وتحسين بالامها قبل لاتنزل
عودي عمرج تشربين زعتر او ينسون كل ويوم
فترة الدورة
ايام العادة دفي جسمج والبسي زلاغات
لاتمشين عالسيراميك البارد ترى هاكله بجسمج
شو تشربين وشو تاكلين؟
الالم فظيع >>شربي ينسون
ومشروب الدلع لهالييوم
اكوب حليب
7تمرات
1 ملعقه صغيره قرفه
شوي فلفل اسود
1 ملعقه كبيره سمن او زبدة
تخلطينهم عالنار لين مايذوب التمر
وبعدين صفي المشروب وبالعافية >>طعمه توفي يمي يمي
شربي زعتر يخذر الالم
سويلج شاي سليماني وضيفي ملعقة قرفة مطحونة ياسلاااام
او شاي +شوية جرفة+شوية زنجبيل
لاتحرمين نفسج من الطعام فهالفترة تغدي وتعشي
واذا فيج لوعة وماترومين تاكلين
سوي شوربة +فلفل اسود>>ينظف الرحم الفلفل الاسود
الممنوعات
ابتعدي عن البهارات والاندومي والبيض>>يسوون ريحة بالجسم
اقطعي البارد والببسي لما بعد الدورة
لاتلبسين شي خفيف دفي نفسج
وللمعرسات او اللي عوش جواز بحط موضوع ثاني لكم
في دليل العروس
تلاحقن ععماركن قبل العرس
ان شالله تعم الفايدة
اتصدقين انا قبل العرس كنت اموت واحيا من قو الالم .. بس بعد الزواج خف 50 %
والموز يخفف من ويع الدوره >_<
ياربي الحريم وايد يعانن …
وفي كل الاحوال البارد والايس كريم اثناء الدورة يسبب ألم شديد ويخلي انقباضات الرحم اقوى مما يسبب الم شديد وممكن يحبس الدم يعني الدورة ماتنزل لج وتطول اكثر عن معدها الطبيعي كل شهر
وفي ناس هالسوالف ما تاثر فيهم يعني كل حد وطبيعة جسمه
واللي مافادها اللي فوق تجرب تشرب بقدونس
والموز صح يخفف الالام وياثر عالمزاج يعني كلنا نعرف ان مزاجنا حدث ولا حرج قبل الدورة واحيانا حتى عقبها لن مرات الالم في الظهر يتم لين بعد الدورة الموز يعدل المزاج بعد
والجوكلت بس لا تكثرون من هالاشيا
لن الموز والجوكلت يمتنون لو وايد
والقرفة والزعتر والزنجبيل يسوون حرارة في الجسم يعني كثرتهم في هالجو تاثر وتسوي حساسية وامراض حق المعدة
كوب واحد يوميا زين ولو شربتي شي من الاشيا الحارة وبغيتي عقب بعد تشربين شي حار اشربي بابونج ولا ينسون ولا بقدونس
امممممم شو بعد
المهم ان شاء الله الموجود يسد
هيه الرياضة بعد او المشي واااايد تخفف الالم بس لاتشيلون شي ثجيل ياثر على الرحم مستقبلا مع الحمل ويزيد الالم في الدورة
واللبن والاشيا الباردة والغازية والحامضة توقف الدورة او تخليها تتقطع وتزيد الالم
والغازات انتي روحج فيج غازات بهالفترة فلا تزيدينها لنها تعور البطن
والسموحة وايد اتفلسفت
عالردود السنعة وتبرد القلب عالصبح
وباكل موز اعدل المود
الحمدلله ملتزمه بأكلي طول الشهر دوره واللا غير دوره
بس فيني عوق مب قادره عليه..وهو …شرب اللبن الطبيعي ع الغدا .ما أروم أودر هالعاده وقت الدوره بس هالشهر شربت يوم هي ويوم لا (أوني بسوي كونترول )
ينقل الموضوع للقسم الصحه
