قبل لا اقولكن السالفه في ذمتيه انيه ادعي من كل قلبيه يرزق كل زوجه بالذريه الصالحه ..×
انا صارليه الحينه 8 شهور من عرست ما حملت بهالفتره واليوم الحمدلله انا حامل ..×
تصدقن كنت فاقده الامل مع انيه تونيه في بداية الطريج بس الغريبه انا هب متينه يعني ضعيفه شوي ..×
والدوره عنديه منتظمه الحمدلله وع حسب كلام الدكتوره تقول الضعاف فرصة الحمل عندهن
اكثر من المليانات لان يتأخر عندهن الحمل طبيعي ف كنت متخوفه وآآآيد ..×
عالعموم انا بخبركن اللي استوى عنديه يمكن حد يستفيد منيه ويمكن بنات اتيهن هالاسئله وما لقن جواب ..×
انا عقب 5 شهور من عرست راجعت الدكتوره وسألتها وسوتليه فحص حقيه عسب تتأكد
اذا كل شي سليم ولا ولا ويابتنيه انا وريليه وقالت لنا كمن كلمه ..×
عطتنا نصايح ومعلومه ان في رياييل يرتاحون بس الحريم لا ,, اتمنى تفهمونيه لانها معلومه مهمه
ويمكن اغلبكن يعرفها ان الحمل ما يستوي اذا صار اثناء المجامعه ان الريال ارتاح والحرمه لا
يعني هالشي ضرووري ان الريال يريح حرمته اول شي عقب هو يرتاح ما بفسر اكثر عن شي ههه ..×
والشي الثاني ان الحرمه ما تغتسل على طول عالاقل اتم 5 ساعات تسكر ريولها وتحط مخده تحت ظهرها ..×
معلومات هب يديده عليكن بس حبيت انفع واذكر ويمممممكن في بنات ما يعرفن سبحان الله ..×
انا قبل كنت اتم ساعه او ساعتين ماتحمل اسير اتغسل بس اخر مره تميت بالليل راقده لين الفير
تغسلت والحمدلله الحينه حامل واحس هالشي له علاقه ويمكن هالمعلومه مرتبطه بمعلومة الجسم
يعني اللي مليانه شوي يحتاج انها تسويها اكثر لصعوبة وصول المني لجدار الرحم ..×
المهم ما علينا ,,~
انا موعد الدوره عنديه اصلا 25 الشهر بس الشهر اللي طاف ولاول مره يستويليه جيه
تجدمت وااايد وياتنيه تاريخ 14 الشهر وتمت 5 ايام بالضبط وهي بالعاده 7 ايام انزين
هالشهر المفروض اتينيه البارحه و اليوم طبعا 15 يعني فرق يوم واحد بس تاخرت وما ياتنيه شووو اللي صارليه
انا قبل تاريخ 14 نزليه شرات الوصخ اللي ينزل آآآخر الدوره يعني سائل لونه بني ..× ><
وياتنيه الام الدوره ويع في الظهر والريول شرات ما تعرفن يعني وظهرلتيه العروج مبينه ع صدريه
ع فكرة بطنيه انتفخ وصدريه كبر يعني جنها الدووووووره صدق سبحان الله ..×
تاخرت عنديه يوم واحد بس ع طول استغربت وربعت الصيدليه وشريت اليه البراغننسي تيست ..×
قلت مااا بسوي بتريا كم يوم بس الوسواس لعب براسيه وما تحملت هههههه سرت وسويتليه فحص بول ..×
وطلعليه خطين واحد مبين وايد والثاني هب مبين وايد وعاااد اانا دارتبيه الدنيا وتخبلت هههه ..×
بو الشباب يالس يلعب وياا قطوتنا برع حليله جان ازقره واقوله بتخبرك انا يبين عليه حامل ههه
جان يقوليه حلفي صدق وهييييه قلتله بلاك تزاعج انا اسألك قاليه له ما يبين هع ..×
وخبرته السالفه وما تحمل ودانيه عياده خاصه قلتله تريانيه ف السياره وسويت فحص دم 10 دقايق
ياتنيه الدكتوره وتقوليه مبروك ( انتي حامل ) ياالله محلات هالكلمه كنت اتريا اسمعها من متى 
تميت اصييح يدامها وهي تضحك غربلاتها تقوليه وت هابن واي يو ار كراي هاا هههههه
وسرت بشرت الغالي ربيه يحفظه استانس واول شي دق على اميه وبشرها وعقب دق على امه فديتهن ..~
يعني يا حبيبااااتي هالسالفه كلها عسب اقولكن شووو كثر انيه مستانسه بالحمال ..~
والله انيه ما وقفت دعاء وياما كنت اصيح واشوف ريليه متملل وايبليه طاري العيال واانا اتحطم ..~
بس كل شي بايد رب العالمين فديتكن وانا والله ادعيلكن من كل قلبيه ويااارب اسمع بشارتكن جريب ..×
وادعوووليه الله يثبت الحمل ويرزقنيه ببيبي حلوو شــرآآتيه هع ..×
وسواااااااااااالم ..× 
الله يتمملج فرحتج يأاأآآرب
الله يثبتلج حملج ويسهل عليج …،،
انتبهي لنفسج زييييين .. ولا تتحركين وااآيد …
الله يتمملج فرحتج يأاأآآرب
الله يثبتلج حملج ويسهل عليج …،،
انتبهي لنفسج زييييين .. ولا تتحركين وااآيد …
والله وووووووووووووووووووووووووووووووووووووووووووووووووو ووووايد فرحتلج
يا رب ترزقنا
ادعي لنا بالذرية الصالحة
