اشحالكم خواتي ؟ عساكم ابخير؟
يوم الجمعه بتكون ملجتي ان شاء الله
وللاسف انا وخطيبي اتأخرنا وايد سوينا تحاليل الزواج الاسبوع اللي طاف والبارحه طلعت النتايج
والدكتوره قالت ان انا حامله ل مرض الانيميا المنجليه وهو حامل ل نفس المرض ,, (وخطيبي من الاهل)
قالتلنا ان ممكن يطلع المرض ف عيالنا ,, وممكن لا
قالت ان احتمال 50 بالميه يكونون حاملين للمرض يعني شراتنا
واحتمال 25 يكون فيهم المرض واحتمال 25 يكونون صاحين
قالتلنا فكرو عدل وجي
نحن سألنا اطباء و استشاريين متخصصين ,, وكل حد يقول شي
يعني شي منهم طمنونا وقالو توكلو على الله ..
في دكتور قال ان المرض بيطلع ف العيال إذا حملت عقب ما اكمل ال30 سنه
وفي دكتور قال ان ممكن ف اول ايام الحمل انسوي فحص وبيبين اذا الجنين فيه المرض او لا ولو كان فيه نقدر انسقطه
وفي دكتوره قالت ان اول 3 اطفال بيكونون سليميين تماماا
وفي دكتور قال لازم هالزواج ما يتــم ….
ابليز ابا نصايحكم
ولو في حد عنده نفس المشكله يخبرني شو صار وياه لاني صدق مضايجه من الخاطر
اترياكم 
وملجت قالولها مب زين لانه ريلها في الكبد الوبائي
والله يعين ملجت
بس انصحج لاااااا تملجين
واحد في المحكمة قال حق اختي وااايد ناس ياهم يهال متشوهين من هاشي
امممم لا ما بيكونون مشوهين ولا معاقين ان شاء الله
بس بيكونون يحتاجون كل شهر تبديل دم ,, تخيلو!!!
,,.,,
اوكي اختي حلا
